Isaya 47:8 - KITABU KITAKATIFU

⁸ Kunangwa kalunu u hulire yaga, ive wevika mu vindu vi yanzanga, u menyanga bugira liganagana, u volanga mu mwoyo gugwo, Inze mbeye ho, si ha veye nowundi kuli inze; si ndikala kuli mukunzakali mba, kandi si nda manya likudzirwa lyavana:

Isaya 47:8 ပူးပေါင်းရင်းမြစ်များ

Isaya 14:14

nda nina igulu kuvita ubwerefu bwamalesi; ndekola mwene kuva lugano lulala na uyu U Veye Igulu Ligali.

Isaya 32:11

Mu degere mwinye avakali ava veye nobusosi, mu hende myoyo, mwinye ava ta ganagana ku kindu; mu navule tsingubo tsyenyu, mu gende kyahonyo, mwebohe tsingubo tsyamagunia mu vikenge vyenyu.

Isaya 32:9

Vuka mwinye avakali ava veye nobusosi, mu huliridze mwoyo gwange; mwinye avakana vavandu va ta ganagana ku kindu, mu tegidze amatu genyu, mu hulire livola lyange.

Isaya 45:18

Kigira Yahova wa lomba ligulu Nyasaye, wa longa lirova nokulikola wa li dinyeridza, ya li lomba li vule kuva lyere, ya li longa avandu va menye ku: uyu a vola ndi, Inze mbeye Yahova; si ha veye nowundi.

Isaya 45:5

Inze mbeye Yahova, si ha veye nowundi; si ha veye na Nyasaye wundi bugira inze. Nda boha kikenge kikyo, kali na u vuli kumanya inze;

Isaya 45:6

va duke kumanya kutwula ku litwula lyeliuva, nokutwula madioli, si ha veye nowundi na a ta li inze; inze mbeye Yahova, si ha veye nowundi.

Isaya 47:10

Kigira ive wa suuvira budamano bubwo; na u voye, Si ha veye nowandolanga; ubu geeri bubwo nelimanya lilyo, vya ku kyaminya; na wa vola mu mwoyo gugwo, Mbeye ho, na si ha veye nowundi kuli inze.

Jeremia 49:31

Mu singire, mwanegire ku ihiri i veye mbusosi, i menyanga bugira linyankana, Yahova a vola; i ta veye neviribwa kinga miluguyu, avandu va menyanga veng'ine.

Jeremia 50:11

Kigira mwinye mu sangala kigira mu yanzanga, mwinye ava lanyanga miyandu gyange, kigira mu komeye kuli iroli i hulanga ubuswage, mu kumulanga kuli iparasi yetsingulu;

Jeremia 51:53

Kali Babuloni ni yanegira igulu kuduka miguiu, kandi kali ni yelombera lugaga ku budiguluku bwetsingulu tsitsye, navutswa avokudividza va ladza kuye kutwula ku inze, Yahova a vola.

Ezekieli 16:49

Henza, budamano bwamwavo wowo Sodoma ni yibu: luyai, nokwiguta vyokulia, neligasidzwa lya li muye, uyu nomu vakana veve; kandi si ya dinyeridza amakono gavadaka nava dambi.

Ezekieli 28:2

Ive mwana womundu, u volere munene wa Turo, Mwami Nyasaye a vola ndi: Kigira mwoyo gugwo gwegingi, na wa vola, Inze mbeye munyasaye, nzikaye ku intebe ya Nyasaye, hagati hetsinyanza; navutswa u veye mu ndu, si u veye Nyasaye mba, kali ni wa vika mwoyo gugwo kuli mwoyo gwa Nyasaye;

Ezekieli 30:9

Ku lidiku yilyo avatumwa va la twula imbiri wange mu amato kutihidza Avaethiopia ava ta li neli ganagana: na ha la va nelitsunwa kuvo kuli ku lidiku lya Egepeti; kigira, henza, lidzanga.

