Isaya 48:20 - KITABU KITAKATIFU

²⁰ Mu twule Babuloni, mwiruke mu twule ku Vakalidei; mwilwadze nomwoyo gwokwimba, mu landidze makuva yaga, mu ga vole kuduka kiheri kyelirova; mu vole, Yahova u tungiye mutumekiri wewe Yakobo

Isaya 48:20 ပူးပေါင်းရင်းမြစ်များ

2 Samweli 7:23

Kandi ni ihiri ki mu lirova i veye kuli avandu vovo, kuli Israeli, ava Nyasaye ya tsia kwegulira va ve avandu veve, nokwenyolera lieta, nokumukolera vindu vinene, vindu vyokutihidza kigira kivala kikyo, imbiri wavandu vovo, ava wa gula va ve avovo kutwula Egepeti, kutwula mu tsihiri nomu vanyasaye vavo?

Ezara 2:1

Kandi yava va li avana voluprovinse, vanegira kutwula mu lyadikidzwa mu yavo ava hilwa avahambe, ava Nebukadinezaru mwami wa Babuloni ya vugula kutsia navo Babuloni, navo virana Yerusalemi na Yuda, sa mulala a tsie mu lidala lilye, ni yava;

Zaburi 126:1

Lwa Yahova ya leta avirana Zioni Kwa li kuli yavo ava lola ma loto.

Isaya 12:1

Na mu lidiku yilyo u la vola, Inze nda santidza ive, O li Yahova; kigira kali wa vihirirwa na inze, ubutima bubwo bu mali kugirunkanywa kutwula ku inze, na u neminyanga mwoyo gwange.

Isaya 12:4

Na mu lidiku yilyo mu la vola, Mu santidze Yahova, mwa nire lieta lilye, mu landidze vikolwa vivye mu tsihiri, mu vole lieta lilye lya nenehidzwa ligali.

Isaya 24:14

Yava va la ginga myoyo gyavo va la kupa lwanga; kigira ubukumi bwa Yahova, va la kupa lwanga kutwula ku inyanza.

Isaya 26:1

Mu lidiku yilyo lwimbu yilu lulimbwa mu kivala kya Yuda: Ku veye nelidala lyetsingulu, a la laga ubuhonnyi kuva madigi nempinga.

Isaya 42:10

Mwimbire Yahova lwimbu luhya, mwimbe lidzominywa lilye ku twula ku kiheri kyelirova; mwinye ava sulungutanga mu inyanza, na vyosi vi veye muyo, visulu, na vosi avamenyi muvyo.

Isaya 43:1

Navutswa kalunu Yahova wa ku lomba, ive Yakobo, naye wa ku longa, ive Israeli, a vola ndi: U ta tia mba, kigira mmali kukutungira; nku langi nelieta lilyo, u veye wange.

Isaya 44:22

Nzeyi amahyolo gogo, kuli lilesi liliduhu, na ubwoni bubwo kuli lilesi: wirane ku inze; kigira nku tungiye.

Isaya 48:6

Ive u huliye likuva yili: henza vindu yivi vyosi; na mwinye, si mu la li lang'aminya? Inze nku vuuliye vindu vihya kutwula inyinga ya kalunu, kali vindu vya viswa, vya ive wa vula kumanya.

Isaya 49:13

Mwimbe, mwinye ligulu; u sangale, ive lirova; mu leterere tsinyimbu, mwinye vigulu: kigira Yahova u mali kuleminya avandu veve mwoyo, na a la vererera avandu veve ava dambidzwa.

Isaya 49:6

yee, a vola, I veye inkuva inyangu ku ive u duke kuva mutumekiri wange kuvukidza tsihiri tsya Yakobo, nokwirannya avalindwa va Israeli: nda haana ive u ve ubulavu bwetsihiri, u duke kuva ubuhonnyi bwange kuduka ku tsindulu tsyelirova.

Isaya 51:14

Wadiki dzwa muhambe a la bohololwa bwangu: naye si a la kudza mba nokwika mbogo, na vyokulia vivye si vi la geha mba.

Isaya 52:10

Yahova u vimbuye mukono gwigwe mutakatifu imbiri wetsimoni tsyetsihiri tsyosi; na tsindulu tsyosi tsyelirova tsi la lola ubuhonnyi bwa Nyasaye wetu.

