Isaya 48:10 - KITABU KITAKATIFU

¹⁰ Henza, mmali kukusiyira mmuliru, navutswa si ga veye kuli ifetha isiyangwa; nku tovoye mu kisambiru kye kivi.

Isaya 48:10 ပူးပေါင်းရင်းမြစ်များ

1 Avami 8:51

(kigira va veye avandu vovo, nemiyandu gyigyo, kya wa leta kutwula mu kivala kya Egepeti, kutwula hagati hekisambiru kyekivya);

Ayubu 23:10

Navutswa a manya inzira ya ntsitsa ku; Na a mali kungeridza nda twula kuli ithahabu.

Ayubu 28:1

Ligali bu veye ho bogo bwefetha, Nobugono bwethahabu ya va siya isiyeveywi.

Zaburi 66:10

Kigira ive, O Nyasaye, u ku geridzi: U kumanyeridzi kuli ifetha i manyeridzangwa.

Tsing'ano 17:3

Ludavo lu veye lwefetha, na mahiga gethahabu; Navutswa Yahova a geridzangamyoyo.

Isaya 27:9

Kigira yagaubudamano bwa Yakobo bu logidzwa, yaga na makuyu gokutwulidza ubwoni bwibwe: lwa a kola magina gosi gobwali kuva kuli magina gechoka ga vunanywa, kuduka Misala gyemiluka nevifwananyi vyeliuva vyavo vi la vula kusingira kandi.

Jeremia 11:4

lya nda laga avaguga venyu ku lidiku lya nda va leta kutwula mu kivala kya Egepeti, kutwula mu kisambiru kyekivya, nokuvavolera, Mu hulire mwoyo gwange, mu kole, kuleng'ana na yaga gosi aga mmu laganga: na ndiyo mu la va avandu vange, na inze nda va Nyasaye wenyu;

Jeremia 9:7

Kigira yaga Yahova wa mahe a vola ndi, Henza, nda va salula, nokuvageridza; kigira ni mbula kukola yaga nkola ki, kigira mukana wavandu vange?

Ezekieli 20:38

nda va sembera va twule hagati henyu avebaali, na va hyola ku inze; nda va twulidza mu kivala kya va menyanga mu ubugeni, navutswa si va lingira mu kivala kya Israeli mba: na mu la manya mbeye Yahova.

Kwidzulitsa 4:20

Navutswa Yahova va vugula mwinye, na a mu twilidza mu mahinga gekivya, kutwula Egepeti, mu ve kuye avandu vemiyandu gyigye, kuli mu veye lero.

1 Petro 1:7

ligeridzwa lyelisuuvira lyenyu li veye lilahi kuvita ithahabu i gotanga, kali ni i geridzwa nomuliru, li lolwe kuduka ku lidzominya noku bukumi noku lidzominywa mu lilang'aminywa lya Yesu Kristo.

1 Petro 4:12

Avayanze, mu ta genya ku ligeridza lyomuliru li mu geridza li veye hagati henyu kumugeridza, kuli kindu kigeni kya mu gwira:

Likunula 3:19

Ku vosi ava nyanzi, mba gayanga nokuvaha amageli: kunangwa u ve nobugulu nokweganira.