Isaya 46:1 - KITABU KITAKATIFU

¹ Bel a sigama hasi, Nebo yina manga hasi; vifwananyi vyavo vi veye ku tsinyama, nokumitugu: vindu vya mwa hila yiyi na yiyi vi koleywi kuva musigo, musigo gwokumina inyima i luhi.

Isaya 46:1 ပူးပေါင်းရင်းမြစ်များ

Ayubu 39:11

U la gi suuvira kigira i veye natsingulu tsinyingi? Kinga u la gi lekera linyankana lilyo?

Kutwula 12:12

Kigira nda vita hagati hekivala kya Egepeti mu budiku yibwo, na nda kuya avatanga kwivulwa vosi ava veye mu kivala kya Egepeti, ku vandu noku mitugu; na nda leta likalaga ku vanyasaye vosi va Egepeti: Inze mbeye Yahova.

Isaya 2:18

Na vifwananyi vyosi vi la hera ligali.

Isaya 2:20

Mu lidiku yilyo avandu va la sikisira tsimbuku na manyinya, vifwananyi vyavo vyefetha na vyethahabu, vya velombera avene kusigamira;

Isaya 21:9

na, henza, kiduma kyavandu kyadza, avanina ku tsiparasi, avagendanga si vaviri kulala. Naye ya tivula na a vola, Babuloni li gwiye, li gwiye; nevifwananyi vya vadzwa vya vanyasaye valyo vya vunanywa kuduka hasi.

Isaya 30:6

Ubuliduhu bwe tsinyama tsya Kusini. Kuvita hagati hekivala kyekivi nelisaliridzwa, he king'ang'a kikali ki twula, neking'ang'a, kihirigoma nenzoka yokubuluka i sambanga, yavo va leta ubutugi bwavo ku migongo gyetsisukiri tsisoleli, na akiba yavo ku tsinatwumbi tsyetsing'amia, va tsia ku avandu va ta va konya kindu.

Isaya 45:20

Mu vunge halala mudze; mwisunde himbi halala, mwinye avahona avetsihiri: si va veye nelimanya ava ginga musala gwekifwananyi kyavo kya vadzwa, na ava saalanga munyasaye u ta nyala kuhonnya.

Isaya 46:7

Va mu gingira kwivega, va genda naye, nokumusingeridza ha bugono hehe, naye a singira; si a nyala kutwula mbugono bwibwe: yee, kali mulala a lanira kuye, naye si a nyala kumutivulira, kandi si a nyala kumuhonnya ku kivi kikye.

Jeremia 10:5

Vi veye kuli likindu, vyemiyinzi gyomulweyi, na si vi molomanga: ga vi dukira kugingwa, kigira si vi nyala kugenda vyene. Mu ta vi tia mba; kigira si vi nyala kukola ubudamano, kandi likola bulahi si li veye muvyo mba.

Jeremia 50:2

Mu landidze makuva mu tsihiri mwilwadze, nokusingeridza ibendera, mwilwadze, mu ta visa mba: mu vole, Babuloni li vuguywi, Bel u leganyeywi, Merodaka u timuki enkolo; vifwananyi vyalyo vi leganyeywi, vifwananyi vyokusigamirwa vyalyo vi tsyomwa hasi.

Jeremia 50:38

Kimeyu ki duki ku amadzi gege, nago ga la kama; kigira ki veye kivala kyevifwananyi vya vadzwa, navo va laluki kigira lisigamira vifwananyi.

Jeremia 51:44

Nda leta likalaga ku Bel ha Babuloni, nda twulidza mrnunwa mwimwe kya ya mira; netsihiri si tsi la tsia kuye kandi mba: yee, lidigi lya Babuloni li la gwa.

Jeremia 51:47

Kunangwa, henza, madiku gadza, na mugo nda kola likalaga ku vifwananyi vya vadzwa vya Babuloni; nekivala kyakyo kyosi ki la va isoni; navandu veve viitwa vosi va la gwa hagati hehe.

Jeremia 51:52

Kunangwa, henza, madiku gadza, Yahova a vola, mugo nda kola likalaga ku vifwananyi vivye vyokuvadzwa; nomu kivala kikye kyosi avatwa tsing'oma va la kenya.

Danyeli 11:8

Kandi avanyasaye vavo, na vifwananyi vyavo, vyelisalulwa, na viju vilahi vyavo vyefetha nevyethahabu, a la vi lanya nokuvihila mu Egepeti; kandi mihiga gyi duki, a legaya ku mwami wa kasikasini.

Danyeli 3:14

Nebukadinezaru ya tivula na a va volera, Shadaraka, Meshaka, na Abedinego, Ga veye agelisaavira mwinye mu vule kutumekira munyasaye wange, nokusigamira kifwananyi kyethahabu kya nsingeridzi?

Nahum 1:14

Na Yahova u lagi ku ive, ha ta simikwa kandi kali mulala welieta lilyo: nda twulidza kifwananyi kyokuvadzwa nekifwananyi kyokwelongwa vi twule mu inyumba yavanyasaye vovo; nda ku yavira kilindwa kikyo, kigira ive u legangwa ligali.

Livalidza 32:38

na Nebo, na Baal-meon, (ameta ga yaga ga girunkanywa,) na Sibima: navo va gulika madala aga vombaka ameta gandi.

Matayo 23:4

Yee, va boha misigo miliduhu gyi mina, ni va vika ku mavega gavandu; navutswa avene va sula kugyisunda kali nekidete.

1 Samweli 5:3

Navandu va Ashidodi lwa va vuka mugamba, henza, Dagon u gwiye mammama imbiri welisanduku lya Yahova. Na va gumira Dagon, na va mu singeridza ha bugono hehe kandi.