Isaya 49:24 - KITABU KITAKATIFU

²⁴ Hene muluviriri a la nyagwa vilanye vivye, naho ava hambwa buhambe bweligali va la bohololwa?

Isaya 49:24 ပူးပေါင်းရင်းမြစ်များ

Ezara 9:13

Nenyima wa yaga aga ku gwira kigira vikolwa vyetu vidamano, na kigira mahyolo getu manene, kigira ive Nyasaye wetu wa ku ha mageli navutswa si ga li kuli ubudamano bwetu bu dukanga mba, na wa ku lekera ava tigala kuli yava,

Ezara 9:9

Kigira kwinye ku veye avatugwa; navutswa Nyasaye wetu si a ku leka ligali mu libofwa Ivetu, navutsvva u ku leminye mwoyo imbiri wommoni mwa avami va Persia, a duke kukuha livuka, ku duke kusingeridza inyumba ya Nyasaye wetu, nokudigulula vya nyi vyayo, nokukuha lidigi mu Yuda, nomu Yerusalemi.

Nehemia 9:33

Navutswa ive u veye wobulungi mu yaga gosi aga gwira kwi nye; kigira wa kola ageligali, navu tswa kwinye kwa kola agobudamano;

Nehemia 9:37

Na kivala yiki ki hedzanga avami ava mehidzwa ku kwinye vyambeti nelimedeka kigira ubwoni bwetu: navo va veye nobunyali ku mibiri gyetu, noku mitugu gyetu, kuli va yanza, na kwinye ku veye mu lidambidzwa linene.

Isaya 42:22

Navutswa avandu yava va veye ava nuulwa nokulanywa; vosi va gumirwa nemitego mu bogo, nokuviswa mu tsi nyumba tsyavahambe: va gwiye vilanye, si ha veye nomuhonnyi; va gwiye kilanye, si ha veye no u volanga Wirannye.

Isaya 5:29

lihuma lyavo li la va kuli lifwuma lyeking'ang'a, va la fwuma kuli ving'ang'a visoleli; yee, va la fwuma noku gumira vilanye, nokuvivugula va tsie navyo bulahi, na si ha la va nomundu kuvahonnya.

Isaya 53:12

Kigira yaga nda mu gavulira kidieli halala na vanene, naye a la gavula vilanye halala na vetsingulu; kigira ya sundula livamwoyo lilye kuduka ku likudza, naye ya validzwa halala na vahyolanga: halala na yaga ya ginga ubwoni bwa vanyingi, kandi ya saalira yavo ava hyolanga.

Ezekieli 37:11

Hene yaho ya mbolera, Ive mwana womundu, vigumba yivi vi veye inyumba yosi ya Israeli: henza va vola, Vigumba vyetu vi veye viyumu, na lisuuviridzwa lyetu li goti; ku dividzwi ligali.

Ezekieli 37:3

Na ya mbolera, Ive mwana womundu, vigumba yivi vi nyala kuva mwoyo kandi? Na inze nda tivula, O Mwami Nyasaye, ive u manya.

Nahum 2:13

Henza, mbeye ku ive, Yahova wa mahe a vola, nda sambira amagari gege gobulwani mu mwoki, nekivavi ki la mira ving'ang'a visoleli vivyo na nda twulidza ku kivala lihima lilyo, na mwoyo gwavatumwa vovo gu la vula kuhulirwa kandi.

Matayo 12:29

Mundu a nyala ndi kwingira mu inyumba yowetsingulu kumunyaga vindu vivye, na a ta tangi kuboha wetsingulu? Kunangwa a la mu nyaga inyumba yeye.

Marko 3:27

Si ha veye nomundu a nyala kwingira munyumba vomundu wetsingulu, na a mu nyaga vindu vivye, bugira na a ta boha wetsingulu; ma a la mu nyaga inyumba yeye.