Isaya 45:14 - KITABU KITAKATIFU

¹⁴ Yahova a vola yaga, Linyankana lyemiyinzi gya Egepeti, nevindu vyamaguli vya Ethiopia, na Vasabea, avandu va veye avatambi, va ladza ku ive, va la va avandu vovo: va la londa ive; va ladza ku ive neminyororo gyavo: va la gwa hasi imbiri wowo, va la ku saala, ni va vola, Ligali Nyasaye a veye hagati hoho; si ha veye nowundi, si ha veve na Nyasaye wundi.

Isaya 45:14 ပူးပေါင်းရင်းမြစ်များ

Litanga 27:29

Avandu va tumekire ive, Na tsihiri tsi ku sigamire: Ive u ve mwami ku avamwavo vovo: Kandi avana va mama wowo va ku sigamire: Ku vosi a laama ive, a laamwe, Noku vosi a gasidza ive, a gasidzwe.

2 Samweli 21:20

Kandi ubulwani bwa li ho ha Gathu, ya li ho mundu mulala mutambi ligali, wa li nevidete vitano nekilala ku makono gombi, nevino vitano nekilala ku vi renge vyombi, vyosi vya li makumi gaviri na vine; uyu kandi yivulwa ku gundu.

Esther 8:17

Na mu tsiprovinse tsyosi sendala, na mmadala gosi sa lilala, na hosi ha lilaga lyomwami lya duka, Avayuda va li nobuyanzi nobusangali, nelilia neli diku lilahi. Na vanyingi ku vandu vekivala va gwa Avayuda; kigira litihidza lya Avayuda lya va gwira.

Ayubu 1:15

no noho Vasabea vekupa kutsyo noku tsihila, nokutsia natsyo: yee, viiti avatumekiri nobwogi bwekivavi; na inze tsyeng'ine mboni, kukuletera amakuva.

Ayubu 11:19

Kandi u la gona hasi, na si ha la va nowokukutihidza; Yee, vanyingi va lenya mmoni mumwo.

Zaburi 149:6

Agokwidzominya ligali Nyasaye ga ve mu minwa gyavo, Na kivavi kyetsimbega tsyombi mu mukono gwavo

Zaburi 149:8

Kuboha avami vavo neminyororo, Na avanene vavo neminyororogyekivya;

Kutwula 11:8

Kandi yava vosi avatumekiri vovo va la sulunguta ku inze, nokusigama imbiri wange nokuvola, Twula halala navandu vosi avalondanga ive: na lwenyima nda twula. Naye ya twula imbiri wa Farao nobutima bunene.

Isaya 10:33

Henza, Mwami, Yahova wa mahe, a la kalaga tsisya nelitihidza; navatambi va la temwa ligali, na veginga va likidzwa hasi.

Isaya 18:1

Ai, kivala kyelihungudza tsi mbaha, ki veye hale kuvita migera gya Ethiopia;

Isaya 18:7

Inyinga yeyo Yahova wa mahe a la leterwa kihaanwa kyavandu avatambi navaterere, navokutihidza kutwula mu litanga lyavo kuduka kalunu, va veye ihiri i geranga nekigero, noku duvaga hasi, yekivala kyayo kya gavanywa nemigera, kuduka ha bu gono bwelieta lya Yahova wa mahe, kigulu kya Zioni.

Isaya 19:21

Na Yahova a la manyekana ku Egepeti, na Avaegepeti va la manya Yahova mu lidiku yilyo; yee, va la sigamira nokuhaana vihaanwa nevindu, na va la kola lilagana na Yahova, nokulikola.

Isaya 19:22

Na Yahova a la kuya Egepeti, kukuya nokuhonnya; navo va lirana ku Yahova, naye a la bugirira lisaala lyavo, nokuvahonnya.

Isaya 23:18

Na likirannya lyakyo na madanyi gakyo vi la va ubutakatifu ku Yahova: si vi vikwa mu butugi kandi si vi la vikwa mu akiba; kigira likiranya lyalyo li la va lyavamenyanga imbiri wa Yahova, va duke kulia vyokulia vi duki, nokwivika tsingubo tsi menya.

Isaya 43:3

Kigira inze mbeye Yahova Nyasaye wowo, Mutakatifu wa Israeli, Muhonnyi wowo; mmali kuhaana Egepeti kuva umutungu gugwo, mbaani Ethiopia na Seba kigira ive.

