Isaya 44:3 - KITABU KITAKATIFU

³ Kigira nda tsuka amadzi ku uyu u veye nobuluhu, noku tsuka tugera mu kivala kyumu: nda tsuka Roho wange ku kisukululwi kikyo, nobugasu bwange nda tsuka ku yavo avolwivulu Iwulwo:

Isaya 44:3 ပူးပေါင်းရင်းမြစ်များ

Ayubu 5:25

Kandi u la manya kisukululwi kikyo ki la va kinene, Na vivuli vove vi la va kuli bu nyasi bwelirova.

Zaburi 107:35

A girunkannya kyangalangwi kugwa lidavalia lyamadzi, Na kivala kyumu kugwa visenukiru vyamadzi.

Zaburi 63:1

O Nyasaye, ive u veye Nyasaye wange; nda kivira kwenya ive: Mwoyo gwange gu veye nobuluhu ku ive, mubiri gwange gwenya nga ive Mu kivala kyumu nokuluhidza, ha amadzi ga vula.

Tsing'ano 1:23

Mwegirunkannye kigira ligondoka lyange: Henza, nda mu tsukira roho wange Nda mu mannya makuva gange.

Isaya 27:3

Inze Yahova mbeye mulindi wagwo; nda gu sama amadzi tsinyinga tsyosi: gase mundu a la gwononnya, nda gu linda budiku nombasu.

Isaya 32:15

kuduka lwa Roho a tsukwa ku kwinye kutwula igulu, na kyangalangwi ki la va mulimi gwamanga ligali, no mulimi gwamanga gu la validzwa kuva mulitu.

Isaya 32:2

Na mundu a la va kuli hokwivisa ku mbuudza, na hoku kunika ku kihi; kuli migera gya madzi mu ahumu, kuli kiriri kyolwanda mu kivala kyeliluha.

Isaya 41:17

Avadaka navadambi venyanga madzi, na fii ga veye ho, na tsinimi tsyavo tsyumanga kigira buluhu; Inze, Yahova, nda va tivulira, inze Nyasaye wa Israeli, si nda va leka mba.

Isaya 48:19

lwivulu lulwo nkano lwa ka va kuli muyeke, na vivulwa vyomunda mumwo nkano va ka va kuli tsinzalo tsyomuyeke: lieta lilye nkano si lya twulidzwa imbiri wange.

Isaya 48:21

Si va lola buluhu lwa ya vimirira mu kyangalangwi; ya va twulidzira amadzi mu lwanda; yatannya lwanda, na amadzi ga bivuka.

Isaya 49:10

Si va la lola inzala kandi si va la va nobuluhu; kandi uluya kinga liuva si i la va samba: kigira uyu wa va vemrera a la vimirira, na a la va hila himbi visenukiru vyamadzi.

Isaya 55:1

O, mwinye sa mulala u veye nobuluhu, hambi ku madzi, na u veye bugira ifetha; hambi, mu gule, mu lie; yee, hambi, mu gule iwaini namaveere bugira ifetha, na bugira buguli.

Isaya 59:21

Mu makuva gange, lilagana lyange halala navo ni yili, Yahova a vola: Roho wange u veye ku ive, na makuva gange ga mbiki mu munwa gugwo, si ga la twula mu munwa gugwo mba, kinga mu munwa gwekisukululwi kikyo, kinga mu munwa gwevisoni vivyo, Yahova a vola, kutwula kalunu kuduka mihiga nemihiga.

Isaya 61:9

Na kisukululwi kyavo ki la manyekana mu tsihiri, na lwivulu lwavo lu la manyekana mu vetsihiri: vosi ava va lola va la va bugirira, kuva kisukululwi kya Yahova ya gasidza.

Isaya 65:23

Si va la kola miyinzi gya vutswa, kandi si va livulira kivi; kigira va veye kisukululwi kya uyu wa gasidzwa wa Yahova, na lwivulu lwavo halala navo.

Ezekieli 34:26

Na nda va kola, halala na hosi ha kumbiridza kigulu kyange kuva ubugasu; nda leta ulunyirira ku inyinga yalwo; lu la va ho tsinyirira tsyobugasu.

