Isaya 45:13 - KITABU KITAKATIFU

¹³ Mmu singeridzi mbulungi, na nda lungekidza tsinzira tsitsye tsyosi: a lombaka lidala lyange, na a la boholola avandu vange vadikidzwa, si ga veye ku litungwa kinga lihebwa madanyi, Yahova wa mahe a vola.

Isaya 45:13 ပူးပေါင်းရင်းမြစ်များ

Ezara 1:3

U veye ku mwinye mu avandu veve vosi, Nyasaye wewe a ve naye, yanegire Yerusalemi, li veye mu Yuda, na yombake inyumba ya Yahova, Nya saye wa Israeli (uyu niye Nyasaye), veye ha Yerusalemi.

Zaburi 65:5

Nevindu vyokutihidza u li ku tivulira mbulungi, O Nyasaye wobuhonywi bwetu, Ive u veye kisuuviri kyeviheri vyosi vyelirova, Kandi kya yavo ava veye ihale ku inyanza:

Tsing'ano 3:6

Mu tsinzira tsitsyo tsyosi u mu bugirire, Naye a la kwimirira ku tsinzira tsitsyo.

Isaya 13:17

Henza, nda vukidza Avamedi va tsie kuvo, ava li vula kuhenza ifetha, nomu makuva gethahabu, si va gi sangalira.

Isaya 14:17

wa kola lirova kuva kuli kyangalangwi, noku tung'aminya madala galyo; uyu wa vula kuboholola avahambe veve vi rane wavo?

Isaya 41:2

Ni bwaha ya vukidza mulala kutwula ivugwe, wa a langanga nobulungi ha virenge vivye?A lete tsihiri imbiri wewe, nokumwamehidza ku avami; a va kola kuva kuli lugukyi ku kivavi kikye, kuli luvuva lu hilangwa va duke ku buta bwibwe.

Isaya 41:25

Nda vukidza mulala kutwula ha kasikasini, naye u duki; kutwula butuliru bweliuva u duki mulala waniranga lieta lyange: na a la duka ku avameha kuli ku kifongo igulu, kandi kuli umulongi a duvulanga ubudohi.

Isaya 42:6

Inze, Yahova, nku langi mbulungi, nda ku gumira mukono, nokukulinda, nda ku haana u ve lilagana lyava ndu, nokuva ubulavu bwa Vetsihiri:

Isaya 44:28

u volanga ku uyu Kurusi, A veye mwayi wange, na a la kola aga nyanzanga gosi: kali kuvola ku Yerusalemi, U lombakwu; noku litempeli, Umuse gugwo gu la temwa.

Isaya 45:2

Ndimira imbiri wowo, na nda leng'annya magiki; na nda vunannya miliango vyomugasa, nokukalaga miluguyu gyekivya;

Isaya 46:11

nokulanga linyonyi likuvali kutwula ivugwe, umundu welivola lyange kutwula mu kivala kye ihale; yee, inze mboye, kandi nda dukidza nsaaviye, kandi nda ga kola.

Isaya 49:25

Navutswa Yahova a vola, Kali avahambe vomuluviriri va la twulidzwa, nevilanye vya yavo ava tihidzanga vi la honywa; kigira inze nda hing'ana na uyu u hing'ana nive, na nda honnya avana vovo.

Isaya 52:5

Kunangwa kalunu, nkola ki hano, Yahova a vola, kigira avandu vange va hilangwa vutswa bugira ubuguli? Avamehanga kuvo va ha nzuka, Yahova a vola, lieta lyange li nyegangwa kazozo mbasu bei.

Mika 4:10

U ve nelilumwa u kupe lukwili u duke kwivula O mukana wa Zioni, kuli mukali wivu langa; kigira kalunu u la twula mu lidala, na u la menya mu mulimi, na u la duka kali ku Babuloni: ha zana u la honnyirwa ho, ha zana Yahova a la ku tungira u twule mmukono gwavasigu vovo.