Isaya 48:14 - KITABU KITAKATIFU

¹⁴ Mu vugane halala, mwinye mwosi, mu hulire; ni bwaha hagati henyu wilwadza vindu yivi? Uyu wa Yahova a yanza uyu a la kola ubulaliri bwibwe ku Babuloni, na mukono gwigwe gu la va ku Vakalidei.

Isaya 48:14 ပူးပေါင်းရင်းမြစ်များ

Litanga 49:1

Kandi Yakobo ya langa avana veve, na a vola: Mu vugane halala nduke kumuvolera aga li mu gwira mu madiku gadzanga.

Litanga 49:2

Mvevungidze avene, mu hulire mwinye avana va Yakobo; Mu hulire Israeli dada wenyu.

Isaya 13:19

Na Babuloni, ubukumi bwobwami, ubulahi bwoluyai lwa Vakalidei, bu la va kuli Sodoma na Gomora lwa Nyasaye ya va dividza.

Isaya 21:9

na, henza, kiduma kyavandu kyadza, avanina ku tsiparasi, avagendanga si vaviri kulala. Naye ya tivula na a vola, Babuloni li gwiye, li gwiye; nevifwananyi vya vadzwa vya vanyasaye valyo vya vunanywa kuduka hasi.

Isaya 41:22

Va ki twulidze, va kwilwadzire aga lidza: mwilwadze vindu vyokutanga, ni vindu ki, ku duke kuviganagana, nokumanya ki heri kyavyo, kinga mu ku lolekidzire vindu vi li duka lwenyima.

Isaya 43:9

Avetsihiri tsyosi va vunge halala, navandu va vugane halala: ni bwaha hagati havo u nyala kwilwadza likuva yili, nokukuvuulira vindu vya kale? Va lete avaloli vavo, va lolwe kuva avalungi; kinga va hulire, nokuvola, Likuva yili ni lyeligali.

Isaya 44:28

u volanga ku uyu Kurusi, A veye mwayi wange, na a la kola aga nyanzanga gosi: kali kuvola ku Yerusalemi, U lombakwu; noku litempeli, Umuse gugwo gu la temwa.

Isaya 44:7

Kandi, ni bwaha, kuli inze, u langa, nokwilwadza yaga, nokunombera yaga, kutwula inyinga ya nda vika avandu va kale? Na vindu vidzanga, na vindu vi dukanga, va vilwadze.

Isaya 45:13

Mmu singeridzi mbulungi, na nda lungekidza tsinzira tsitsye tsyosi: a lombaka lidala lyange, na a la boholola avandu vange vadikidzwa, si ga veye ku litungwa kinga lihebwa madanyi, Yahova wa mahe a vola.

Jeremia 50:44

Henza, a lanegira kuli king'ang'a kutwula ku luya lwa. Yordani ku bumenyo bwetsingulu: navutswa nda va kola viruke nonoho; na uyu u tovolwa nda mu vika kulyo: kigira ni bwaha u fwanana ninze? Kandi ni bwaha u ntovolera inyinga? Ni mwayi ki u nyala kusingira imbiri wange?

Marko 10:21

Yesu ya mu henza na a mu yanza, na a mu volera, U daki kindu kilala: tsia, u gule vindu vyosi vya u veye navyo, u he avadaka, na ive u la nyola akiba migulu: udze, u nonde.