Isaya 49:23 - KITABU KITAKATIFU

²³ Avami va la va avadada vovo avaleri, na avakaye vovo va la va avamama vovo avaleri: na va linamira imbiri wowo nokuhenzidza tsimoni tsyavo hasi, nokumena lugukyi lwevirenge vivyo; na ive u la manya inze mbeye Yahova, na yavo ava lindiriranga inze va la vula kuva isoni.

Isaya 49:23 ပူးပေါင်းရင်းမြစ်များ

Litanga 27:29

Avandu va tumekire ive, Na tsihiri tsi ku sigamire: Ive u ve mwami ku avamwavo vovo: Kandi avana va mama wowo va ku sigamire: Ku vosi a laama ive, a laamwe, Noku vosi a gasidza ive, a gasidzwe.

Litanga 43:26

Na lwa Yosefa ya duka mu inyumba yeye, va mu letera mu inyumba, vihaanwa vya li mu mukono gwavo, nokwinama imbiri wewe kuduka hasi

Zaburi 138:4

Avami vosi velirova va la ku santidza, O Yahova, Kigira va huliye livola lyomunwa gugwo.

Zaburi 25:3

Yee, ava lindiriranga ive si va la va netsisoni, kali mulala: Yavo ava kolanga ubugadi bugira kivune va la va netsisoni.

Zaburi 34:22

Yahova a tungiranga myoyo gyavatumekiri veve; Na kali mulala kuvo avivisanga muye si a la kalagirwa mba.

Zaburi 68:31

Avanene va la twula Egepeti; Ethiopia nonoho va la nyira ma kono gavo ku Nyasaye.

Zaburi 69:6

O Mwami Yahova wa mahe, u ta leka ava ku lindirira va ve isoni kigira inze; O Nyasaye wa Israeli, avenyanga ive va ta leganywa kigira Inze.

Kutwula 6:7

kandi nda vugula mwinye mu ve avandu vange, na inze nda va Nyasaye ku mwinye; na mwinye mu la manya mbeye Yahova Nyasaye wenyu, u twulidzanga mwinye ku misigo gya Avaegepeti.

Isaya 14:1

Kigira Yahova a la vererera Yakobo, na a la tovola Israeli, na a la va vika mu kivala kyavo: na mumenya a la hambana navo, va la hambana nenyumba ya Yakobo.

Isaya 14:2

Navandu vetsihiri va la va vugula, nokuvaleta mbugono bwavo; nenyumba ya Israeli i la va navandu yavo mu kivala kya Yahova, va ve avatugwa vavo navakana vatugwa vavo: na va la va hamba ubuhambe ava li avahambe vavo; va lameha ku yavo ava li avadambidzi vavo.

Isaya 25:9

Mu lidiku yilyo ga la volwa Henza, Uyu ni Nyasaye wetu; ku mu lindiriye, naye a la ku honnya: uyu ni Yahova; ku mu lindiriye, ku la lola bulahi nokusangalira ubuhonnyi bwibwe.

Isaya 26:8

Yee, ku lindiriye ive, O Yahova mu inzira yelikalaga lilyo; likayirwa lyemyoyo gyetu li yeki ku lieta lilyo, nokulidzulitsa lilyo.

Isaya 29:22

Kunangwa kigira yaga Yahova, uyu wa honnya Abrahamu, ya vola ku inyumba ya Yakobo: Yakobo si a la va isoni kalunu kandi mmoni mwimwe si mu la gaiula kalunu.

Isaya 41:20

va duke kulola, noku manya, nokuganagana nokwidzulitsa halala, mukono gwa Yahova gwa lomba inkuva yiyi, na Mutakatifu wa Israeli ya gi lomba.

Isaya 43:10

Mwinye mu yeye avaloli vange, Yahova a vola, mutumekiri wange wa nda tovola; mu duke kumanya nokusuuvira inze, nokumanya inze niye: imbiri ku inze Nyasaye si a lombwa yo mba, kandi inyima ku inze si a la va yo wundi mba.

Isaya 45:14

Yahova a vola yaga, Linyankana lyemiyinzi gya Egepeti, nevindu vyamaguli vya Ethiopia, na Vasabea, avandu va veye avatambi, va ladza ku ive, va la va avandu vovo: va la londa ive; va ladza ku ive neminyororo gyavo: va la gwa hasi imbiri wowo, va la ku saala, ni va vola, Ligali Nyasaye a veye hagati hoho; si ha veye nowundi, si ha veve na Nyasaye wundi.

