Isaya 43:3 - KITABU KITAKATIFU

³ Kigira inze mbeye Yahova Nyasaye wowo, Mutakatifu wa Israeli, Muhonnyi wowo; mmali kuhaana Egepeti kuva umutungu gugwo, mbaani Ethiopia na Seba kigira ive.

Isaya 43:3 ပူးပေါင်းရင်းမြစ်များ

Litanga 10:7

Na avana va Kush: Seba, na Havila, na Sabita, na Raama, na Sabiteka; na avana va Raama: Sheba, na Dedan.

Zaburi 72:10

Avami va Tarshishi na avevisulu va la leta ubusutu: Avami va Sheba na Seba va la leta vihaanwa.

Kutwula 10:7

Na avatumekiri va Farao va mu volera, Mundu uyu a la va mutego ku kwinye kuduka inyinga ki? U lakule avandu va tsie, va tumekire Yahova Nyasaye wavo: u kikiri kumanya Egepeti kyoneki?

Kutwula 20:2

Inze mbeye Yahova Nyasaye wowo, wa ku twulidza mu kivala kya Egepeti, mu inyumba yobutugwa.

Tsing'ano 11:8

Wobulungi a honnyangwa mu kivi, Na umudamano a duka mu ubugono bwibwe.

Tsing'ano 21:18

Mudamano a veye mutungu gwomulungi; Na uyu muzami a ladza mu bugono bwomulungi.

Isaya 19:20

Na gu la va kilolekidzu nekyokumanyira gu vuula Yahova wa mahe mu kivala kya Egepeti; kigira va lanira Yahova ki gira yavo ava va dambidzanga, naye a la leta kuvo muhonnyi, nokuvasola, na a la va honnya.

Isaya 20:3

Na Yahova ya vola, kuli mutumwa wange Isaya ya genda kyahonyo ne virenge vyere mihiga gyivaka kuva kilolekidzu nekyokugenya ku Egepeti na ku Ethiopia;

Isaya 30:11

mu twule ku inzira, mu girunkane mu twule ku katsira, mu heridze Uyu Mutakatifu wa Israeli, a vule kuva imbiri wetu.

Isaya 41:14

U ta tia mba, ive ing'ende Yakobo, na mwinye avandu va Israeli; nda ku konya, Yahova a vola, na Muhonnyi wowo ni uyu Mutakatifu wa Israeli.

Isaya 42:8

Inze mbeye Yahova, yili ni lieta lyange; ubukumi bwange si nda ha wundi mba, kandi si nda ha vifwananyi vya vadzwa lidzominywa lyange mba.

Isaya 43:11

Inze, yee, inze mbeye Yahova; na a ta li inze si ha veye nomuhonnyi.

Isaya 45:14

Yahova a vola yaga, Linyankana lyemiyinzi gya Egepeti, nevindu vyamaguli vya Ethiopia, na Vasabea, avandu va veye avatambi, va ladza ku ive, va la va avandu vovo: va la londa ive; va ladza ku ive neminyororo gyavo: va la gwa hasi imbiri wowo, va la ku saala, ni va vola, Ligali Nyasaye a veye hagati hoho; si ha veye nowundi, si ha veve na Nyasaye wundi.

Isaya 45:15

Ligali ive u veye Nyasaye wivisanga mwene, O Nyasaye wa Israeli, Muhonyi.

Isaya 45:21

Mwilwadze, mu lete makuva, yee va kole makuva halala; ni bwaha wa vuula likuva yili kutwula ku matsya mbiri? Ni bwaha yilwadza likuva yili kale? Si a veye inze, Yahova wa kola? Kandi si ha veye na Nyasaye wundi na a ta li inze, Nyasaye wobulungi, no Muhonnyi; si ha veye nowundi.

Isaya 49:26

Na ava dambidzanga ive nda va lihidza inyama yavo avene; na va la hambika kulinwa lyamasahi gavo avene, kuli iwaini inulu: na avemibiri vosi va la manya inze, Yahova, mbeye Mukonyi wowo, Mutungiri wowo, Wanyala Vyosi wa Yakobo.

Isaya 60:16

U la nuna amaveere gavetsihiri, na u la nuna tsimbeere tsyavami; na u la manya inze, Yahova, mbeye Muhonnyi wowo, Mutungiri wowo, Wanyala Vyosi wa Yakobo.

Isaya 63:8

Kigira ya vola, Ligali, va veye avandu vange, avana ava li vula kukola nobugadi: kunangwa ya li Muhonnyi wavo.

Jeremia 14:8

O ive u veye kisuuviri kya Israeli Muhonnyi wewe inyinga yekivi, kigira ki ive u veye kuli mugeni mu kivala, kuli mundu u samulanga, yeveta a nyole hokugona ubudiku?

Jeremia 16:21

Kigira yaga, henza, nda va kola va manye, inyinga indala yiyi nda va mannya mukono gwange kuli gu veye, nobunyali bwange; navo va la manya lieta lyange li veye Yahova.

Ezekieli 39:7

Na nda mannya lieta lyange litakatifu mu avandu vange Israeli; kandi si nda bugirira lieta lyange litakatifu lyononnywe kandi mba: na tsihiri tsi la manya inze mbeye Yahova, Mutakatifu wa Israeli.

Hosea 13:4

Navutswa inze mbeye Yahova Nyasaye wowo kutwula ku kivala kya Egepeti; na ive u la vula kumanya Nyasaye wundi kali mulala na a ta li inze, si ha veye nomuhonnyi wundi u meda ku inze.

Kyavalevi 11:44

Kigira inze mbeye Yahova Nyasaye wenyu: kunangwa mwetakase avene, na mu ve avatakatifu; kigira inze mbeye mutakatifu: kandi mu teyononya mwinye avene nekindu ki molanga ku tsingano tsyosi ki molanga ku lirova.

Amosi 9:7

Mwinye si mu veye ku inze kuli avana va Vaethiopia, mwinve avana va Israeli? Yahova a vola. Inze si nda leta Israeli kutwula mu kivala kya Egepeti, na Vafilisiti va twule Kafitori, na Vasiria va twule Kiri?

Zekaria 9:9

U sangale ligali, O mukana wa Zioni; u kupe isango, O mukana wa Yerusalemi: henza, Mwami wowo yadza ku ive; wobulungi, a veye nobuhonnyi; muhooma, na a nina ku isukiri, m)ku kimoli mwana wesukiri

Yudasi 1:25

ku uyu a veye Nyasaye yeng'ine Muhonnyi wetu, kigira Yesu Kristo Mwami wetu, vi ve kuye ubukumi nobunyali netsingulu nelinyala imbiri wetsinyinga tsyosi, kandi kalunu, kandi kuduka imihiga nemihiga. Amini.