Isaya 45:17 - KITABU KITAKATIFU

¹⁷ Narutswa Yahova a la honnya Israeli nelihonywa lyemihiga nemihiga: na si mu la va isoni, kinga kugenya kuduka mihiga nemihiga.

Isaya 45:17 ပူးပေါင်းရင်းမြစ်များ

Zaburi 103:17

Na ha zana si ha li ki manya kandi mba. Navutswa tsimbabasi tsya Yahova kutwula mihiga nemihiga kuduka mihiga nemihiga tsi veye ku yavo ava mu tidzanga, Na ubulungi bwibwe bu veye ku avana va avana vavo;

Zaburi 25:3

Yee, ava lindiriranga ive si va la va netsisoni, kali mulala: Yavo ava kolanga ubugadi bugira kivune va la va netsisoni.

Isaya 12:2

Henza, Nyasaye a veye lihonywa lyange; nda suuvira, si nda tia mba: kigira Mwami, Yahova a veye tsingulu tsyange nolwimbu lwange; naye u gwiye lihonywa lyange.

Isaya 26:4

Mu suuvire Yahova madiku gosi; kigira mu Mwami Yahova, Yahova mwene, mu veye nolwanda lwokumenya mihiga nemihiga.

Isaya 29:22

Kunangwa kigira yaga Yahova, uyu wa honnya Abrahamu, ya vola ku inyumba ya Yakobo: Yakobo si a la va isoni kalunu kandi mmoni mwimwe si mu la gaiula kalunu.

Isaya 33:6

Tsinyinga tsitsyo tsi la va nelidinyeridza, ubuhonnyi bumyingi, nobu geeri, nelimanya: litia Yahova li veye butugi bwibwe bwakiba.

Isaya 45:25

Mu Yahova visukululwi vyosi vya Israeli va la hebwa ubulungi, na va la mkuminya.

Isaya 49:23

Avami va la va avadada vovo avaleri, na avakaye vovo va la va avamama vovo avaleri: na va linamira imbiri wowo nokuhenzidza tsimoni tsyavo hasi, nokumena lugukyi lwevirenge vivyo; na ive u la manya inze mbeye Yahova, na yavo ava lindiriranga inze va la vula kuva isoni.

Isaya 50:7

Kigira Yahova Nyasaye a la nkonya; kigira yaga nda vula kuva isoni: kunangwa nda vika mmoni mwange kuli ligina lidinyu, na inze manya si nda nyola tsisoni.

Isaya 51:6

Mu ginge tsimoni tsyenyu mu henze ligulu, kandi mu henze kivala kya hasi; kigira migulu mu la vuya kuli mwoki, na kivala ki la kunguha kuli ingubo, na va menyanga ku va la kudza kuli ndiyo: navutswa ubuhonnyi bwange bu la va bwemihigane mihiga, nobulungi bwange si bu la tsyomwa hasi.

Isaya 51:8

Kigira isere i la va lia kuli i litsanga ingubo, na ing'ende i la va lia kuli i litsanga ubwoya bweligondi; navutswa ubulungi bwange bu la va bwemihiga nemihiga, nobuhonnyi bwange bu la duka ku makula gosi.

Isaya 54:4

U ta tia mba; kigira si u la va isoni mba: kandi u ta genya mba; kigira si u la leganywa mba; kigira u livirira tsisoni tsyobwana buke bubwo, na manyego gobukunzakali bubwo si u la gidzulira mba.

Isaya 54:8

Ku livihirirwa lya vita kigero nda ku visa mmoni mwange ku idakika indala; navutswa ku bulahi bu hongeranga mihiga nemihiga nda ku vererera, Yahova Mutungiri wowo a vola.

Isaya 60:19

Liuva li la vula kuva ubulavu bubwo kandi inyinga yombasu; kandi ku bung'e reng'anu yibwo mweli si gu la ku ha ubwaaku kandi: navutswa Yahova a la va ubulavu bwemihiga nemihiga ku ive, Nyasaye wowo a la va bukumi bubwo.

Jeremia 31:3

Yahova ya loleka ku inze ku matsyambiri, ni ya mbolera, Yee, nku yanzi nobuyanzi bwemihiga nemihiga: kigira yaga mali kukukwesa netsimbabasi tsyo ubuyanzi bwange.

Jeremia 33:16

Mmadiku yago Yuda a la honnywa, na Yerusalemi li la menye mmirembe: na lieta lilue lya a li langwa ni yili: YAHOVA ubulungi bwetu.

Hosea 1:7

Navutswa nda vererera inyumba ya Yuda, nda va honnya ku Yahova Nyasaye wavo, na si nda va honnya nobuta, kinga nekivavi, kinga nobulwani, kinga netsiparasi, kinga navanina ku tsiparasi.

Jona 2:9

Navutswa nda letera ive kihaanwa nomwoyo gwelisantidza; Nda tunga aga nda lagana. Ubuhonnyi bu veye bwa Yahova.

Zefania 3:11

Ku lidiku yilyo si u la va isoni mba kigira likola lilye lyosi, vya u nkoleye mu mahyolo; kigira inyinga yeyo nda twulidza hagati hoho avandu vovo aveyidzominyanga nokukola luyai, na ive si u legingira kandi mu kigulu kitakatifu kyange.

Yohana 10:28

inze nga hedzanga livamwoyo li ta hera mba; ga la vula kudivz imihiga nemihiga, kandi si ha veye nomundu u li ga nyaga mu mkono gwarige

Yohana 5:24

Ligali, ligali, mmu volera, U hulira likuva lyange, na a suuvire wa ntuma, a veye nelivamwoyo li ta hera mba, kandi si a li nyala kwingira mu likalagirwa, navutswa u mali kutwula mu likudza kuduka mu livamwoyo.

Yohana 6:40

Yibwo nibwo ubulaliri bwa Dada wange, ku vosi u lola Mwana kandi a mu suuvira, a ve nelivamwoyo li ta hera; na inze nda mu simugukidza ku lidiku lyekiheri.

Varumi 10:11

Kigira ma ng'oda ga vola, Ku vosi u mu suuvira si a li va soni.

Varumi 11:26

ndiyo Israeli yosi i la honnywa: kuli wa ga ng'odwa, Muhonnyi a la twula Zioni A la twulidza ku Yakobo livula kutia Nyasaye:

Varumi 8:1

Kunangwa kigira yaga kalunu si ha veye nelikalagirwa lidamano ku yavo ava veye mu Kristo Yesu, ava ta genda kuli liva lyomubiri, navutswa kuli liva lya Roho.

Varumi 9:33

kuli wa ga ng'odwa, Henza, mbika ku Zioni iigina lyokwikigitalidza, nolwanda lwokuvihiriridza: Noyu u mu suuvira si a li va soni.

2 Vatesalonike 2:16

Kalunu Mwami wetu Yesu Kristo mwene, na Nyasaye Dada wetu wa ku yanza na a ku ha kilema mwoyo kyemihiga nemihiga nelisuuvira lilahi mu tsimbabasi,

Vahebraina 5:9

lwa ya kolwa mudukiru ya gwa mulombi wobuhonnyi bwemihiga nemihiga, ku vosi ava mu huliranga,

1 Petro 2:6

Kigira livoia yili li veye mu mang'oda, Henza, mbika mu Zioni ligina linene lyolwiga, litovole, lyobukumi: Kandi u mu suuvira si a la legannywa.

1 Yohana 4:15

Ku vosi u lyeyama Yesu no Mwana wa Nyasaye, Nyasaye a menya muye, naye mu Nyasaye.