Ezekieli 36:27

Na nda vika Roho wange mu mwinye, na nda mu gendidza mu amalago gange, na mu la gumira miima gyange nokugyikola.

Ezekieli 39:29

kandi si nda visa mmoni mwange kuvo kandi mba; kigira mmali kutsuka Roho wange ku inyumba ya Israeli, Mwami Nyasaye a vola.

Ezekieli 47:8

Ma ya mbolera, Amadzi yaga aga twulanga kutsia ku luvega lwekivala kyevugwe, ga lika kutsia ku kyangalangwi; na ga la tsia ku luvega lwenyanza; ga twulanga ha zana ga la tsia mu inyanza; namadzi genyanza ga la honywa.

Hosea 10:12

Mwimidzere avene mbulungi, mu gese kuli tsimbabasi; mu lime mulimi gwenyu gu ta limangwa; kigira niyo inyinga yokwenya Yahova, a duke kukupidza ubulungi ku mwi nye.

Joeli 2:27

Na mu la manya inze mbeye hagati ha Israeli, kandi mbeye Yahova Nyasaye wenyu, na si ha veye nowundi; na avandu vange va la vula kuva netsisoni mihiga nemihiga.

Joeli 2:28

Na ga la va lwenyima, nda tsuka Roho wange ku avandu vosi; na avana venyu avayai navakana va la profeta, na avakulundu venyu va la lota maloto, na avasoleli venyu va la lola malola:

Joeli 3:1

Kigira, henza, mu madiku yago, na inyinga yeyo, lwa ndirannya lyadikidzwa lye Buyuda na lye Yerusalemi,

Joeli 3:18

Kunangwa mu madiku yago vigulu vi la tonyatonya iwaini inulu na tugulu tu la ganguluka amaveere, na migera gyosi gye Buyuda gyi lizula amadzi; na kisenukiru kya amadzi ki la senuka mu inyumba ya Yahova, na ki la sama mwivona lya Shitim.

Mika 5:7

Na avatigala va Yakobo va la va hagati ha avandu vanyingi kuli lime li twulanga ku Yahova, kuli lunyirira ku bunyasi, vi ta lindiriranga umundu, kinga kulindirira avana vavandu.

Zekaria 12:10

Na nda tsuka roho gwetsimbabasi na lisaala ku inyumba ya Daudi, noku vamenyi Yerusalemi; na va la lola inze wa va tumita; na va la mu syomera, kuli mundu a syomeranga mwana wewe muderwa, na va la va mu busaliri kigira uyu, kuli mundu a veye mu busaliri kigira wa tanga kwivulwa wewe.

Matayo 12:43

Navutswa roho mudamano, lwa gu mali kutwula ku mundu, gu genda ha ga ta li ho amadzi, gwenya ho kusosera, gu vula kunyola.

Vikolwa 10:45

Yava ava kevwa, ava suuvira, vosi avadza halala na Petro, va genya, kigira kihaanwa kya Roho Mutakatifu kya tsukwa ku vandu ve Tsihiri.

Vikolwa 2:17

Nyasaye a vola, ku madiku gekiheri, Nda tsuka Roho wange ku vandu vosi: Navayai navakana venyu va la profeta Navasoleii venyu va la lola malola Navasakulu venyu va la lota maloto:

Vikolwa 2:33

Kunangwa naye u mali kunenehidzwa kuduka ha mukono mulungi gwa Nyasaye, kandi u vuguye ku Dada lisuuviridza lya Roho Mutakatifu, u tsuki yiki kya mu lola nekya mu hulira.

Vikolwa 2:39

Kigira lisuuviridza yili li veye ku mwinye, noku vana venyu, noku vosi ava veye hale, ku vosi vo Mwami Nyasaye wetu a la langa vadze kuye.

Likunula 21:6

Kandi ya mbolera, Ga koleywi. Inze mbeye Alfa na Omega, litanga nekiheri. Inze nda ha wobuluhu kisenukiru kyamadzi gelivamwoyo, a nwe ku vutswa.

Likunula 22:17

Kandi Roho nomwiha va vola, Hamba. Kandi uyu u huliranga a vole, Hamba. Kandi uyu u veye nobuluhu yadze: kandi uyu wenyanga a vugule vutswa amadzi gelivamwoyo.