Isaya 44:8

Mu ta tia, kandi mu ta kola ubutii: si nda ku yolera yaga kutwula kale, nokukuvuulira? Na mwinye mu veye avaloli vange. A veye ho Nyasaye wundi lugano ku inze? Yee, si ha veye no Lwanda; si manya wundi mba.

Isaya 45:24

Mulala a vola ku inze, mu Yahova yeng'ine, vi nyoleka ubulungi nobunyali; avandu va la tsia kuye; navo vosi ava mu dunyira va la va isoni.

Isaya 49:23

Avami va la va avadada vovo avaleri, na avakaye vovo va la va avamama vovo avaleri: na va linamira imbiri wowo nokuhenzidza tsimoni tsyavo hasi, nokumena lugukyi lwevirenge vivyo; na ive u la manya inze mbeye Yahova, na yavo ava lindiriranga inze va la vula kuva isoni.

Isaya 54:3

Kigira u la vambuka ku luvega lwomukono mulungi noku mukono mmosi: nekisukululwi kikyo ki la gumira tsihiri, na madala ga kolwa hatswa a la ga kola avandu kumenya mu.

Isaya 55:5

Henza, ive u la langa ihiri ya u ta manya; kandi ihiri ya vula kumanya ive, i la nyagulira ku ive, kigira Yahova Nyasaye wowo, kandi kigira uyu Mutakatifu wa Israeli; kigira u kuminyi ive.

Isaya 60:3

Na tsihiri tsing'ano netsing'ano tsi ladza ku bulavu bubwo, navami va ladza ku bung'ering'anu bwelikya lilyo.

Isaya 61:9

Na kisukululwi kyavo ki la manyekana mu tsihiri, na lwivulu lwavo lu la manyekana mu vetsihiri: vosi ava va lola va la va bugirira, kuva kisukululwi kya Yahova ya gasidza.

Jeremia 16:19

O Yahova, tsingulu tsyange, impinga yange, na kyokwivisa mu kyange ku lidiku lyekivi, tsihiri tsi ladza ku ive kutwula ku tsintulu tsyelirova, na va la vola, Avaguga vetu si va nyola kindu mu miyandu navutswa ububehi bweng'ine, aga vutswa na vindu vi ta konya kindu.

Ezekieli 23:42

Nomuliviti gwobu nyingi bwavandu ava li mu busangali gwa li halala naye: navutswa kandi avasatsa ava li avadamano va li ho navahambiki ava twulanga mwigendanyama; na va vika migodze ku makono gavo vombi, netsitaji tsindahi ku mitwe gyavo.

Ezekieli 31:3

Henza, Muasuria ya li mutaragwa mu Lebanon gwetsisya tsindahi, nogwekiriri kinene nekitambi; na kuntongi kwagwo kwa li hagati hetsisaga tsindiduhu.

Joeli 3:8

na nda gulidza avana venyu avayai na avakana ku makono ga avana va Yuda, navo va la va gulidza ku avasatsa va Sheba, ku ihiri i veye ihale ligali: kigira Yahova u voye yaga.

Livalidza 13:32

Na va letera avana va Israeli makuva madamano gekivala kya va luta, ni va vola, Kivala kya kwa vita hagati hakyo kukiluta, ki veye kivala ki miranga avandu ava menyanga mukyo; na avandu vosi va kwa lola mu va veye avandu avatambi ligali.

1 Vakorintho 14:25

vindu vyomu mwoyo gwigwe vi viseywi vi lang'aminyeywi; ma a la gwa mammama nokusigamira Nyasaye, na hene yaho a la vola Nyasaye a veye hagati henyu ligali.

1 Vatesalonike 1:9

Kigira avene va vola amakuva getu agolugano lwelingira lyetu ku mwinye; kandi kuli mwa vika ha mugongo misambwa, nokuyeka ku Nyasaye, nokutumekira Nyasaye u veye mwoyo kandi weligali,

Likunula 3:9

Henza, nku hedzanga avelivugana lya Setani, ava volanga va veye Avayuda, navutswa si va li ndiyo, navutswa va vehanga; henza, nda va kola vadze kukusigamira ha virenge vivyo, nokumanya inze nku yanzi.