Isaya 45:18 - KITABU KITAKATIFU

¹⁸ Kigira Yahova wa lomba ligulu Nyasaye, wa longa lirova nokulikola wa li dinyeridza, ya li lomba li vule kuva lyere, ya li longa avandu va menye ku: uyu a vola ndi, Inze mbeye Yahova; si ha veye nowundi.

Isaya 45:18 ပူးပေါင်းရင်းမြစ်များ

Litanga 1:1

Mu litanga Nyasaye ya lomba migulu nelirova.

Litanga 1:2

Na lirova lya gwa bugira bulolero na bugira kindu mulyo; na kisundi kya kunika ku lirova na Roho wa Nyasaye ya gonera ku amadzi.

Litanga 1:26

Kandi Nyasaye ya vola, Ku lombe mundu ku lifwanana lyetu, na kuli liva lyetu: kandi va ve nelyameha ku tsisudzi tsyomu inyanza, noku manyonyi gombwereru, noku mitugu, noku lirova lyosi, noku vi molanga ku lirova vyosi.

Litanga 1:28

Na Nyasaye ya va gasidza: na Nyasaye ya va volera, Mwivulane, mu medeke, na mwizule lirova, noku lyameha; kandi mwamehe ku tsisudzi, tsyomu inyanza, noku manyonyi gombwerefu, noku vyosi vyelivamwoyo vi gendanga ku lirova.

Litanga 9:1

Kandi Nyasaye ya gasidza Nuhu, na avana veve, na a va volera, Mwaale rnmedeke, mwizule lirova.

Zaburi 115:16

Ligulu yili li veye ligulu lya Yahova; Navutswa lirova ya ha avana va avandu.

Tsing'ano 30:4

Ibwaha wanegira migulu, nokusulunguta kandi? Ibwaha wa vungidza imbuudza mu mukono gwigwe? Ibwaha wa boha amadzi mu ingubo yeye? Ibwaha wa singeridza viheri vyosi vyelirova? Lieta lilye ni bwaha, na lieta lyomwana wewe ni bwaha, nu u va nu u manya?

Isaya 42:5

Nyasaye Yahova a vola, uyu wa lomba ligulu, nokulivagala; uyu wa vambula lirova na vyosi vi twulanga mulyo; uyu u haananga mwika ku avandu vosi va veye kulyo, nokuhaana roho kuvo ava gendanga kulyo:

Isaya 44:24

Yahova Mutungiri wowo, wa ku lomba kutwula munda, a vola ndi: Inze mbeye Yahova, u lombanga vindu vyosi; u vagalanga ligulu, inze tsyeng'ine u vambulanga lirova (ni bwaha u veye halala na inze?);

Isaya 45:12

Nda lomba lirova, nokulomba mundu kulyo: inze, yee, makono gange gaali ligulu; namahe galyo gosi ndagi.

Isaya 48:13

Yee, mukono gwange gu temi umuse gwelirova, kandi mukono gwange mulungi gu vagaye mwigulu: lwa mbi langa, vi singira halala.

Isaya 51:13

nokwivirira Ya hova Mulombi wowo, uyu waala ligulu, nokutema lirova muse; na u tidzanga kazozo mbasu bei kigira ubululu bwomudambidzi, lwa yete geka kwononnya? Ubululu bwomuda mbidzi bu veye haliha?

Jeremia 10:12

Uyu ya lomba kivala nobunyali bwibwe, ya dinyeridza lirova nobugeeri bwibwe, na ya vambula ligulu nelimanya lilye.

Jeremia 51:15

A lombi lirova yili nobunyali bwibwe, a dinyiridzi lirova nobugeeri bwibwe, kandi avambuye ligulu nelimanya lilye.