Isaya 45:9 - KITABU KITAKATIFU

⁹ Ubudamano bu ve ku uyu u hing'ana no Mulombi wewe kijonjo mu vijonjo vyelirova Ubudohi bu la volera uyu u bu longa, U kola ki ive? Kinga miyinzi gyigyo kuvola, Si a veye na makono?

Isaya 45:9 ပူးပေါင်းရင်းမြစ်များ

Ayubu 10:9

Yidzulitsa, mwadza, ive u nongi kuli budohi: Na u la mbika mu lugukyi kandi?

Ayubu 33:13

Kigira ki u hing'ana naye, Kigira uyu si a haananga livalidza lyevindu vivye kali kilala kuvyo?

Ayubu 40:2

Uyu u kupa tsimbaka a la hing'ana no Wanyala Vyosi? Uyu u hangalidzana na Nyasaye, a tivule.

Ayubu 9:12

Henza, u gumiye vilanye, ni bwaha u nyala kumugayidza? Ni bwaha u nyala kumuteva, U kolanga ki, ive?

Ayubu 9:4

A veye wobugeeri mmwoyo, wobunyali mu tsingulu: Ni bwaha wekola kuva mudinyu kuye, na a gasidzwa?

Tsing'ano 21:30

Si ha veye nobugeeri, kinga limanya, Kinga makuva ga nyala kusingira ku Yahova.

Kohelethu 6:10

Ku vyosi vya li ho, lieta lyavyo lya gulikwa kale, na la manyekana kuva a veye mundu; kandi si a nyala kuhing'ana na uyu wobunyali kumuvita.

Isaya 10:15

Imbadzi i liidzominya ku uyu u gi tumekiranga? Msameno gu liidzominya ku uyu u gu nyiranga? Kuli musala gu sung'usa yavo ava gu ginga, kinga kuli impimbo i ginga uyu u ta li musala.

Isaya 29:16

Mwinye mu tung'ami nya makuva Umulongi a la validzwa kuleng'ana nobudohi; kuduka kindu kyalongwa ki vole ku uyu wa ki longa, Uyu si ya nomba mba; kinga kya longwa kuvola ku uyu wa ki longa kuvola, Si a veye nelimanya?

Isaya 45:10

Ubudamano bu ve ku uyu u voleranga dada wewe, Ive wivula kindu ki? Kinga ku volera mukali, U veye nelilumwa lya ki?

Isaya 64:7

Kandi si ha veye nomulala waniranga lieta lilyo, wetsuvanga a gumire ive: kigira u visi mmoni mumwo ku kwinye, nokukudividza nobudamano bwetu.

Isaya 64:8

Navutswa, kalunu, O Yahova u veye Dada wetu; ku veye ubudohi na ive u veye Mulongi wetu; kwosi ku veye muyinzi gwamakono gogo.

Jeremia 18:6

O inyumba ya Israeli, si nyala kukola na mwinye kuli umulongi u kolanga? Yahova a vola. Henza, kuli ubudohi bu veye mmukono gwomulongi, ni ndiyo mwinye mu veye mmukono gwange, O inyumba ya Israeli.

Jeremia 36:29

Ka ndi ku makuva ga Jehoiakim mwami wa Yuda u la vola, Yahova a vola: Ive u sambi lilinga lyekitabu yikyo, nokuvola, Kigira ki ive u ng'odi mu kyo, kuvola, Mwami wa Babuloni ligali a ladza nokudividza kivala yiki nokuheridza avandu netsinyama?

Jeremia 50:24

Mmali kukutega na ive u hambeywi, O Babuloni, si wa manya mba: ive u loleki, na u gumiywi, kigira u hing'ani ku Yahova.

Danyeli 4:35

na avandu vosi velirova va voleywi si va veye kindu; kandi a kolanga kuli ubulaliri bwibwe ku amahe gomigulu, kandi mu avamenya mu lirova; na si ha li noyu u nyala kugaya mukono gwigwe, kinga kumuteva, U kola ki?

1 Vakorintho 10:22

Naho ku kendekidza Mwami? Ku veye netsingulu kumuvita?