Isaya 48:19 - KITABU KITAKATIFU

¹⁹ lwivulu lulwo nkano lwa ka va kuli muyeke, na vivulwa vyomunda mumwo nkano va ka va kuli tsinzalo tsyomuyeke: lieta lilye nkano si lya twulidzwa imbiri wange.

Isaya 48:19 ပူးပေါင်းရင်းမြစ်များ

Litanga 13:16

Kandi nda kola kisukululwi kikyo kuva kuli lugukyi lwelirova: Luduka ni i va mundu a nyala kuvalidza lugukyi lwelirova, na ndiyo kisukululwi kikyo ki nyala kuvalidzwa.

Litanga 22:17

mu ligasidza nda ku gasidza, nomu limeda nda meda kisukululwi kikyo vi ve kuli tsing'ereng'ani tsyomigulu, kandi kuli umuyeke gwoluginga lwenyanza; kandi kisukululwi ki lameha ku kiribwa kyavasigu vakyo;

1 Avami 9:7

hene yaho nda kalaga Israeli va twule mu kivala kya nda va ha; nenyumba yiyi, ya ntakasiye lieta lyange, ndi gi syuva ihale netsimoni tsyange; na Israeli a la va uluga no nelieta lyokukyaywa hagati ha avandu vosi.

Ayubu 5:25

Kandi u la manya kisukululwi kikyo ki la va kinene, Na vivuli vove vi la va kuli bu nyasi bwelirova.

Zaburi 109:13

Visukululwi vivye vi dividzwe; Mu likula li londanga lieta lyavo li twulidzwe.

Zaburi 9:5

Ive u gondokeye tsihiri, u dividzi avadamano, Weyi lieta lyavo mihiga ne mihiga.

Isaya 10:22

Kigira avandu vovo Israeli, kali ni va veye vanyingi kuli muyeke gwenyanza, avatigaye veng'ine va lirana: ubudividzi bu saaveywi, bwizuye du ubulungi.

Isaya 14:22

Na nda singira kuhing'ana navo, Yahova wa mahe a vola, nda kalaga kutwulidza ku Babuloni lieta nelitigala, na mwana muyai na mwisukulu, Yahova a vola.

Isaya 44:3

Kigira nda tsuka amadzi ku uyu u veye nobuluhu, noku tsuka tugera mu kivala kyumu: nda tsuka Roho wange ku kisukululwi kikyo, nobugasu bwange nda tsuka ku yavo avolwivulu Iwulwo:

Isaya 44:4

na va la sebuka hagati ho bunyasi, na kuli misala gya hunamirira himbi nomugerera.

Isaya 48:9

Nda lindageridza ubutima bwange kigira inze mwene, kandi ndegalira ku ive kigira lidzominywa lyange, mbule kukudividza.

Isaya 54:3

Kigira u la vambuka ku luvega lwomukono mulungi noku mukono mmosi: nekisukululwi kikyo ki la gumira tsihiri, na madala ga kolwa hatswa a la ga kola avandu kumenya mu.

Isaya 56:5

Nda haana kuvo lidzulitsa na ameta mu inyumba yange, mu madigi gange ga li va malahi kuvita kuva navayai navakana; nda va ha lieta lyemihiga nemihiga, li la vula kutwulidzwa.

Isaya 66:22

Kigira kuli ligulu lihya nelirova Iihya, lya nda lomba, vi menya imbiri wange, Yahova a vola, ni ndiyo kisukululwi kyenyu ki la menya, ni lieta lyenyu.

Isaya 9:14

Kigira yaga Yahova a la kalaga mu Israeli mutwe nomukira, litu lyelikindu no mberani, mu lidiku lilala.

Jeremia 33:22

Kuli amahe gomwigulu ga vula kunyala kuvalidzwa, kinga muyeke gwenyanza gu vula kugerwa; ni ndiyo ndi meda kisukululwi kya Daudi mutumekiri wange, na Avalevi ava tumekira inze.

Hosea 1:10

Navutswa livalidzwa lyavana va Israeli li la duka kuva kuli muyeke gwomunyanza, gu ta nyala kugerwa kinga kuvalidzwa; kandi ga la va, ha makuva yaga ga volwa, Mwinye si mu veye avandu vange, va la volerwa ho, Mwinye mu veye avana va Nya saye welivamwoyo.

Zefania 1:4

Nda nyira mukono gwange ku Yuda noku vosi ava menyanga Yerusalemi; nda twulidza va tigala va Baal hano, nelieta lya Vakemari navasalisi;

Varumi 9:27

Kandi Isaya a kupa lwanga ku Vaisraeli ndi, Hesabu ya vana va Israeli ni i va ni i veye kuli muyeke gwomu inyanza, li veye litigala lyavo li li honnywa:

Kwidzulitsa 9:14

u ndeke, nduke kuvadividza, nokweya lieta lyavo isi weligulu; na nda kola ive kuva ihiri yetsiugulu nenene kuvita yava.

Joshua 7:9

Kigira Vakanani na avandu vosi va menya mkivala va la ga hulira na va la ku kumberidza, nokutwulidza lieta lyetu ku lirova: na ive u la kola ki ku lieta lilyo linene?

Ruth 4:10

Kandi mmali kugula Ruth Mumoabu, mukali wa Mahaloni, kuva mukali wange, nokusingeridza lieta lya uyu wa kudza ku miyandu gyigye, lieta lya uyu wa kudza li vule kugota mu vamwavo veve, nomu kiribwa kyikye: mwinye mu ve avalolekidzi lero.