Isaya 49:12 - KITABU KITAKATIFU

¹² Henza, yava va la twula ihale, na yava va la twula ku tsimbega tsya kasikasini, noku tsimbega tsya madioli; na yava kutwula mu kivala kya Sinim.

Isaya 49:12 ပူးပေါင်းရင်းမြစ်များ

Zaburi 22:27

Viheri vyosi vyelirova vi lidzulitsa nokwirana ku Yahova; Kandi avetsinyumba tsyetsihiri tsyosi va la sigama imbiri wowo.

Zaburi 72:17

Lieta lilye li hindira mihiga nemihiga; Lieta lilye li la hongera kuva kuli liuva: Na avandu va la gasidzwa muye; Tsihiri tsyosi tsi la mu goha mugasu.

Isaya 11:12

Naye a la singeridzira tsihiri ibendera, na a la vungidza ava syuvwa va Israeli, nokuvungidza ava salanywa va Yuda kutwula kutsintulu tsine tsyelirova.

Isaya 45:22

Mu henze ku inze, mu honnywe, mwinye avetsindulu tsyelirova tsyosikigira mbeye Nyasaye, si ha veye nowundi.

Isaya 49:1

Mu hulire inze, mwinye visulu na mwinye avandu, mu tegidze amatu mu hulire, mwinye ava veye ihale: Yahova u nangi kutwula munda; kutwula munda mwa mama wange u tali lieta lyange:

Isaya 49:18

Ginga tsimoni tsitsyo, u henza tsimbega tsyosi: yavo vosi avevungidza halala vadzanga ku ive. Kuli inze mbeye mwoyo, Yahova a vola, ligali ive u livika yava vosi kuli kwivika kiju kyobukumi, nokweboha yava, kuli mwiha.

Isaya 55:5

Henza, ive u la langa ihiri ya u ta manya; kandi ihiri ya vula kumanya ive, i la nyagulira ku ive, kigira Yahova Nyasaye wowo, kandi kigira uyu Mutakatifu wa Israeli; kigira u kuminyi ive.

Isaya 59:19

Ni ndiyo va li tia lieta lya Yahova kutwula madioli, nobukumi bwibwe kutwula butwuliru bweliuva; kigira lwa uyu musigu a ladza kuli mugera gwamadzi gwizuye, Roho wa Yahova a la singeridza ibendera kuye.

Isaya 60:4

Ginga tsimoni tsitsyo u lole ku tsimbega tsitsyo: vosi vevungidze avene halala, vadzanga ku ive; avana vovo vayai va ladza ku ive kutwule ihale, avana vovo avakana va la gingirwa mmakono.

Jeremia 30:10

Kunangwa kigira yaga u ta tia mba, ive mutumekiri wange Yakobo, Yahova a vola; kinga ive Israeli, u ta timuka enkoio: kigira, henza, nda ku honnya kutwula ihale, na kisukululwi kikyo ki twule mu kivala kyelyadikidzwa lyavo; Yakobo a lirana, na a la sosa, nokwelemeridza, kandi si ha la va nowokumutihidza.

Mika 4:2

Na tsihiri tsinyingi va la tsia nokuvola, Hambi mwinye kwanegire ku kigulu kya Yahova noku inyumba ya Nyasaye wa Yakobo; naye a la kwegidza tsinzira tsitsye, na ku la genda mu tsinzira tsitsye. Kigira lilaga li la twula Zioni, na likuva lya Yahova li la twula Yerusalemi;

Zekaria 2:11

Na ku lidiku yilyo tsihiri tsinyingi tsi lehambannya na Yahova, navo va la va avandu vange; na nda va hagati hoho, na u la manya Yahova wa mahe niye wa ntuma ku ive.

Zekaria 6:15

Na yavo va veye ihali va ladza nokwombaka mu litempeli lya Yahova; na mu la manya ni Yahova wa mahe wa ntuma ku mwinye. Na yaga ga la kolwa ni mu va ni mu hulira ligali mwoyo gwa Yahova Nyasaye wenyu.

Matayo 8:11

Na inze mmu volera, vanyingi va la twula ivugwe na madioli, va likala halala na Abrahamu, na Isaka, na Yakobo mbwami bwomigulu:

Luka 13:29

Va la twula ivugwe nemadioli, na kasikasini na kusini, va ladza kwikala mu bwami bwa Nyasaye.

Likunula 11:15

Ingelosi wa katano na kaviri ya kupa; gya twula myoyo minene migulu, ni gyi vola, Ubwami bwelirova bu gwiye bwo Mwami wetu, nobwa Kristo wewe: naye a lameha mihiga nemihiga.

Likunula 7:9

Inyima wevindu yivi nda lola, kandi, henza, kiduma kinene kyomundu a vula ho u nyala kuvalidza, ki twula ku tsihiri tsyosi, noku tsimpya tsyosi, noku vandu vosi noku tsinimi tsyosi, kya singira imbiri wentebe nembiri wo Mwana Weligondi, va vikwa tsingubo tsindavu kandi va li namatu gamakindu mu makono gavo;