Isaya 45:24 - KITABU KITAKATIFU

²⁴ Mulala a vola ku inze, mu Yahova yeng'ine, vi nyoleka ubulungi nobunyali; avandu va la tsia kuye; navo vosi ava mu dunyira va la va isoni.

Isaya 45:24 ပူးပေါင်းရင်းမြစ်များ

Litanga 49:10

Impimbo yobwami si i la twula ku Yuda, Kandi impimbo yokwameha si i la twula hagati hevirenge vivye, Kuduka inyinga Shilo yadza; Na lihulira lyavandu li la va kuye.

Zaburi 110:2

Yahova a la hila impimbo yetsingulu tsitsyo kutwula mu Zioni: Wamehe hagati ha avasigu vovo.

Zaburi 71:16

Ndadza nevikolwa vyetsingulvya Mwami Yahova: Ndidzulitsa avandu ubulungi bubwo, na bubwo bweng'ine.

Zaburi 72:9

Ava menya mwigendanyama va linama imbiri wewe; Na avasigu veve va la komba ulugukyi.

Zaburi 89:17

Kigira ive u veye ubukumi bwetsingulu tsyavo; Na mu bulahi bubwo ulwiga lwetu lu la nenehidzwa.

Isaya 26:4

Mu suuvire Yahova madiku gosi; kigira mu Mwami Yahova, Yahova mwene, mu veye nolwanda lwokumenya mihiga nemihiga.

Isaya 41:11

Henza, yavo vosi va dunyira ive va la va isoni nokugenya: yavo va hing'ananga nive va la va avavutswa, nokudiva.

Isaya 44:8

Mu ta tia, kandi mu ta kola ubutii: si nda ku yolera yaga kutwula kale, nokukuvuulira? Na mwinye mu veye avaloli vange. A veye ho Nyasaye wundi lugano ku inze? Yee, si ha veye no Lwanda; si manya wundi mba.

Isaya 45:25

Mu Yahova visukululwi vyosi vya Israeli va la hebwa ubulungi, na va la mkuminya.

Isaya 54:17

Si ha veye nekiju kya lombwa kuhing'ana nive ki li gasidzwa; noku tsinimi tsyos; lu li vuka ku ive mu likalaga ive u la lu kalagira lu ve lwa mahyolo. Yigyi ni miyandu gya yavo avatumekiri va Yahova, nobulungi bwavo bu twulanga ku inze, Yahova a vola.

Isaya 55:5

Henza, ive u la langa ihiri ya u ta manya; kandi ihiri ya vula kumanya ive, i la nyagulira ku ive, kigira Yahova Nyasaye wowo, kandi kigira uyu Mutakatifu wa Israeli; kigira u kuminyi ive.

Isaya 60:21

Avandu vovo va la va avobulungi vosi; va la lia miyandu gyekivala mihiga nemihiga; lusya lwelisimika lyange mwene, miyinzi gyamakono gange mwene, nduke kukuminywa.

Isaya 60:9

Ligali visulu vi la ni ndirira, na amato ga Tarshishi ga limirira, ga duke kuleta avana vange avayai kutwula ihale, ifetha yavo nethahabu yavo va la va navyo, vi ve vyelieta lya Yahova Nyasaye wowo, na vya Mutakatifu wa Israeli, kigira a kuminyi ive.

Isaya 61:10

Nda sangala ligali mu Yahova, mwoyo gwange gu la lola lisangala mu Nyasaye wange; kigira umbiki ingubo yobuhonnyi, u nkuniki ijoho yobulungi, kuli woserereywi yivikanga igudwa yevimuli, kandi kuli mwiha yesyahanga vyokwesyaha vivye vyethahabu.

Isaya 61:11

Kigira kuli lirova li sebukanga musoga gwekimuli, na kuli mulimi gu virukidzanga vindu vya tagwa mu; ni ndiyo Mwami Nyasaye a li virukidza ubulungi nelidzominywa kuviruka imbiri wetsihiri tsyosi.

Jeremia 33:16

Mmadiku yago Yuda a la honnywa, na Yerusalemi li la menye mmirembe: na lieta lilue lya a li langwa ni yili: YAHOVA ubulungi bwetu.

Habakuk 3:19

Yahova, Mwami, a veye tsingulu tsyange; A kola virenge vyange kuva kuli Direnye vyemboongo, Na a la ng'endidzira virenge vyange mu hadiguluku.

Zekaria 10:12

Nda va vika tingulu mus Yahova; na va la genda yiyi na yiyi mu lieta lilye, Yahova a vola.

Zekaria 10:6

Na nda vika tsingulu ku inyumba ya Yuda, na nda honnya inyumba ya Yosefa, na nda galukidza yavo kandi; kigira mba vereye tsimbabasi; navo va la va kuli ava nda vula kuta: kigira mbeye Yahova Nyasaye wavo nda va hulira.

Zekaria 12:5

Na vamehanga mu Yuda va la vola mu myoyo gyavo, Yavo ava menyanga mu Yerusalemi va veye tsingulu tsyange mu Yahova wa mahe, Nyasaye wavo.

Zekaria 8:23

Yahova wa mahe a vola: Mu madiku yago ga la duka, avandu likumi va la gumira, mu vandu vetsinimi tsyosi tsyetsihiri, va la gumira ingubo ya uyu u veye Muyuda nokuvola, Ku la genda halala nive, kigira ku huliye kuli Nyasaye a veye halala na mwinye.

Luka 13:17

Lwa ya vola vindu yivi tsisoni tsya gumira avahangalidzi veve vosi: kandi kiduma kyosi kya sangala ku vindu vyobukumi vya ya kola.

Luka 19:27

Navutswa avasigu vange yava ava ta yanza inze nzamihe kuvo, mu va lete hano, mu viitire imbiri wange.

Yohana 12:32

Kandi inze, ni ngingwa igulu welirova, nda ng'usa avandu vosi vadze ku inze.

Yohana 7:37

Ku lidiku lyekiheri, lidiku linene lyelilia, Yesu ya singira na a gamba, na a vola, Mundu na a va na a veye nobuluhu, yadze ku inze a nwe.

1 Vakorintho 1:30

Navutswa mwinye mu twulanga kuye mu Kristo Yesu, wa Nyasaye a kola kuva ubugeeri bwetu, kandi ubulungi, nobutakatifu, nobuhonnyi:

2 Vakorintho 5:21

Uyu wa vula kumanya bwoni ya mu kola kuva ubwoni kigira kwinye; kwinye ku duke kuva ubulungi bwa Nyasaye.

Vafeso 3:16

a mu he kudaswa tsingulu mu mundu wenyu womugati kigira Roho wewe, kuli ubutugi bwobukumi bwibwe;

Vafeso 6:10

Agekiheri, avamitu vange, mu ve avanyala mu Mwami, kandi mu bunene bwetsingulu tsitsye.

Vafilipi 4:13

Nnyalanga kukola vindu vyosi mu uyu u nyalidzanga.

Vakolosai 1:11

Mu dinyeridzwe netsingulu tsyosi, kuli ubunene bwobukumi bwibwe, kuduka ku buhokya bwosi nobwikudziri bwosi halala nobusangali;

2 Petro 1:1

Simoni Petro, mutugwa nomutumwa wa Yesu Kristo, ibaruua yange i duke ku ava nyoye lisuuvira lilala lyere lyobulahi halala nekwinye, mu bulungi bwa Nyasaye wetu, Muhonnyi wetu Yesu Kristo:

Likunula 11:18

Kandi tsihiri tsya li nobutima, kandi ubutima bubwo bwa duka, kandi inyinga yavakudzu va kalagirwa, kandi inyinga yavatugwa vovo avaprofeti va hebwa amadanyi gavo, navatakatifu, navatidzanga lieta lilvo, avakekeke navanene; nokudividza avadividza lirova.

Likunula 22:17

Kandi Roho nomwiha va vola, Hamba. Kandi uyu u huliranga a vole, Hamba. Kandi uyu u veye nobuluhu yadze: kandi uyu wenyanga a vugule vutswa amadzi gelivamwoyo.