10 Si va la lola inzala kandi si va la va nobuluhu; kandi uluya kinga liuva si i la va samba: kigira uyu wa va vemrera a la vimirira, na a la va hila himbi visenukiru vyamadzi.
Kigira Yahova a la vererera Yakobo, na a la tovola Israeli, na a la va vika mu kivala kyavo: na mumenya a la hambana navo, va la hambana nenyumba ya Yakobo.
Kigira ive wa li impinga yavadaka, impinga ku mudambi mu lidambidzwa lilye, yokwivisa mu inyinga yekihi, kiriri ku uluva, lwembuudza ya vatihidzi i luuma kuli kihi ki kupa lidigi.
Hene yaho umuhenyeri a la tumatuma kuli imboongo, nolulimi lyedimbidi lu limba; kigira mmigendanyama madzi ga la senuka, notugera tu la senuka mu kyangalangwi.
Na muyeke gweluhya gu la gwa lidavalia, namarova gobuluhu ga la gwa visenukiru vyamadzi; mu bumenyo bwevibwe, ha vi gonanga, ha la va nobunyasi halala nommberani, nelihunzu.
Avadaka navadambi venyanga madzi, na fii ga veye ho, na tsinimi tsyavo tsyumanga kigira buluhu; Inze, Yahova, nda va tivulira, inze Nyasaye wa Israeli, si nda va leka mba.
Yahova, Mutungiri wowo, Mutakatifu wa Israeli, a vola ndi: Inze mbeye Yahova Nyasaye wowo, u kwegidzanga kunyola vyambeti, ukwimiriranga mu inzira i ku dukiranga kugenda kuyo.
Kigira si mu la tsia kyova bwangu bwangu, kandi si mu la genda neliruka: kigira Yahova a limira imbiri wenyu; na Nyasaye wa Israeli a la va wokumulonda inyima.
Kigira vigulu vi la twula, notugulu tu ladikidzwa; navutswa tsimbabasi tsyobuyanzi bwange si tsi la twula ku ive mba, nelilagana lyemirembe lyange si li la twulidzwa mba, Yahova a vola, uyu u vererera Ive.
Ku livihirirwa lya vita kigero nda ku visa mmoni mwange ku idakika indala; navutswa ku bulahi bu hongeranga mihiga nemihiga nda ku vererera, Yahova Mutungiri wowo a vola.
na Yahova a la kwimirira kazozo, na a la kwigutilza mu hosi ha ta veye namadzi, nokuvika vigumba vivyo tsingulu; na u la va kuli mulimi gwa samwa amadzi, na kuli kisenukiru kyamadzi, kya amadzi gakyo ga vula kukama.
Kunangwa Mwami Nyasaye ya vola yaga, Henza, avatumekiri vange va la lia, navutswa mwinye mu la va nenzala; henza, avatumekiri vange va la nwa, navutswa mwinye mu la va nobuluhu; henza, avatumekiri vange va la sangala, navutswa mwinye mu la va isoni,
Va ladza nelilira; na nda vimirira nelisaala: nda va gendidza himbi nemigera gyamadzi, ku inzira inungi ya va la vula kwikigitala ku; kigira inze mbeye dada wa Israeli, na Efiraim a veye wokutanga kwivulwa wange.
Na ga duka, lwa liuva lya twula, Nyasaye ya lomba imbuudza yevugwe i sambanga; na liuva lya samba ku mutwe gwa Jona, naye ya kudza mwoyo, ni yeyenyera likudza, na a vola, Nobulahi ku inze kukudza kuvita kuva mwoyo.
U lihidze avandu vovo nempimbo yoyo, kyayo kyemiyandu gyigyo, yavo ava menyanga veng'ine, mu mulitu gu veye hagati ha Karimeli: vaye mu Bashan na Gileadi, kuli vaya mu madiku ga kale.
Yesu ya va vo lera, Inze nibwo ubukima bweliva mwoyo: uyu udza ku inze si a li lola inzala mba, kandi u suuvira inze si a li lola ubuluhu mihiga nemihiga.