Isaya 45:17

Narutswa Yahova a la honnya Israeli nelihonywa lyemihiga nemihiga: na si mu la va isoni, kinga kugenya kuduka mihiga nemihiga.

Isaya 49:7

Yahova, Mutungiri wa Israeli, na Mutakatifu wa Israeli, u volera uyu wavandu va lega, uyu wa vetsihiri va dunyira, uyu mutumekiri wa yavo avamehanga; Avami va la lola nokuvuka; avanene va la sigamira; kigira Yahova u veye musuuvirifu, Mutakatifu wa Israeli, u tovoye ive.

Isaya 50:7

Kigira Yahova Nyasaye a la nkonya; kigira yaga nda vula kuva isoni: kunangwa nda vika mmoni mwange kuli ligina lidinyu, na inze manya si nda nyola tsisoni.

Isaya 52:15

ni ndiyo a la sama tsihiri tsinyingi; avami va la kunika minwa gyavo kuye: kigira vindu vya va vula kuvolerwa va la vi lola; na ga va vula kuhulira va la ga manya.

Isaya 52:6

Kigira yaga avandu vange va la manya lieta lyange: kigira yaga va la manya mu lidiku lilyo ni inze u volanga; mu henze a veye inze.

Isaya 60:14

Navana vayai va yavo ava dambi dza ive va ladza kukwinamira; na yavo vosi ava ku lega va leyinaminya avene ha tsinduvatiru tsitsyo; na va la ku langa, Lidala lya Yahova, Zioni lyo Mutakatifu wa Israeli.

Isaya 60:16

U la nuna amaveere gavetsihiri, na u la nuna tsimbeere tsyavami; na u la manya inze, Yahova, mbeye Muhonnyi wowo, Mutungiri wowo, Wanyala Vyosi wa Yakobo.

Isaya 60:3

Na tsihiri tsing'ano netsing'ano tsi ladza ku bulavu bubwo, navami va ladza ku bung'ering'anu bwelikya lilyo.

Isaya 62:2

Na tsihiri tsi la lola ubulungi bubwo, navami vosi va la lola ubukumi bubwo: na u la gulikwa lieta lihya, lyomunwa gwa Yahova gu li gulika.

Isaya 64:4

Kigira kutwula kale ava ndu va vula kuhulira, kandi si va manya na amatu, kandi imoni si ya lola Nyasaye wundi, lugano ku ive, u kolera uyu u mu lindiranga miyinzi.

Ezekieli 37:6

Na nda vika imiki ku mwinye, nokuleta tsi nyama tsi ve ku mwinye, nokumukunika neligodo, na nda vika mwika mu mwinye, na mu la va mwoyo; na mu la manya inze mbeye Yahova.

Joeli 2:27

Na mu la manya inze mbeye hagati ha Israeli, kandi mbeye Yahova Nyasaye wenyu, na si ha veye nowundi; na avandu vange va la vula kuva netsisoni mihiga nemihiga.

Mika 7:17

Va la komba lugukyi kuli inzoka; kuli vimolanga vyelirova va la twula ha tsingo tsyavo ha lyevisa lyavo nelidegera, va la tsia ku Yahova Nyasaye wetu nokumutia, na va la lola ubutii kigira ive.

Livalidza 11:12

Ninze wa verekidza avandu yava vosi? Ninze wa vivula, ive u duke kumbolera, U va ginge mu kiritu kikyo, kuli dada u leranga mwana u nunanga, kuvadukidza mu kivala kya wisuhira avaguga vavo?

Matayo 25:16

Nonoho wa hebwa vigero vitanu ya tsia na a kirannya, na a nyola vindi vitanu.

Varumi 10:11

Kigira ma ng'oda ga vola, Ku vosi u mu suuvira si a li va soni.

Varumi 5:5

kandi ubuluviriri si bu leta tsisoni; kigira Roho Mutakatifu wa kwa hebwa, u tsuki ubuyanzi bwa Nyasaye mu myoyo gyetu.

Varumi 9:33

kuli wa ga ng'odwa, Henza, mbika ku Zioni iigina lyokwikigitalidza, nolwanda lwokuvihiriridza: Noyu u mu suuvira si a li va soni.

1 Petro 2:6

Kigira livoia yili li veye mu mang'oda, Henza, mbika mu Zioni ligina linene lyolwiga, litovole, lyobukumi: Kandi u mu suuvira si a la legannywa.

Likunula 3:9

Henza, nku hedzanga avelivugana lya Setani, ava volanga va veye Avayuda, navutswa si va li ndiyo, navutswa va vehanga; henza, nda va kola vadze kukusigamira ha virenge vivyo, nokumanya inze nku yanzi.