Isaya 44:2 - KITABU KITAKATIFU

² Yahova wa ku kola, nokukulomba kutwula munda, u li ku konya, a vola ndi: U ta tia, O Yakobo mutumekiri wange; na ive, Jeshurun, wa ntovoye.

Isaya 44:2 ပူးပေါင်းရင်းမြစ်များ

Zaburi 46:5

Nyasaye a veye hagati halyo; si li la dengeya mba: Nyasaye a la li konya, a la li konya ligali mabwebwe.

Zaburi 71:6

Nsingeridzeywi nive kutwula ku livulwa lyange; Ni ive wa ntwulidza mmunda mwa mama wange: Lidzominya lyange li la va ku ive kazozo.

Zaburi 95:6

Hambi, ku kole miluka nokwinama; Ku sigame imbiri wa Yahova wa ku lomba:

Isaya 27:11

Tsisya tsyalyo lwa tsyuma, tsi la vunanywa; avakali va ladza, nokutsyaakidza umuliru; kigira va veye avandu ava ta li nelimanya: kigira yaga uyu wa va lomba si a la va vererera mba, uyu wa va longa si a la va vanza mba.

Isaya 41:10

u ta tia mba, kigira mbeye halala na ive; u ta genya mba, kigira mbeye Nyasaye wowo; nda ku vika tsingulu; yee, nda ku konya; yee, nda ku gu mira nomukono mulungi gwobulungi bwange.

Isaya 41:14

U ta tia mba, ive ing'ende Yakobo, na mwinye avandu va Israeli; nda ku konya, Yahova a vola, na Muhonnyi wowo ni uyu Mutakatifu wa Israeli.

Isaya 41:8

Navutswa ive, Israeli, mutumekiri wange, Yakobo wa ntovoye kisukululwi kya Abrahamu mulina wange,

Isaya 43:1

Navutswa kalunu Yahova wa ku lomba, ive Yakobo, naye wa ku longa, ive Israeli, a vola ndi: U ta tia mba, kigira mmali kukutungira; nku langi nelieta lilyo, u veye wange.

Isaya 43:21

avandu va ndelombera inze mwe ne, va duke kulandidza lidzominywa lyange.

Isaya 43:5

U ta tia mba; kigira inze mbeye halala nive: nda leta kisukululwi kikyo ki twule ivugwe, na nda ku vungidza kutwula madioli;

Isaya 43:7

sa mulala ava langwa ku lieta lyange, wa nda lombera ubukumi bwange, wa nda mu lomba, yee, wa nda mu kola.

Isaya 44:21

Widzulitse vindu yivi, O Yakobo, na Israeli; kigira u veye mutumekiri wange: inze nda ku lomba; ive u veye mutumekiri wange: O Israeli, si ndivirira ive mba.

Isaya 44:24

Yahova Mutungiri wowo, wa ku lomba kutwula munda, a vola ndi: Inze mbeye Yahova, u lombanga vindu vyosi; u vagalanga ligulu, inze tsyeng'ine u vambulanga lirova (ni bwaha u veye halala na inze?);

Isaya 45:11

Yahova, Mutakatifu wa Israeli, na Mulombi wewe, a vola ndi: U nteve ku vindu vidzanga; ku vindu vyavana vange, noku miyinzi gyamakono gange, mu ndage.

Isaya 49:1

Mu hulire inze, mwinye visulu na mwinye avandu, mu tegidze amatu mu hulire, mwinye ava veye ihale: Yahova u nangi kutwula munda; kutwula munda mwa mama wange u tali lieta lyange:

Isaya 49:5

Na kalunu Yahova wa nomba mmunda nduke kuva mutumekiri wewe, kuleta Yakobo yirane kuye kandi, na kandi Israeli a vungidzwe kuye (kigira mbeye nelidzominywa imbiri wetsimoni tsya Yahova, na Nyasaye wange u gwiye tsingulu tsyange);

Jeremia 1:5

Kutwula ni nkikiri kukulomba munda nda ku manya, kandi nu u kikiri kutwula munda nda ku takasa; nda ku vika u ve mprofeti kuprofetera avetsihiri.

Jeremia 30:10

Kunangwa kigira yaga u ta tia mba, ive mutumekiri wange Yakobo, Yahova a vola; kinga ive Israeli, u ta timuka enkoio: kigira, henza, nda ku honnya kutwula ihale, na kisukululwi kikyo ki twule mu kivala kyelyadikidzwa lyavo; Yakobo a lirana, na a la sosa, nokwelemeridza, kandi si ha la va nowokumutihidza.

Luka 12:32

Mu ta tia, mwinye kyayo kikekeke; kigira Dada wenyu a yanza kumuha ubwami.

Varumi 8:30

Kandi yava ava yaahla ya va langa: kandi ava ya langa, ya va ha ubulungi: kandi ava ya ha ubulungi, ya va ha ubukumi kandi.

Vafeso 1:4

kuli wa ya ku tovola muye inyinga lirova li kikiri kulombwa muse, kwinye ku ve avatakatifu ava ta li nekindu kuvo imbiri wewe mu buyanzi.

Kwidzulitsa 32:15

Navutswa Jeshurun ya komera, na a kupa luvasi: U gwiye munetu, nokugwa mukomeru nomunifu, na wa terereka; Ma ya leka Nyasaye wa mu lomba Na ya lega Lwanda lwobuhonywi bwibwe.

Kwidzulitsa 33:26

Si ha veye nofwanana na Nyasaye, O Jeshurun, Udzanga u nini igulu migulu ku likonywa lilyo, Noku malesi mu ubukumi bwibwe.

Kwidzulitsa 33:5

Ya li mwami mu Jeshurun, Inyinga mitwe gyavandu va vugani Tishiri tsyosi tsya Israeli halala.

1 Vatesalonike 1:4

Kigira, mwinye ava mitu avayanze va Nyasaye, ku manya litovolwa lyenyu,

Vahebraina 4:16

Kunangwa kwisunde himbi ku intebe yetsimbabasi nobuluviriri, ku duke kuvugula liverererwa nokunyola tsimbabasi tsyokukukonya mu inyinga i li duka.