Isaya 45:25 - KITABU KITAKATIFU

²⁵ Mu Yahova visukululwi vyosi vya Israeli va la hebwa ubulungi, na va la mkuminya.

Isaya 45:25 ပူးပေါင်းရင်းမြစ်များ

1 Avami 8:32

u hulire migulu, u kole, na u kalage hagati ha vatumekiri vovo, ku li ha mageli uyu mudamano, nokuleta inzira yeye ku mutwe gwigwe mwene, nokuha uyu mulungi bulungi, kuli ubulungi bwibwe bu veye.

1 Kyetsinyinga 16:13

O mwinye avolwivulo lwa Israeli mutumekiri wewe Mwinye avana va Yakobo, ava tovole veve.

Zaburi 22:23

Mwinye ava tia Yahova, mu mwidzominye Mwinye vosi visukululwi vya Yakobo mu mu kuminye; Mwegehidze imbiri wewe mwinye vosi visukululwi vya Israeli.

Zaburi 64:10

Avalungi va la sangala mu Yahova, na va livisa muye; Na vosi ava veye nemyoyo milungi va lidzominya.

Isaya 26:2

Mwigule viribwa, ihiri yobulungi i lindanga geligali i duke kwingira.

Isaya 28:5

Mu lidiku yilyo Yahova u a mahe a la va itaji yobukumi, negudwa yobulahi, ku vatigala aveve;

Isaya 41:16

Na u la vi sesa, nembuudza i la vi lulukidza, na kihudzudzi ki la vi salannya; na u la sangala mu Yahova, na u lidzomi nya mu uyu Mutakatifu wa Israeli.

Isaya 45:17

Narutswa Yahova a la honnya Israeli nelihonywa lyemihiga nemihiga: na si mu la va isoni, kinga kugenya kuduka mihiga nemihiga.

Isaya 45:19

Inze si mbolanga makiriri, ha kivala kyekisundi; si nda volera kisukululwi kya Yakobo, Mwenya inze vutswa: inze, Yahova, mbola bulungi, nzilwadzanga vindu vyobulungi.

Isaya 45:24

Mulala a vola ku inze, mu Yahova yeng'ine, vi nyoleka ubulungi nobunyali; avandu va la tsia kuye; navo vosi ava mu dunyira va la va isoni.

Isaya 50:8

Uyu u mbedzanga ubulungi a veye himbi; ni bwaha u la hing'ana ninze? Ku singire halala: ibwaha u veye muhing'ani wange? Yisunde himbi ku inze.

Isaya 53:11

A la lola ubululu bwelilumwa lyomwoyo gwigwe, na a la yanzidzwa: kigira lyemanya mwene mutumekiri mulungi wange, a la ha vanyingi ubulungi; naye a la ginga ubudamano bwavo.

Isaya 60:19

Liuva li la vula kuva ubulavu bubwo kandi inyinga yombasu; kandi ku bung'e reng'anu yibwo mweli si gu la ku ha ubwaaku kandi: navutswa Yahova a la va ubulavu bwemihiga nemihiga ku ive, Nyasaye wowo a la va bukumi bubwo.

Isaya 60:21

Avandu vovo va la va avobulungi vosi; va la lia miyandu gyekivala mihiga nemihiga; lusya lwelisimika lyange mwene, miyinzi gyamakono gange mwene, nduke kukuminywa.

Isaya 61:9

Na kisukululwi kyavo ki la manyekana mu tsihiri, na lwivulu lwavo lu la manyekana mu vetsihiri: vosi ava va lola va la va bugirira, kuva kisukululwi kya Yahova ya gasidza.

Isaya 65:23

Si va la kola miyinzi gya vutswa, kandi si va livulira kivi; kigira va veye kisukululwi kya uyu wa gasidzwa wa Yahova, na lwivulu lwavo halala navo.

Isaya 65:9

Nda leta bugutsa kutwula ku Yakobo, na wemi yandu gyevigulu vyange kutwula ku Yuda; na mutovole wange a la nyola miyandu, na vatumekiri vange va la menya yo.

Jeremia 33:16

Mmadiku yago Yuda a la honnywa, na Yerusalemi li la menye mmirembe: na lieta lilue lya a li langwa ni yili: YAHOVA ubulungi bwetu.

Jeremia 4:2

na u lisuha ndina, Kuli Yahova a veye mwoyo, mu geligali, mu likalaga, nomu bu lungi; tsihiri tsi legasidza muye, va lekuminya muye.

Vikolwa 13:39

kandi ku uyu, vosi va mu suuvira va hebwa ubulungi ku litwulidzwa lya vyosi vyelilaga lya Musa li ta nyala kutwulidza.

Varumi 4:16

Kigira yaga ubulungi bu twula mu lisuuvira, bu duke kuva kuli tsimbabasi; lisuuviridza li duke kuva netsi ngulu ku visukululwi vyosi; si li veye ku yivi vyelilaga vyeng'ine navutswa ku yivyo kandi vyelisuuvira lya Abrahamu, u veye dada wa kwinye kwosi

Varumi 5:1

Kunangwa ku mali kulungekidzwa kigira lisuuvira, ku veye nemirembe na Nyasaye kigira Mwami wetu Yesu Kristo.

Varumi 8:1

Kunangwa kigira yaga kalunu si ha veye nelikalagirwa lidamano ku yavo ava veye mu Kristo Yesu, ava ta genda kuli liva lyomubiri, navutswa kuli liva lya Roho.

Varumi 8:30

Kandi yava ava yaahla ya va langa: kandi ava ya langa, ya va ha ubulungi: kandi ava ya ha ubulungi, ya va ha ubukumi kandi.

1 Vakorintho 1:31

kuli wa ga ng'odwa, Widzominya, yidzominyire ku Mwami.

1 Vakorintho 6:11

Kandi ku mwinye avalala va li kuli yava, navutswa mwogidzeywi, kandi mwa takaseywi, navutswa mwa volwa kuva avalungi ku lieta lyo Mwami Yesu Kristo, noku Roho wa Nyasaye wetu.

2 Vakorintho 10:17

Navutswa uyu wiidzominyanga, yiidzominye mu Mwami.

2 Vakorintho 5:21

Uyu wa vula kumanya bwoni ya mu kola kuva ubwoni kigira kwinye; kwinye ku duke kuva ubulungi bwa Nyasaye.

Vagalatia 6:14

Navutswa li ve hale ku inze liidzominya ni li ta li ku musalaba gwo Mwami wetu Yesu Kristo, kugwo vyelirova vi gwiye vibambe ku inze, na inze ngwiye mubambe ku vyelirova.

Vafilipi 3:3

kigira ku veye avakevwa, ava sigama na Roho wa Nyasaye, kandi kwidzominya mu Kristo Yesu, kandi si ku suuvira mubiri.