Isaya 45:6 - KITABU KITAKATIFU

⁶ va duke kumanya kutwula ku litwula lyeliuva, nokutwula madioli, si ha veye nowundi na a ta li inze; inze mbeye Yahova, si ha veye nowundi.

Isaya 45:6 ပူးပေါင်းရင်းမြစ်များ

Zaburi 46:10

Mu kiring'ane, mu manye inze mbeye Nyasaye: Nda nenehidzwa mu tsihiri, nda nenehidzwa mu lirova.

Zaburi 83:18

Va duke kumanya ive u veye weng'ine, welieta lilyo li veye Yahova, U Veye Weigulu Ligali ku lirova lyosi.

Isaya 11:9

Si va la saleridzana, kinga kwononnya mu kigulu kyange kitakatifu kyosi; kigira lirova li liizula limanya Yahova, kuli amadzi ga kunikanga inyanza.

Isaya 37:20

Kunangwa kalunu, O Yahova Nyasaye wetu, u ku honnye ku mukono gwigwe, tsihiri tsyosi tsyomu lirova tsi duke kumanya ive u veye Yahova, ive weng'ine.

Isaya 43:10

Mwinye mu yeye avaloli vange, Yahova a vola, mutumekiri wange wa nda tovola; mu duke kumanya nokusuuvira inze, nokumanya inze niye: imbiri ku inze Nyasaye si a lombwa yo mba, kandi inyima ku inze si a la va yo wundi mba.

Isaya 44:6

Yahova a vola yaga, Mwami wa Israeli, Mutungiri wewe, Yahova wa mahe: inze mbeye wokutanga, nowekiheri; si ha veye na Nyasaye wundi ku inze.

Isaya 45:5

Inze mbeye Yahova, si ha veye nowundi; si ha veye na Nyasaye wundi bugira inze. Nda boha kikenge kikyo, kali na u vuli kumanya inze;

Isaya 47:8

Kunangwa kalunu u hulire yaga, ive wevika mu vindu vi yanzanga, u menyanga bugira liganagana, u volanga mu mwoyo gugwo, Inze mbeye ho, si ha veye nowundi kuli inze; si ndikala kuli mukunzakali mba, kandi si nda manya likudzirwa lyavana:

Isaya 49:26

Na ava dambidzanga ive nda va lihidza inyama yavo avene; na va la hambika kulinwa lyamasahi gavo avene, kuli iwaini inulu: na avemibiri vosi va la manya inze, Yahova, mbeye Mukonyi wowo, Mutungiri wowo, Wanyala Vyosi wa Yakobo.

Isaya 59:19

Ni ndiyo va li tia lieta lya Yahova kutwula madioli, nobukumi bwibwe kutwula butwuliru bweliuva; kigira lwa uyu musigu a ladza kuli mugera gwamadzi gwizuye, Roho wa Yahova a la singeridza ibendera kuye.

Ezekieli 38:23

Na ndii dzominya inze mwene, nokwetakasa inze mwene, ndemannya inze mwene mmanyekane imbiri wetsimoni tsyetsihiri tsinyingi; navo va la manya inze mbeye Yahova.

Ezekieli 39:21

Na nda singeridza ubukumibwange hagati he tsihiri, netsihiri yitsyo tsyosi tsi la lola likalaga lyange lya nkoli, nomukono gwange gwa mbiki kuvo.

Joeli 2:27

Na mu la manya inze mbeye hagati ha Israeli, kandi mbeye Yahova Nyasaye wenyu, na si ha veye nowundi; na avandu vange va la vula kuva netsisoni mihiga nemihiga.

Malaki 1:11

Kigira kutwula ku litonga lyeliuva kuduka ku liyera lyalyo, lieta lyange li veye linene mu tsihiri: kandi hosi kimuli ki la sambangwa ku lieta lyange, na kihaanwa kilahi: kigira lieta lyange li veye linene mu vandu vetsihiri: Yahova wa mahe a vola.