Isaya 48:6 - KITABU KITAKATIFU

⁶ Ive u huliye likuva yili: henza vindu yivi vyosi; na mwinye, si mu la li lang'aminya? Inze nku vuuliye vindu vihya kutwula inyinga ya kalunu, kali vindu vya viswa, vya ive wa vula kumanya.

Isaya 48:6 ပူးပေါင်းရင်းမြစ်များ

Zaburi 107:43

Ku vosi wobugeeri a la gumira makuva yaga; Na va la ganagana tsimbabasi tsya Yahova.

Zaburi 119:13

Na minwa gyange ng'ambi Malago gomunwa gugwo gosi.

Isaya 21:10

O ive wa inze nda huula, na u veye ubuswage bwo lodze lwange yaga ga mbulira ga twula ku Yahova wa mahe, Nyasaye wa Israeli, nzilwadzeye ive.

Isaya 42:20

Ive u lola vindu vinyingi, navutswa si u vi vikanga ku mwoyo mba; amatu gege galami, navutswa si a huliranga.

Isaya 42:8

Inze mbeye Yahova, yili ni lieta lyange; ubukumi bwange si nda ha wundi mba, kandi si nda ha vifwananyi vya vadzwa lidzominywa lyange mba.

Isaya 42:9

Henza, vindu vyoku tanga vi duki, na mbuulanga vindu vihya; lwa vi kikiri kuloleka nda mu volera.

Isaya 43:19

Henza, nda kola kindu kihya; ki la sebuka kalunu ndi; mwinye si mu la ki manya? Nda lomba inzira mu kyanga langwi, na migera migendanyama.

Isaya 48:7

Vi lombeywi kalunu, si vya lombwa kutwula kale; na ive imbiri welidiku lya lero si wa vi hulira mba; gase u la vola, Henza, nda vi manya.

Jeremia 2:31

O likula, mu lole likuva lya Yahova. Inze nda li ligendannyamak u Israeli? Kinga nda li kivala kyekisundi kinene? Kunangwa kigira ki avandu vange va volanga, Kwinye kwiruki; si ku lirana ku ive kandi mba?

Jeremia 33:3

Wanire inze, na inze nda ku tivulira, na nda ku mannya vindu vinene ni vidinyu, vya ive u ta manya.

Jeremia 50:2

Mu landidze makuva mu tsihiri mwilwadze, nokusingeridza ibendera, mwilwadze, mu ta visa mba: mu vole, Babuloni li vuguywi, Bel u leganyeywi, Merodaka u timuki enkolo; vifwananyi vyalyo vi leganyeywi, vifwananyi vyokusigamirwa vyalyo vi tsyomwa hasi.

Amosi 3:6

Kisiliva ki nyala kukupwa mu lidala, navandu va vula kutia? Ubudamano bu la duka ku lidala na Yahova na a ta bu leta?

Mika 6:9

Mwoyo gwa Yahova gu langanga ku lidala, mundu wobugeeri a la lola lieta lilye: mu hulire impimbo, ni bwaha wa gi laga.

Matayo 10:27

Aga mmu volera mu kisundi, mu vole habulavu; naga mu huliranga mgutu galaha, mu gambire ku inyumba.

Yohana 15:15

Kutwula kalunu si nyala kumulanga avatugwa; kigira mutugwa si a manya vyo wa mutuga a kolanga: navutswa mmu langi avalina; kigira vyosi vya nda hulira ku Dada wange, mmali kumuvolera.

Vikolwa 1:8

Navutswa mwinye mu la nyola tsingulu lwa Roho Mutakatifu a lidza ku mwinye: mu la va avalolekidzi vange mu Yerusalemi, kandi mu Buyuda bwosi kandi mu Samaria, kandi kuduka ku kiheri kyelirova.

1 Vakorintho 2:9

Navutswa kuli ga ng'odwa, Vindu vyemoni i ta lola, kandi ugutu si gu hulira, Kandi si vingira mu mwoyo gwomundu, Vindu vyosi vya Nyasaye ya lombera ava mu yanza.

Likunula 1:19

Kunangwa u ng'oda vindu vya u lola, kandi vindu vi veye ho, kandi vindu vi la va ho inyima;

Likunula 4:1

Inyima wevindu yivi nda lola kandi henza, kiliango kigulika migulu, nomwoyo gwokutanga gwa nda hulira, kuli kisiliva gu volerana na inze, mulala a vola, Yanegira yino, na inze nda ku mannya ivindu vi la duka lwenyima.