Isaya 45:19 - KITABU KITAKATIFU

¹⁹ Inze si mbolanga makiriri, ha kivala kyekisundi; si nda volera kisukululwi kya Yakobo, Mwenya inze vutswa: inze, Yahova, mbola bulungi, nzilwadzanga vindu vyobulungi.

Isaya 45:19 ပူးပေါင်းရင်းမြစ်များ

1 Kyetsinyinga 28:8

Kuna ngwa kalunu, imbiri wetsimoni tsya israeli vosi, livugana lya Yahova, kandi mu lihulira lya Nyasaye wetu, mu henze nokwenya amalago gosi ga Yahova Nyasaye wenyu: mu duke kugumira kivala kilahi yiki, nokule kera avana venyu kandi inyima wenyu, ki ve miyandu gyavo mihiga nemihiga.

2 Kyetsinyinga 15:2

naye ya twula kutsia kwagana na Asa, na a mu volera, U mbulire, Asa, na vosi va Yuda na Benjamini: Yahova a veye halala na mwinye, lwa mwinye mu veye halala naye; ni mu va ni mu mwenya, a la loleka na mwinye; navutswa ni mu va ni mu mu leka, a la leka mwinye.

2 Kyetsinyinga 7:14

ni i va avandu vange, ava langwa ku li eta lyange kuvo, vegehidze avene, nokusaala, nokwenya mmoni mwange, nokwirana kutwula ku tsinzira tsyavo tsindamano tsyosi; hene yaho nda hulira hano miguhl, nokusameha ubwoni bwavo, nokuhonnya kivala kyavo.

Ezara 8:22

Kigira nda li ni mbeye isoni kusava mwami a ku he kiduma kyavasikari, navoku nina ku tsiparasi kukukonya ku va sigu va veye ku inzira, kigira kwa li ni ku voleye mwami, ni ku vola, Mukono gwa Nyasaye wetu gu veye halala na yavo vosi ava mwenyanga, kuvaletera ubulahi; navutswa ubu nyali bwibwe nelivihirirwa lilye li veye ku yavo vosi ava mu lekanga.

Zaburi 12:6

Livola lya Yahova li veye makuva matakatifu; Kuli ifetha i geridzwa mu kisa mbiru kyelirova. Ya sambwa hali katano na kaviri.

Zaburi 24:6

Yiki ni kisukululwi kya yavo ava mwenyanga, Yavo avenyanga mumoni mumwo Nyasaye wa Yakobo [Selaha

Zaburi 69:13

Navutswa ku inze, lisaala lyange li veye ku ive O Yahova, inyinga yokubugirirwa: O Nyasaye, mu bunene bwetsi mbabasi tsitsyo, U ntivulire mu ageligali gobuhonnyi bubwo.

Zaburi 69:32

Avahoma va ga loli, na va sangala: Mwinye avenyanga Nyasaye, mwoyo gwenyu gu ve nelivamwoyo.

Zaburi 78:34

Lwa ya viita, ma va mwenya; Navo virana nokwenya Nyasaye ligali.

Zaburi 9:10

Navo ava manya lieta lilyo va la suuvira ive; Kigira ive, Yahova, si u leki ava kwenya ive.

Tsing'ano 1:21

Bu kupanga lwanga halang'amu hokuvugana; Hokwingira mu viribwa, Mu lidala bu volanga makuva gabwo:

Tsing'ano 15:8

Kihaanwa kyomudamano ki veye ubuvihiriridzi ku Yahova; Navutswa lisaala lyavalungi li veye ubuyanzi bwibwe.

Tsing'ano 30:5

Makuva gosi ga Nyasaye ga geridzwa: A veye ingavo ku yavo avevisanga muye.

Tsing'ano 8:6

Mu hulire, kigira nda vola makuva manene Na likunula lyeminwa gyange li la va lyevindu vilungi.

Isaya 1:15

Lwa mu nyira makono genyu, nda visa tsimoni tsyange mbule kumulola; yee, lwa mu saala lisaala linyingi, si nda li hulira mba; makono genyu gizuye masahi.