Isaya 52:11

Mu tsie, mu tsie, mu twule yaho ha mu veye, mu ta dira kindu kidamano mba; mu twule hagati halyo; mu ve avanifu, mwinye ava ginganga viju vya Yahova.

Isaya 52:9

Mu twulidze tsinyimbu tsyobuyanzi, mwimbe halala, mwinye aha li hatswa ha Yerusalemi; kigira Yahova a leminya myoyo gyavandu veve, u tungiye Yerusalemi.

Isaya 62:11

Henza, Yahova u landidzi kuduka ku kiheri kyelirova, U volere mukana wa Zioni, Henza, lihonywa yilyo lidza nga; henza, a veye na madanyi gege, nelitunga lilye li veye imbiri wewe.

Isaya 63:9

Mu lidambi dzwa lyavo lyosi uyu ya dambidzwa, na ingelosi yommoni mwimwe ya va honnya: mbuyanzi bwibwe na mu tsimbabasi tsitsye ya va tungira; na ya va ginga, na ya va hila madiku gosi ga kale.

Jeremia 31:10

Mu hulire likuva lya Yahova O mwinye avetsihiri tsyosi, nokulilandidza mu visulu vye ihale; mu vole, Uyu wa salannya Israeli a la mu vungidza, nokumulinda, kuli mwayi a lindanga kyayo kikye.

Jeremia 31:11

Kigira Yahova u tungiye Yakobo, nokumuboholola a twule mmukono gwa uyu wetsingulu kuvita mwene.

Jeremia 31:21

Wevikire vilolero vyetsinzira, welombere misala gyokukwimirira; u henzidze mwoyo gugwo gu yeke ku inzira inene, kali inzira ya wa tsira ku lwa wa tsia: wirane kandi, umukana mugima wa Israeli, wirane ku madala gogo kandi.

Jeremia 50:2

Mu landidze makuva mu tsihiri mwilwadze, nokusingeridza ibendera, mwilwadze, mu ta visa mba: mu vole, Babuloni li vuguywi, Bel u leganyeywi, Merodaka u timuki enkolo; vifwananyi vyalyo vi leganyeywi, vifwananyi vyokusigamirwa vyalyo vi tsyomwa hasi.

Jeremia 50:28

Mwoyo gwa yavo avirukanga nokuhona kutwula mu kivala kya Babuloni, kulandidza mu Zioni kisa lya kya Yahova Nyasaye wetu, kisalya kyelitempeli lilye.

Jeremia 50:8

Mwiruke hagati ha Babuloni, mu twule mu kivala kya Vakalidei, mu ve kuli tsikole imbiri wevyayo.

Jeremia 51:45

Mwinye avandu vange mu twule hagati hehe, nokwehonnya avene sa mulala ku butima bululu bwa Yahova.

Jeremia 51:48

Hene yaho ligulu nelirova, nevindu vyosi vi veye mulyo, vi limba nobuyanzi ku Babuloni; kigira ava dividzi va ladza kuye kutwula ku luvega lya kasikasini, Yahova a vola.

Jeremia 51:6

Mwiruke kutwula hagati ha Babu loni, sa mulala yehonnye mwene; mu ta dividzirwa mu bwoni bwibwe: kigira i veye inyinga yelivanza kisalya kya Yahova; a la mu tunga litungwa.

Zekaria 10:8

Nda va langira, nokuvavungidza; kigira mba tungiye; navo va la medeka kuli va medeki.

Zekaria 2:10

Wimbe u sangale, O mukana wa Zioni; kigira, henza nzidzanga, na nda menya nagati hoho, Yahova a vola.

Kwidzulitsa 30:4

Ni i va ava kungwa vovo va veye ku kiheri kyeligulu, kutwula ha zana Yahova Nyasaye wowo a la ku vungidza, na kutwula ha zana a la ku vugula:

Likunula 18:20

Mu sangale kulyo, ive ligulu, navatakatifu, navatumwa, navaprofeti; kigira Nyasaye u vanzi kisalya kyenyu kulyo.

Likunula 18:4

Kandi nda hulira mwoyo gundi gu twula migulu, gu vola, Avandu vange mu twule mulyo, mu vule kuva nelisanga nalyo mu bwoni bwalyo, kandi mu vule kuvugula ku liduywa lyalyo: