20 Mu vunge halala mudze; mwisunde himbi halala, mwinye avahona avetsihiri: si va veye nelimanya ava ginga musala gwekifwananyi kyavo kya vadzwa, na ava saalanga munyasaye u ta nyala kuhonnya.
Hene yaho butima bwa Yahova bwaaka ku Amazia, na ya tuma kuye muprofeti, wa mu volera, Kigira ki wenya ava nyasaye vavandu, va ta nyala kutwu lidza avandu vavo mu mukono gugwo?
Kigira yii tira vanyasaye va Damasko vi haanwa, yava va mu duya; na ya vola, Kigira avanyasaye vavami va Siria va va konya, na inze nda viitira, va duke kunkonya. Navutswa yava va mu dividza, na Israeli hosi.
Mu lidiku yilyo lusya lwa Yahova lu la va lulahi nokuva nobukumi, na makuyu gelirova ga la va amalahi ligali na manolu ga ve ga yavo avahona ku Vaisraeli.
Avetsihiri tsyosi va vunge halala, navandu va vugane halala: ni bwaha hagati havo u nyala kwilwadza likuva yili, nokukuvuulira vindu vya kale? Va lete avaloli vavo, va lolwe kuva avalungi; kinga va hulire, nokuvola, Likuva yili ni lyeligali.
Yavo va lomba kifwananyi kyokuvadzwa va veye vutswa vosi; na vindu vya va yanzidzanga si vi la va konya kindu; na valoli vavo avene si va lolanga mba, kandi si va manya: va duke kuva isoni.
Bel a sigama hasi, Nebo yina manga hasi; vifwananyi vyavo vi veye ku tsinyama, nokumitugu: vindu vya mwa hila yiyi na yiyi vi koleywi kuva musigo, musigo gwokumina inyima i luhi.
Mu vugane halala, mwinye mwosi, mu hulire; ni bwaha hagati henyu wilwadza vindu yivi? Uyu wa Yahova a yanza uyu a la kola ubulaliri bwibwe ku Babuloni, na mukono gwigwe gu la va ku Vakalidei.
Lwa u lira, yavo ava wa vungidza va ku honnye; navutswa imbuudza i la va hila mwika gu la va hila vosi: navutswa uyu u suuviranga mu inze a la nyola miyandu gyelirova, nekigulu kyange kitakatifu.
Mu ndu sa mulala u gwiye kuli inyama si a veye nelimanya; mutuuli wethahabu sa mulala u legannyeywi kigira kifwa nanyi kikye kya vadzwa; kigira kifwananyi kikye kyokulongwa ki veye bubehi, si ha veye nomwika mukyo.
Vi veye kuli likindu, vyemiyinzi gyomulweyi, na si vi molomanga: ga vi dukira kugingwa, kigira si vi nyala kugenda vyene. Mu ta vi tia mba; kigira si vi nyala kukola ubudamano, kandi likola bulahi si li veye muvyo mba.
tsinyinga yitsyo mwavukanywa na Kristo, mwahulanywa nehiri ya Vaisraeli, kandi mwa li avageni ku malagano gelisuuviridzwa, ava mwa vula kuva nelisuuviridzwa, kandi ava mwa vula kuva na Nyasaye mu lirova