Isaya 47:11 - KITABU KITAKATIFU

¹¹ Kigira yaga ubudamano bu ladza ku ive; na ive si u la manya livuka lyabwo: na likuva lyekivi li la ku gwira; si u la nyala kwehonnya kulyo: nobudivi bu la ku nyola nonoho, bwa u ta manya.

Isaya 47:11 ပူးပေါင်းရင်းမြစ်များ

Nehemia 4:11

Na avasigu vetu va vola, Si va la manya, kinga kulola, lwa ku duka hagati havo, nokuviita, nokuheridza miyinzi.

Zaburi 35:8

Lidiva li mu dukire lwa a ta manya; Na mutego gwa ya visa, gu mu gumire mwene: Mu lidiva zana a gwe mu.

Zaburi 50:22

Kalunu mu ganagane yiki, mwinye aviviriranga Nyasaye Gase nda mu donyannya, na a vule wokuhonnya:

Zaburi 55:15

Likudza li va dukire bwangu, Va tsie mu Kihadisi ni va kikiri mwoyo Kigira ubudamano bu veye mu limenya lyavo, na hagati havo.

Zaburi 73:19

Ga veye ndi va gwiye uboneku nonoho Va diva ligali mu litihidza.

Tsing'ano 13:21

Ubudamano bu londanga avoni; Navutswa avalungi va la tungwa ubulahi.

Isaya 13:6

Mu kupe tsikwili; kigira lidiku lya Yahova li veye ahimbi; li ladza kuli ubudivi budzanga bu twulanga ku Uyu Wanyala Vyosi.

Isaya 29:5

Navutswa kiduma kyavasigu vovo ki la va kuli lugukyi, na kiduma kya yava avokutihidza ki la va kuli mukudzi gu bulukanga: yee, ga la va nonoho, bwangu.

Isaya 30:13

kunangwa ubudamano yibu bu la va ku mwinye kuli ha huduki himbi kugwa, ha vimbi mu lidigi litambi, ahe lyadika lyaho li dukanga nonoho.

Isaya 37:36

Ma ingelosi wa Yahova ya twula, ni yiita avandu tsielfu mia na makumi gatano na gavaka na tsielfu tsitano mu hokusosa ha Asuria; navandu lwa va vuka mugamba, henza, vosi va li avakudzu avere.

Isaya 45:7

Inze nomba ubulavu, nokukola kisundi; nda leta mirembe, na nda lomba bubi inze mbeye Yahova, wa kola vindu yivi vyosi.

Isaya 47:9

navutswa vindu yivi vyombi vi la duka ku ive idakika indala lidiku lilala, likudzirwa lya vana, nobukunzakali: vi la duka ku ive nekigero kidukiru, kali ubukumu bubwo ni bu veye bunyingi, nobunene bwobusegetiri bubwo.

Isaya 48:8

Yee, si wa hulira; yee, si wa manya; yee, ugutu gugwo si gwigulika kutwula kale: kigira inze nda manya u veye wokukola ubugadi bunene, na walangwa muhyoli kutwula mu livulwa lilyo.

Isaya 57:1

Mulungi a diva, na si ha veye nomundu u ga vika mmwoyo; avetsimbabasi va twulidzangwa, na si ha veye na u ganagana avalungi va twulidzwa ku budamano budzanga.

Jeremia 51:29

Kivala ki degeranga, na ki veye nelitsunwa; kigira lisaavira lya Yahova lya saavira ku Babuloni li singiranga, kukola kivala kya Babuloni kuva vutswa, ki ta li nomundu u menya mukyo.

Jeremia 51:43

Amadala gege ga gwiye vyanyi, kivala kyumu, ligendanyama, kivala ki ta veye nomundu u menya mukyo, kandi si ha veye nomwana womundu u vitanga ahimbi nalyo.

Jeremia 51:8

Babuloni li gwiye nokudiva nonoho: mu li kupire tsikwili; mu vugule lunyasi kigira litsunwa lilye, mbula a duke kuhona.

Lisyoma lya Jeremia 1:21

Va huliye nkenyanga; si ha veye nomundu kali mulala wokuneminya mwoyo; Avasigu vange vosi va hulira kivi kya ngwira; va sangalanga kigira nive wa kola yaga: Ive u la leta lidiku lya wa landidza makuva galyo, navo va la leng'ana ninze.

Ezekieli 7:26

Tsimbemba tsi la va ku tsimbemba, nelimonya li la va ku limonya; va lenya malola ku muprofeti; navutswa lilaga li la gota ku musalisi, nelivola si li la nyoleka ku vakulundu mba.

Matayo 18:34

Mwami wewe ya vihirirwa, na a mu hila ku avasaliridzi, a luhe a tunge ligovi yilye lyosi.

Luka 12:59

Nku volera, Si u twula mu ligali, u luhe u duke kutunga u malilidze isenti impelelidzi.

Luka 17:27

Va lia, ni va nwa, ni va kwa ni va sererwa, kuduka ku lidiku lya Nuhu yingira mu bwato, namadzi manene gadza ni ga va hila vosi.

1 Vatesalonike 5:3

Lwa va volanga, Gyi veye mirembe kandi lyelemeridza, hene yaho ubwoneku bu la va nyola bwangu, kuli lilumwa lyelivula li dukiranga u veyenda, navo ligali si va la hona mba.

Likunula 3:3

Kunangwa widzulitse kuli wa vugula, kandi kuli wa hulira; u linde, nokweganira. Kunangwa niva nu u vula kulinda, ndadza kuli mwivi, na ive u la vula kumanya isaa ya ndidza ku ive.