Isaya 48:17 - KITABU KITAKATIFU

¹⁷ Yahova, Mutungiri wowo, Mutakatifu wa Israeli, a vola ndi: Inze mbeye Yahova Nyasaye wowo, u kwegidzanga kunyola vyambeti, ukwimiriranga mu inzira i ku dukiranga kugenda kuyo.

Isaya 48:17 ပူးပေါင်းရင်းမြစ်များ

Litanga 24:48

Na ndinaminya mutwe gwange, nokusigamira Yahova, na nsantidza Yahova, Nyasaye womwami wange Abrahamu, wa nyimirira ku inzira inungi kuvugula mukana wamwavo wa mwami wange kuva mukali womwana wewe.

1 Avami 8:36

u hulire migulu, u samehe ubwoni bwava tumekiri vovo, nobwa vandu vovo Israeli, kigira u vegidzanga inzira indahi i va dukiranga kugenda mu; na u lete imbula ku kivala kikyo, kya wa ha avandu vovo ki ve miyandu gyavo.

Ayubu 36:22

Henza, Nyasaye a kolanga agobukumi netsingulu tsitsye: Ni bwaha u veye mwegidzi kuli uyu?

Zaburi 25:12

Ni bwaha mundu uyu u tidzanga Yahova? A la mwegidza inzira ya a li tovola.

Zaburi 32:8

Nda ku ha ubugeeri nokukwegidza inzira ya u li vitira ku: Nda kwimirira nemoni yange.

Zaburi 71:17

O Nyasaye, ive u nzegidzi kutwula bwana buke; Nokuduka kalunu nandidzanga makuva gevikolwa vivyo vyokugenya.

Zaburi 73:24

Ive u la nzimirira na makuva gogo, Na lwa nyima u la nyingeridza mu bukumi.

Isaya 2:3

Na tsihiri tsinyingi tsyavandu va la tsia noku vola, Hambi kwanegire, kutsia ku kigulu kya Yahova, kutsia ku inyumba ya Nyasaye wa Yakobo; na a la kwegidza mu tsinzira tsitsye, ku la genda mu tsinzira tsitsye: kigira amalago ga la twula mu Zioni, na likuva lya Yahova li la twula mu Yerusalemi.

Isaya 28:9

A legidza bwaha limanya? A la mannya bwaha megidzo? Ni yavo ava luguhira, nokutwulidzwa ku tsimbeere?

Isaya 30:20

Hene yaho Yahova a la ku ha ubukima bwekivi, na madzi gobusaliri, ku yaga gosi avegidzi vovo si va la viswa kandi ligali, navutswa tsimoni tsitsyo tsi la lola avegidzi vovo;

Isaya 30:21

amatu gogo ga la hulira likuva inyima wowo, ni li vola, Inzira ni yiyi, mu gende kuyo; lwa mu girunkana kutsia ku luvega lwomukono mulungi, kandi lwa mu girunkana kutsia ku luvega lwomukono mmosi.

Isaya 41:14

U ta tia mba, ive ing'ende Yakobo, na mwinye avandu va Israeli; nda ku konya, Yahova a vola, na Muhonnyi wowo ni uyu Mutakatifu wa Israeli.

Isaya 43:14

Yahova, Mutungiri wenyu, Mutakatifu wa Israeli, a vola ndi: Kigira mwinye nda tuma mutumwa Babuloni, na ndikidza vosi kuli avakungi, kali Vakalidei, mu bwato bwelisangala lyavo.

Isaya 43:16

Yahova a vola, uyu u lombanga inzira mu inyanza, inzira mu madzi manene;

Isaya 45:11

Yahova, Mutakatifu wa Israeli, na Mulombi wewe, a vola ndi: U nteve ku vindu vidzanga; ku vindu vyavana vange, noku miyinzi gyamakono gange, mu ndage.

Isaya 48:20

Mu twule Babuloni, mwiruke mu twule ku Vakalidei; mwilwadze nomwoyo gwokwimba, mu landidze makuva yaga, mu ga vole kuduka kiheri kyelirova; mu vole, Yahova u tungiye mutumekiri wewe Yakobo

Isaya 49:26

Na ava dambidzanga ive nda va lihidza inyama yavo avene; na va la hambika kulinwa lyamasahi gavo avene, kuli iwaini inulu: na avemibiri vosi va la manya inze, Yahova, mbeye Mukonyi wowo, Mutungiri wowo, Wanyala Vyosi wa Yakobo.

Isaya 49:7

Yahova, Mutungiri wa Israeli, na Mutakatifu wa Israeli, u volera uyu wavandu va lega, uyu wa vetsihiri va dunyira, uyu mutumekiri wa yavo avamehanga; Avami va la lola nokuvuka; avanene va la sigamira; kigira Yahova u veye musuuvirifu, Mutakatifu wa Israeli, u tovoye ive.

Isaya 54:13

Na avana vovo vosi va legidzwa ku Yahova; nemirembe gyavana vovo gyi la va minene.

Isaya 54:5

Kigira Mulombi wowo a veye musatsa wowo; Yahova wa mahe ni lieta lilye: Mutakatifu wa Israeli a veye Mutu ngiri wowo; a la langwa Nyasaye welirova lyosi.

Isaya 54:8

Ku livihirirwa lya vita kigero nda ku visa mmoni mwange ku idakika indala; navutswa ku bulahi bu hongeranga mihiga nemihiga nda ku vererera, Yahova Mutungiri wowo a vola.

Jeremia 6:16

Yahova a vola yaga, Mu singire mu tsinzira mu lole, mu teveridze tsinzira tsya kale, inzira indahi i veye haliha; mu gende kuyo, na mu la nyola ubusosi ku myoyo gyenyu: navutswa va vola, Si ku la genda kutsyo mba.

Mika 4:2

Na tsihiri tsinyingi va la tsia nokuvola, Hambi mwinye kwanegire ku kigulu kya Yahova noku inyumba ya Nyasaye wa Yakobo; naye a la kwegidza tsinzira tsitsye, na ku la genda mu tsinzira tsitsye. Kigira lilaga li la twula Zioni, na likuva lya Yahova li la twula Yerusalemi;

Yohana 6:45

Ga ng'odwa mu vi tabu vya vaprofeti, Vosi va legidzwa na Nyasaye. Sa mulala u hulira Dada wange, ni yega, yadza ku inze.

Vafeso 4:21

Ni mba ni mu mu hulira nokwegidzwa muye, kuli ageligali ga veye mu Yesu:

Joshua 3:4

Navutswa ubwiyangu bu la va yo hagati helisanduku nemwinye, bweligera lyamakono tsielfu tsiviri: mu ta tsia himbi nalyo mba, mu duke kumanya inzira i mu dukiranga kutsia kuyo; kigira mwinye mu kikiri kugenda ku inzira yiyi.