Isaya 46:4 - KITABU KITAKATIFU

⁴ kali kuduka busakulu bwenyu inze niye, kali kuduka inyinga ye tsimbudzi nda mu ginga: inze nda lomba, na nda ginga; yee, nda vugula mwinye, nokumuhonnya.

Isaya 46:4 ပူးပေါင်းရင်းမြစ်များ

Zaburi 48:14

Kigira Nyasaye uyu ni Nyasaye wetu mihiga nemihiga: A la va mwimiriri wetu kuduka likudza.

Zaburi 68:19

Mwami a gasidzwe, madiku na madiku a ku gingira misigo gyetu, Naye niye Nyasaye u veye ubuhonnyi bwetu. [Selaha

Zaburi 71:18

Yee, kali lwa mbeye musakulu nowetsimbudze, u ta ndeka, O Nyasaye, Nduhe mbole tsingulu tsitsyo ku kisukululwi yiki, Na ubunyali bubwo ku vosi avadzanga.

Zaburi 71:9

U ta nsyuva inyinga yobusakulu bwange; U ta ndeka inyinga yetsingulu tsyange tsi geha.

Zaburi 92:14

Va la hongera kwama makuyu mu ubusakulu bwavo; Va lizula amadzi gelivamwoyo na va la va nobuvisi:

Isaya 41:4

Ni bwaha wa kola nokulomba inkuva yiyi, u langanga visukululwi kutwula mu litanga? Inze, Yahova, welitanga, nowekiheri, inze niye.

Isaya 43:13

Yee kutwula ku lidiku lya li ho, inze niye, na si ha veye na u nyala kuhonnya ku mukono gwange: inze nda kola miyinzi, ni bwaha u nyala kugyigalira?

Isaya 43:25

Inze, yee, inze niye weyanga mahyolo gogo kigira mwoyo gwange; na si ndidzulitsa ubwoni bubwo.

Isaya 48:12

Hulira inze, O Yakobo, na Israeli mulangwa wange: inze niye; inze mbeye wokutanga, kandi mbeye wekiheri.

Malaki 2:16

Kigira inze mbihiriranga likunga mukali, Yahova a vola, Nyasaye wa Israeli, na uyu u kunikanga ingubo yeye nekirage, Yahova wa mahe a vola: kigira yaga mu linde ligali myoyo gyenyu, gase mu la kola ubugadi.

Malaki 3:6

Kigira inze, Yahova, si ngirunkannyangwa mba; kigira yaga mwinye, avana va Yakobo, si mu sambwa mba.

Varumi 11:29

Kigira vihaanwa nelilanga lya Nyasaye si li veye neligirunkana.

Kwidzulitsa 1:31

na mukyangalangwi, ha wa lola kuli Yahova Nyasaye wowo a ku ginga, kuli mundu a ginganga mwana wewe, ku inzira yosi ha mwa tsia, kuduka hano.

Vahebraina 1:12

Kandi kuli ingubo yokwigulu u la vi linga, Kuli ingubo kandi vi la girunkanywa: Navutswa ive u veye kuli u veye, Nemihiga gyigyo si gyi la hera mba.

Vahebraina 13:8

Yesu Kristo a veye lero nolwave, yee, kuduka mihiga nemihiga, mulala mwere.

Yakobo 1:17

Vikululirwa vyosi vilahi kandi vihaanwa vyosi vilahi vi veye vidukiru vi twulanga migulu kwika hasi kutwula ku Dada wobulavu, weligirunkannya li ta veye kuye kali kiriri kyeligirunkana.