Isaya 49:22 - KITABU KITAKATIFU

²² Yahova Nyasaye, a vola ndi, Henza, nda gingira avandu ve tsihiri mukono gwange, nokusingeridzira avandu ibendera yange; na va la leta avana vayai vovo mu viritu vyavo, navakana vovo va la gingirwa ku mavega gavo.

Isaya 49:22 ပူးပေါင်းရင်းမြစ်များ

Zaburi 102:22

Lwa avandu va vugana halala, Na ubwami bu veye ho kutumekira Yahova.

Zaburi 22:27

Viheri vyosi vyelirova vi lidzulitsa nokwirana ku Yahova; Kandi avetsinyumba tsyetsihiri tsyosi va la sigama imbiri wowo.

Zaburi 72:17

Lieta lilye li hindira mihiga nemihiga; Lieta lilye li la hongera kuva kuli liuva: Na avandu va la gasidzwa muye; Tsihiri tsyosi tsi la mu goha mugasu.

Zaburi 72:8

A lameha kutwula ku inyanza yiyi nokuduka ku yiyi Kandi kutwula ku Mugera kuduka ku kiheri kyelirova.

Zaburi 86:9

Tsihiri tsyosi tsya wa lomba tsi la sigama imbiri wowo, O Mwami; Na va la kuminya lieta lilyo.

Isaya 14:2

Navandu vetsihiri va la va vugula, nokuvaleta mbugono bwavo; nenyumba ya Israeli i la va navandu yavo mu kivala kya Yahova, va ve avatugwa vavo navakana vatugwa vavo: na va la va hamba ubuhambe ava li avahambe vavo; va lameha ku yavo ava li avadambidzi vavo.

Isaya 18:3

Mwinye vosi avamenyi mu lirova, na mwinye avamenyi ku kivala lwa ibendera i sungwa igulu ku viguiu, mu lole; na lwa kisiliva ki kupwa, mu hulire.

Isaya 43:6

nda volera kasikasini, Haana; na kusini, U tigalira mba; leta avayai vange kutwula ihale, navakana vange kutwula ku kiheri kyelirova;

Isaya 49:12

Henza, yava va la twula ihale, na yava va la twula ku tsimbega tsya kasikasini, noku tsimbega tsya madioli; na yava kutwula mu kivala kya Sinim.

Isaya 62:10

Mu vite, mu vite mu viribwa; mu lombe inzira yavandu; mu lunge kidze, mu lungekidze lihasi; mu twulidze magina galyo; mu gingire avandu ibendera.

Isaya 66:19

Nda vika kilolekidzu hagati havo na yavo va li hona mu avandu yavo nda va twulidza va tsie mu tsihiri, Tarshishi, na Puli, na Ludi, ava tumekiranga ubuta, na Tubali, na Javan, ku visulu vyehale ligali, vi kikiri kuhulira lidzominywa lyange, kinga kulola ubukumi bwange; va la landidza ubukumi bwange mu tsihiri.

Isaya 66:20

Va la leta avamwavo venyu vosi kutwula mu tsihiri tsyosi kuva kihaanwa kyokuhaana ku Yahova, ku tsiparasi, noku magari, noku luderu, noku tsinyumbu, noku inyama yetsimbiru ligali va duke ku kigulu kyange kitakatifu, Yerusalemi, Yahova a vola, kuli avana va Israeli va leta vihaanwa vyavo mu kiju kilahi mu inyumba ya Yahova.

Zekaria 8:22

Yee, avandu vanyingi na vetsihiri vetsingulu va ladza kwenya Yahova wa mahe mu Yerusalemi, nokusaala tsimbabasi tsya Yahova.

Malaki 1:11

Kigira kutwula ku litonga lyeliuva kuduka ku liyera lyalyo, lieta lyange li veye linene mu tsihiri: kandi hosi kimuli ki la sambangwa ku lieta lyange, na kihaanwa kilahi: kigira lieta lyange li veye linene mu vandu vetsihiri: Yahova wa mahe a vola.

Luka 13:29

Va la twula ivugwe nemadioli, na kasikasini na kusini, va ladza kwikala mu bwami bwa Nyasaye.