Isaya 48:8 - KITABU KITAKATIFU

⁸ Yee, si wa hulira; yee, si wa manya; yee, ugutu gugwo si gwigulika kutwula kale: kigira inze nda manya u veye wokukola ubugadi bunene, na walangwa muhyoli kutwula mu livulwa lilyo.

Isaya 48:8 ပူးပေါင်းရင်းမြစ်များ

Zaburi 40:6

Visyuviriru na vihaanwa si u yanzidzwa navyo; Amatu gange u giguye Vihaanwa vyokusambwa na vihaanwa vyobwoni si u vyenya.

Zaburi 51:5

Henza, ndivulwa mu liva lyobwoni; Kandi mama wange ya mbereka mu bwoni.

Zaburi 58:3

Avadamano va veye avageni kutwula munda: Va tsia haluvega kutwula livulwa lyavo, ku livola ububehi.

Isaya 21:2

Mmali kumannywa malola agokusaliridza; uyu u tumekiranga ubugadi a gadanga, na uyu u gotidzanga a gotidzanga. Yanegira, O Elam; u kumbiridze madala, O Media; mmali kuheridza likenya lyago lyosi.

Isaya 26:11

Yahova, mukono gugwo gu gingeywi igulu, navutswa si va lola mba: navutswa netsisoni va la lola ubugulu bubwo ku avandu; yee, muliru gu la samba vasigu vovo.

Isaya 33:1

Ubudamano bu ve ku ive wononnyanga, na ive si wononnyangwa; wa tumekira ubugadi, navo si va ku kolera ubugadi Lwa u lekeye kwononnya, ive u lononnywa, kandi lwa u mala kutumekira ubugadi, navo va la ku kolera ubugadi.

Isaya 42:25

Kigira yaga ya tsuka kuye ubululu bwobu tima bwibwe, netsingulu tsyobulwani; navyo vya mu vikirira muliru tsi mbega tsyosi, navutswa si ya manya; na gwa mu samba, naye si ya vika ku mwoyo.

Isaya 46:8

Mwidzulitse yaga, mwelang'aminye mwinye avene kuva vasatsa midzulitsane likuva yili, mwinye avahyoli.

Isaya 47:11

Kigira yaga ubudamano bu ladza ku ive; na ive si u la manya livuka lyabwo: na likuva lyekivi li la ku gwira; si u la nyala kwehonnya kulyo: nobudivi bu la ku nyola nonoho, bwa u ta manya.

Isaya 48:4

Kigira nda manya u veye mutingu, ne ligoti li veye lyekivya, nobweni bubwo bu veye mugasa;

Isaya 48:7

Vi lombeywi kalunu, si vya lombwa kutwula kale; na ive imbiri welidiku lya lero si wa vi hulira mba; gase u la vola, Henza, nda vi manya.

Isaya 50:5

Yahova Nyasaye u nziguye ugutu gwange, na si nda li mutingu, kandi si ndirana inyima.

Isaya 57:4

Mu kinira ku bwaha? Mu kunula minwa ku bwaha, nokunyira lulimi? Si mu veye avana va mahyolo, lwivulu lwobubehi,

Jeremia 3:20

Ligali kuli mukali a leka musatsa wewe nobugadi, ni ndiyo mwinye mu nkoleye nobugadi, O inyumba ya Israeli, Yahova a vola.

Jeremia 5:11

Kigira inyumba ya Israeli nenyumba ya Yuda tsi kol ubugadi ligali ku inze, Yahova a vola.

Jeremia 5:21

Mu hulire likuva yili, mwinye avandu avasiru, ava ta li nelimanya; ava veye netsimoni, na si mu lolanga; ava veye namatu, na si mu huliranga:

Jeremia 6:10

Inze mbolerane na bwaha nokumulolekidza, va hulire? Henza, gutu gwavo si gu veye gwa kevwa, na si va nyala kuhulira: henza, likuva lya Yahova li gwiye linyega kuvo; si va veye nobuyanzi kulyo.

Hosea 5:7

Va koli ubugeeri bwobugadi ku Yahova; vivuye avana vageni: kalunu mweli muhya gu la va mira halala nemilimi gyavo.

Hosea 6:7

Navutswa yavo va mali kwononnya lilagana kuli Adamu: va koli ubugeeri bwobugadi ku inze.

Hosea 7:9

Avageni va miri tsingulu tsitsye, naye si a manya: yee, tsimbudze tsi loleki kuye yiyi na yiyi, naye si a manya.

Malaki 2:11

Yuda ya kola nobugadi, na livihiriridza li veye mu Israeli nomu Yerusalemi: kigira Yuda yononnya ubutakatifu bwa Yahova bwa a yanzanga, na ya kwa mu kana wa nyasaye mugeni.

Vafeso 2:3

Na kwinye kwosi kwa menya muvo ku matsyambiri, mu likayirwa lyemibiri gyetu, ni ku londa ubulaliri bwomubiri nobwetsi ganagani, kandi ku liva lyetu kwa li avana vobutima kuli avandi:

Kwidzulitsa 31:16

Na Yahova ya volera Musa, Henza, ive u la gona navaguga vovo; navandu yava va la vuka, nokukola ubuheyi ku lilonda vanyasaye vageni avekivala, kya va tsitsanga yo kuva hagati havo, va la ndeka, nokwononya lilagana lyange lya nda kola halala navo.

Kwidzulitsa 31:18

Na nda visira ligali mmoni mwange mu lidiku yili kigira budamano bwosi bwa va kola, kugirunkana ku vanyasaye vandi.