Isaya 45:1 - KITABU KITAKATIFU

¹ Yahova a volera Kurusi, mbake wewe wa nda gumira mukono gwigwe muiungi, kuguuta tsihiri imbiri wewe, nda boholola vikenge vyavami; kuduka kwigula miliango imbiri wewe, na viribwa vi la vula kuhanwa:

Isaya 45:1 ပူးပေါင်းရင်းမြစ်များ

1 Avami 19:15

Na Yahova ya mu volera, Tsia, wiranire ku inzira yomukyangalangwi kuduka Damasko: lwa u duka yo, u vake Hazaeli a ve mwami wa Siria;

Ezara 1:1

Kunangwa mmhiga gwokutanga gwa Kurusi mwami wa Persia, kudukidza likuva lya Yahova kumunwa gwa Jeremia, Yahovaya yavukidza mwoyo gwa Kurusimwami wa Persia, na ya landidza mu bwamibbwebwe bwosi, na ya ng'oda likuvalilye, na a vola,

Ezara 1:2

Kurusi mwami wa Persia a volanga, Yahova, uyu Nyasaye womigulu u heye inze n ubwami bwosi bwelirova; na u lagi inze mwombakire inyumba ha Yeru salemi, li veye mu Yuda.

Ayubu 12:21

A tsukanga tsisoni ku vanene, Na a dendeyidza musipi gwavetsingulu.

Zaburi 73:23

Navutswa mbeye halala na ive kazozo: Ive u gumiye mukono gwange mulungi.

Isaya 13:2

Mwesingeridzire ibendera ku kigulu ki ta veye nemisala kinga ubulimu, mu hanzuke myoyo gyenyu, mu va sime nomukono, va duke kwingira mu viribwa vyavanene.

Isaya 13:3

Inze mali kulaga avandu vange avatakatifu, yee, nnangi avetsingulu vange kigira ubutima bwange, yava ava sangala mu bunene bwange.

Isaya 41:13

Kigira inze, Yahova Nyasaye wowo, nda ku gumira mu kono gugwo mulungi, nokukuvolera, U ta tia mba; nda ku konya.

Isaya 41:2

Ni bwaha ya vukidza mulala kutwula ivugwe, wa a langanga nobulungi ha virenge vivye?A lete tsihiri imbiri wewe, nokumwamehidza ku avami; a va kola kuva kuli lugukyi ku kivavi kikye, kuli luvuva lu hilangwa va duke ku buta bwibwe.

Isaya 41:25

Nda vukidza mulala kutwula ha kasikasini, naye u duki; kutwula butuliru bweliuva u duki mulala waniranga lieta lyange: na a la duka ku avameha kuli ku kifongo igulu, kandi kuli umulongi a duvulanga ubudohi.

Isaya 42:6

Inze, Yahova, nku langi mbulungi, nda ku gumira mukono, nokukulinda, nda ku haana u ve lilagana lyava ndu, nokuva ubulavu bwa Vetsihiri:

Isaya 44:28

u volanga ku uyu Kurusi, A veye mwayi wange, na a la kola aga nyanzanga gosi: kali kuvola ku Yerusalemi, U lombakwu; noku litempeli, Umuse gugwo gu la temwa.

Isaya 45:5

Inze mbeye Yahova, si ha veye nowundi; si ha veye na Nyasaye wundi bugira inze. Nda boha kikenge kikyo, kali na u vuli kumanya inze;

Isaya 48:15

Inze, yee, inze mwene, mmali kuvola; yee, mmali kumuanga; mmali kumuleta, naye a la gaiidza inzira yeye.

Jeremia 27:6

Na kalunu vivala yivi vyosi mmali kuvivika mmukono gwa Nebukadinezaru mwami wa Babuloni, mutumekiri wange; netsinyama tsyomwigendenyama, mmali kuha uyu tsi mu tumekire.

Jeremia 43:10

na u va volere Yahova wa mahe, Nyasaye wa Israeii, a vola ndi: Henza, nda tuma nokuvugula Nebukadirezaru mwami wa Babuloni, mutumekiri wange, na nda vika intebe yeye yobwami ku magina yaga aga nda visa; na a la singeridza lihema lilye lyobwami igulu wago.

Jeremia 50:3

Kigira ihiri i twulanga kasikasini yidzanga kulyo, i li kola kivala kyalyo kuva vutswa, na si ha veye nomundu u menya mukyo: viruki, va tsiye, mundu nenyama

Jeremia 50:35

Kivavi ki veye ku Vakalidei, Yahova a vola, noku va menyanga Babuloni, noku vanene veve, noku avageeri veve.

Jeremia 51:11

Mu hyagale mibano, tsikuti mu gumire netsingulu: Yahova u vukidzi roho gyavami va Vamedi; kigira tsiganagani tsitsye tsi veye ku Babuloni, kulidividza: kigira kisalya kya Yahova, ki veye kisalya kyelitempeli lilye.

Jeremia 51:30

Avaluviriri va Babuloni va leki kulwana, va menya mu tsimpinga tsyavo; ubunyali bwavo bugehi kuvo; va gwiye kuli avakali: ubumenyo bwalyo bu sambeywi nomuliru; miluguyu gyalyo gyi vuniki.

Jeremia 51:58

Yahova wa mahe a vola ndi: Amadigi ga Babuloni magalamu ga la tung'aminywa ligali, neviribwa vyalyo vya diguluka ligali vi la sambwa nomuliru; navandu va la nyankana mu miyinzi gya vutswa, netsihiri mu miyinzi gyomuliru; navo va la luha.

Ezekieli 29:20

Mmali kumuha kivala kya Egepeti kuva litungwa lilye lya ya tumekira, kigira va tumekira inze, Mwami Nyasaye a vola.

Danyeli 5:6

Hene yaho ligondo lyommoni mwomwami lya galula na tsiganagani tsitsye tsya mu hulula inkolo; na a kalika viyungu vyo mgongo, na amalu gege ga duyana.

Danyeli 7:5

Na he nza inyama yindi, ya kaviri, ya li kuli iduba, na ya gingwa ku luvega lulala, na ya li netsimbalu tsivaka mu munwa gwayo mu amino gayo: na va gi volera ndi, Singira u lie inyama inyingi.

Danyeli 8:3

Hene yaho nda ginga tsimoni tsyange, ni ndola, henza, imbiri womugera lya singira ho ligondi likole, lya li netsinziga tsiviri; na tsinziga tsya li tsintambi; navutswa ulwiga lulala lwa tambiha kuvita lundi, na lu tambi lwa mera inyima.

Danyeli 8:4

Nda lola ligondi likole zana lyesunda ha luvega lwemadioli, kandi ha luvega lwa kasikasini na ha luvega lwa kusini; na si ha li netsinyama tsya nyala kusingira imbiri walyo, kandi si ha li na tsi nyala kusola kindu mu mukono gwalyo; navutswa lya kola kuli lya yanza, nokwenenehidza.

Nahum 2:6

Neviribwa vyemigera viguywi, nenyumba yobwami i yenguleywi.

Nahum 3:13

Henza, avandu vovo hagati hoho va veye avakali; neviribwa vyekivala kikyo vi mali kwigulwa imbiri wa avasigu vovo: muliru gu sambi muluguyu gugwo.