Danyeli 11:36

Na mwami a la kola kuli a yanza; kandi a leyidzominya, nokwekola munene ku vanyasaye vosi, na a la vola ku Nyasaye wa vanyasaye amakuva gokugennya; na a la menya buiahi kuduka lwa ubutima bu heridzwa; kigira yaga aga saavirwa ga la kolwa.

Danyeli 4:22

a veye ive O mwami, u viruki nokunyola tsingulu; kigira ubunene bubwo bu nenehi, na bu duki migulu, na ubwami bubwo bu duki ku kiheri kyelirova.

Danyeli 4:27

Kunangwa, kigira yaga, O mwami, amakuva gange ga bugirike ku ive, u leke ubwoni bubwo mu likola bulungi, na ubudamano bubwo mu livera avadaka tsimbabasi; mbula ubuIahi bubwo bu la medeka.

Danyeli 4:30

Mwami ya moloma na a vola, Yili si li veye Babuloni linene, lya nyombaki netsingulu tsyange kuva inyumba yobwami, kandi kuva lyelidzominywa lyobunene bwobukumi bwange?

Danyeli 4:4

Inze, Nebukadinezaru, nda li ni nsosanga mu inyumba yange, nokwelemeridza mu inyumba yange yobwami.

Danyeli 5:23

navutswa wegingiye ku Mwami womigulu; na va leti viju vyenyumba yeye imbiri wowo, na ive, navanene vovo, na avakali vovo na vasuria vovo, mu nwereye muvyo iwaini; na ive widzominyi avanyasaye vefetha navethahabu, na vomugasa, na vekivya, na vomusala, na veligina, ava vula kulola, nava ta hulira, nava ta manya; na u vuli kwidzominya Nyasaye womwika gugwo gu veye mu mukono gwigwe, na wetsinzira tsitsyo tsi veye tsitsye.

Danyeli 5:30

Ubudiku zana yibwo Belishazaru mwami Mukalidei, yiitwa.

Nahum 1:10

Kigira kali ni va veye kuli amafwa ga di ndana, nokuhambika kuli mu linwa lyavo, va sambwa ligali kuli mavivi amumu.

Nahum 3:4

kigira ubunyingi bwevindu vyamalaya vya uyu wamalaya weligondo lilahi, wekikali munene mu vindu vyobukumu, u gulidzanga avetsihiri namalaya gege, na aviko a va gulidzanga nevyobu kumu bwibwe.

Habakuk 1:7

Va veye avokutihidza, avadamano ligali; likalaga lyavo, na ubukumi bwavo, vi twulanga muvo avene.

Zefania 2:15

Yili ni lidala lyobusangala li menyanga bugira kuganagana, lya vola mu mwoyo gwalyo, Inze mbeye ho, si ha veye nowundi navutswa inze: ga veye ndi gwiye hatswa, kandi hetsinyama tsyombulimu tsi menya sa mulala u vita ahimbi kulyo a la kunuka nokusung'usa mukono gwigwe.

2 Vatesalonike 2:4

u kolanga ubuhing'ani nokwiidzominya mwene ligali ku vyosi vi langwa Nyasaye, noku vyosi vi sigamirangwa, kuduka kwikala hatakatifu ha Nyasaye, nokwelang'aminya mwene a ve Nyasaye.

Vakalagi 18:27

Na va vugula vya Mika ya lomba, nomusalisi wa ya li naye, na va duka Laishi, ku avandu va li nobwelemeridzi bugira ubutii: va va kuya nobwogi bwekivavi, na va samba lidala lyavo nomuliru.

Vakalagi 18:7

Hene yaho avasatsa vatano yavo va tsia, ni va duka Laishi, na va lola avandu va li mulyo, kuli va menya bulahi, bugira ubutii, kuli miima gya Vasidone, avobwelemeridzi nemirembe; kigira si ha veye nomundu mu kivala yikyo wa li netsingulu, kuvalegannya mu vindu vyosi, na va li ihale na Vasidone na si va kirannya nomundu kali musala.