Isaya 43:12

Inze mmali kulandidza makuva, mmali kuhonnya, mmali kuvuula; si ha li nomunyasave mugeni hagati henyu: kigira yaga mwinye mu veye avelolekidzi vange, Yahova a vola, na inze mbeye Nyasaye.

Isaya 44:8

Mu ta tia, kandi mu ta kola ubutii: si nda ku yolera yaga kutwula kale, nokukuvuulira? Na mwinye mu veye avaloli vange. A veye ho Nyasaye wundi lugano ku inze? Yee, si ha veye no Lwanda; si manya wundi mba.

Isaya 45:23

Inze nzisuhi, inze mwene, likuva li mali kutwula mu munwa gwange mu bulungi, na li la vula kwirana, masigamo gosi ga la sigamwa imbiri wange, tsinimi tsyosi tsi lisuha.

Isaya 45:25

Mu Yahova visukululwi vyosi vya Israeli va la hebwa ubulungi, na va la mkuminya.

Isaya 48:16

Mwisunde himbi ku inze, mu hulire likuva yili; kutwula mu litanga si nda vola mu liviswa; kutwula inyinga ya li ho, inze nda li ho: na kalunu Yahova Nyasaye u ntumi, na Roho wewe.

Isaya 63:1

Ni bwaha uyu u twulanga Edom, wetsingubo tsyeligondo lyakanyu u twulanga Bozra? Uyu u veye netsingubo tsyobukumi, a tsi tsanga imbiri mu bunyingi bwetsi ngulu tsitsye? Ninze u volanga mu bulungi, wetsingulu kuhonnya.

Isaya 65:9

Nda leta bugutsa kutwula ku Yakobo, na wemi yandu gyevigulu vyange kutwula ku Yuda; na mutovole wange a la nyola miyandu, na vatumekiri vange va la menya yo.

Isaya 8:19

Na lwa va ku volera, Tsia ku yavo ava veye na roho gyobukumu, noku vasegetiri, ava lagulanga nokufuguma: si ga dukanga avandu kwenya Nyasaye wavo? Ga dukanga va tsie ku vakudzu kigira ava veye mwoyo?

Jeremia 2:31

O likula, mu lole likuva lya Yahova. Inze nda li ligendannyamak u Israeli? Kinga nda li kivala kyekisundi kinene? Kunangwa kigira ki avandu vange va volanga, Kwinye kwiruki; si ku lirana ku ive kandi mba?

Amosi 5:4

Kigira Yahova ya volera inyumba ya Israeli ndi, Mwenya inze, na mu la va mwoyo;

Yohana 18:20

Yesu ya mu tivulira, Inze mmali kuvolera avomkivala amakuva gange habulavu; inze madiku gosi nzegidza mu masomero nomu litempeli, ha Vayuda vosi va vugana; si nda vola kindu makiriri.

Yohana 7:26

Kandi henza, u luviriye, navutswa si va mu volera kindu. Avanene va manya ligali, uyu ni Kristo?

Yohana 7:28

Kigira yaga Yesu ya gamba ni yegidza mu litempeli, na a vola, Inze, mwinye mu mmanya, kandi mu manya ha nda twula; kandi si ntsitsa inze mwene, navutswa uyu wa ntuma noweligali, wa mu ta manya mwinye.

Kwidzulitsa 29:29

Vya viswa ni vya Yahova Nyasaye wetu, navutswa vya lang'aminywa ni vyetu ni vya avana vetu mihiga nemihiga, ku duke kukola amakuva gosi gelilaga yili.

Kwidzulitsa 32:4

Niye Lwanda, miyinzi gyigye gyi veye midukanu; Kigira tsinzira tsitsye tsi veye tsinungi: A veye Nyasaye wobusuuvirifu bugira budamano, A veye wa geligali, a veye ubulungi.

Yakobo 4:3

Mu saalanga, si mu nyola, kigira mu saala nobudamano, mu duke kuvitumekira mu likayirwa lyenyu.