Isaya 48:13 - KITABU KITAKATIFU

¹³ Yee, mukono gwange gu temi umuse gwelirova, kandi mukono gwange mulungi gu vagaye mwigulu: lwa mbi langa, vi singira halala.

Isaya 48:13 ပူးပေါင်းရင်းမြစ်များ

Ayubu 37:18

U nyala kulandidza ligulu halala naye, Li veye netsingulu kuli kyelolero kyokusalulwa?

Zaburi 102:25

Kale wa lomba muse gwelirova; Kandi magulu ga veye miyinzi gyamakono gogo.

Zaburi 147:4

A validzanga livalidzwa lyetsing'ereng'ni; A tsi gulikanga ameta gatsyo gosi.

Kutwula 20:11

kigira mu madiku gatano na lilala, Yahova ya lomba ligulu na lirova, na inyanza, na vyosi vi veye muvyo, na a sosa ku lidiku lya gatano na gaviri: kigira yaga Yahova ya gasidza lisabato, na a li takasa.

Isaya 40:12

Ni bwaha u geri amadzi ku luhe lwomukono gwigwe, nokugera ligulu neligera lyokutwula ku kidete kinene kuduka kyanyasi, nokumanya liduka lyolugukyi lwelirova mu kigero, nokugera vigulu ku tsiratili, notugulu ku tsiratili tsyokusung'anana?

Isaya 40:21

Mu kikiri kumanya? Mu kikiri kuhulira? Si mwa volerwa kutwula mu litanga? Mu kikiri kumanya kutwula lirova yili lya temwa muse?

Isaya 40:22

Niye wikalanga ku ingida yelirova, na avamenyanga mulyo va veye kuli visilili; uyu u vagalanga ligulu kuli ingubo yokukinga, nokulivambula kuli lihema lyokumenya mu;

Isaya 40:26

Mu ginge tsimoni tsyenyu mu henze igulu, mu lole ni bwaha wa vi lomba, uyu u letanga lihe lyavo nelivalidza; a langanga lyosi ameta gavo; nobunene bwobunyali bwibwe, kandi kigira a veye wanyala mu tsingulu, si ha veye nekilala ki vula kuva ho.

Isaya 42:5

Nyasaye Yahova a vola, uyu wa lomba ligulu, nokulivagala; uyu wa vambula lirova na vyosi vi twulanga mulyo; uyu u haananga mwika ku avandu vosi va veye kulyo, nokuhaana roho kuvo ava gendanga kulyo:

Isaya 44:24

Yahova Mutungiri wowo, wa ku lomba kutwula munda, a vola ndi: Inze mbeye Yahova, u lombanga vindu vyosi; u vagalanga ligulu, inze tsyeng'ine u vambulanga lirova (ni bwaha u veye halala na inze?);

Isaya 45:12

Nda lomba lirova, nokulomba mundu kulyo: inze, yee, makono gange gaali ligulu; namahe galyo gosi ndagi.

Isaya 45:18

Kigira Yahova wa lomba ligulu Nyasaye, wa longa lirova nokulikola wa li dinyeridza, ya li lomba li vule kuva lyere, ya li longa avandu va menye ku: uyu a vola ndi, Inze mbeye Yahova; si ha veye nowundi.

Isaya 51:13

nokwivirira Ya hova Mulombi wowo, uyu waala ligulu, nokutema lirova muse; na u tidzanga kazozo mbasu bei kigira ubululu bwomudambidzi, lwa yete geka kwononnya? Ubululu bwomuda mbidzi bu veye haliha?

Jeremia 51:15

A lombi lirova yili nobunyali bwibwe, a dinyiridzi lirova nobugeeri bwibwe, kandi avambuye ligulu nelimanya lilye.

Varumi 4:17

(kuli ga ng'odwa, Mmali kukola ive ise wetsihiri tsinyingi) imbiri wa uyu wa ya suuvira, naye ni Nyasaye, u hedza avakudzu livamwoyo, kandi u talanga vindu vi ta li ho, kuli vi veye ho.