Isaya 46:6 - KITABU KITAKATIFU

⁶ Ava twulidzanga ithahabu mmuya bugira kugera, nokugera ifetha ku tsiratili, va langanga mutuuli wethahabu, naye a tuula vindu zana nokuvikola munyasaye; va gwa hasi, yee va mu sigamira.

Isaya 46:6 ပူးပေါင်းရင်းမြစ်များ

1 Avami 12:28

Kunangwa Jeroboam ya kola makuva, na a lomba vimoli viviri vyethahabu; na a va volera, Nobudinyu ku mwinye kutsia Yerusalemi: henzi avanyasaye vovo, O Israeli, va ku leta kwanegira kutwula mu kivala kya Egepeti.

Zaburi 115:7

Vi veye namakono, navutswa si vi gumira mba; Vi veye nevirenge, navutswa si vi genda mba; Kandi si vi volanga mu magoti gavo.

Kutwula 32:8

va girunkani bwangu kuleka inzira ya nda va laga: velombeye kifwananyi kyekimoli kyobunyinda, nokukisigamira, nokukiitira tsisadaka, na va voye, Yivi navanyasaye vovo, O Israeli, ava kwanegiridza kutwula mu kivala kya Egepeti.

Isaya 2:8

Kivala kyavo kizuye vifwananyi vyokusiga mirwa; va sigamiranga miyinzi gyamakono gavo avene, vindu vyevidete vyavo vi lombi avene.

Isaya 30:22

Na mu lononnya kyakunika ku vifwananyi vivyo vya vadzwa vyefetha, na kyafuma ku vifwananyi vivvo vya longwa vyethahabu: u la vi syuva kuli kindu kidamano; na u la vola, Twula hano.

Isaya 45:20

Mu vunge halala mudze; mwisunde himbi halala, mwinye avahona avetsihiri: si va veye nelimanya ava ginga musala gwekifwananyi kyavo kya vadzwa, na ava saalanga munyasaye u ta nyala kuhonnya.

Jeremia 10:14

Mu ndu sa mulala u gwiye kuli inyama si a veye nelimanya; mutuuli wethahabu sa mulala u legannyeywi kigira kifwa nanyi kikye kya vadzwa; kigira kifwananyi kikye kyokulongwa ki veye bubehi, si ha veye nomwika mukyo.

Jeremia 10:9

Ifetha i veye ho ya duywa kuva tsimbabale tsi letwa kutwula Tarshishi, nethahabu i twulanga Ufazu, miyinzi gyomusidza na gyamakono gomutuuli wethahabu tsingubo tsyavyo tsi veye blue nekiforasadi; vyosi vi veye miyinzi gya vasidza.

Jeremia 50:38

Kimeyu ki duki ku amadzi gege, nago ga la kama; kigira ki veye kivala kyevifwananyi vya vadzwa, navo va laluki kigira lisigamira vifwananyi.

Danyeli 3:1

Nebukadinezaru mwami ya lomba kifwananyi kyethahabu, ubutambi bwakyo bwa li mikono amakumi gatano na mulala, nobugalamu bwakyo bwa li gyitano na mulala: na ya ki singeridza mu kereremo kya Dura, mu iprovinse ya Babuloni.

Hosea 13:2

Na kalunu va kolanga ubwoni kuvita, na velombeye vifwananyi vyokulongwa vyefetha yavo kali vifwananyi zana vi veye kuli iimanya lyavo avene, vyosi vi veye likola lyavasidza: va volanga ku makuva gavyo, Avasatsa va haananga vihaanwa va buse vi moli.

Vikolwa 17:29

Kunangwa kwinye ni ku va visukululwi vya Nyasaye, si bu li bulahi ku ganagana Nyasaye a fwana ithahabu, kinga ifetha, kinga ligina, vya kongwa nobusidza nobugeeri bwavandu.