Isaya 44:7 - KITABU KITAKATIFU

⁷ Kandi, ni bwaha, kuli inze, u langa, nokwilwadza yaga, nokunombera yaga, kutwula inyinga ya nda vika avandu va kale? Na vindu vidzanga, na vindu vi dukanga, va vilwadze.

Isaya 44:7 ပူးပေါင်းရင်းမြစ်များ

Isaya 19:12

Avobugeeri vovo va veye haliha? Va ku volere kalunu; na va manye ni inkuva ki ya Yahova wa mahe a saaviye ku Egepeti.

Isaya 41:22

Va ki twulidze, va kwilwadzire aga lidza: mwilwadze vindu vyokutanga, ni vindu ki, ku duke kuviganagana, nokumanya ki heri kyavyo, kinga mu ku lolekidzire vindu vi li duka lwenyima.

Isaya 41:23

Mwi lwadze vindu vi li va lwenyima, ku duke kumanya mu veye avanyasaye: yee, mu kole bulahi, kinga mu kole budamano, ku duke kugenya, noku lola kwosi halala.

Isaya 41:26

Ni bwaha yilwadza likuva yili kutwula mu litanga, ku li manye? Noku matsyambiri, ku duke kuvola, A veye wobulungi? Yee, si ha veye nomulala wilwadzanga, yee, si ha veye nomulala u lolekidzanga, yee, si ha veye nomulala u huliranga ma kuva genyu.

Isaya 41:4

Ni bwaha wa kola nokulomba inkuva yiyi, u langanga visukululwi kutwula mu litanga? Inze, Yahova, welitanga, nowekiheri, inze niye.

Isaya 43:12

Inze mmali kulandidza makuva, mmali kuhonnya, mmali kuvuula; si ha li nomunyasave mugeni hagati henyu: kigira yaga mwinye mu veye avelolekidzi vange, Yahova a vola, na inze mbeye Nyasaye.

Isaya 43:9

Avetsihiri tsyosi va vunge halala, navandu va vugane halala: ni bwaha hagati havo u nyala kwilwadza likuva yili, nokukuvuulira vindu vya kale? Va lete avaloli vavo, va lolwe kuva avalungi; kinga va hulire, nokuvola, Likuva yili ni lyeligali.

Isaya 45:21

Mwilwadze, mu lete makuva, yee va kole makuva halala; ni bwaha wa vuula likuva yili kutwula ku matsya mbiri? Ni bwaha yilwadza likuva yili kale? Si a veye inze, Yahova wa kola? Kandi si ha veye na Nyasaye wundi na a ta li inze, Nyasaye wobulungi, no Muhonnyi; si ha veye nowundi.

Vikolwa 17:26

Kandi ya lomba tsihiri tsyosi tsyavandu va twule ku mulala kumenya ku lirova lyosi, kandi ya haana munwa gwemihiga, na a kola tsinzako tsyevivala vyavo;

Kwidzulitsa 32:8

Inyinga U-veye-lgulu-Ligali ya haana miyandu ku vetsihiri, Lwa yavukanya avana vavandu, Ya vika tsinzako tsyavandu Kuli livalidzwa lya avana va Israeli.