Isaya 43:23 - KITABU KITAKATIFU

²³ U vuli kundetera magondi kuva vihaanwa vyokusambwa; kandi u vuli kunzidzominya nevihaanwa vivyo. Inze si nku niga kuntumekira nevihaanwa vivyo, kandi si nku luhidza nevimuli.

Isaya 43:23 ပူးပေါင်းရင်းမြစ်များ

Nehemia 13:10

Na nda manya Valevi si va hebwa vidieli vyavo; na kigira yaga Valevi, navokwimba, ava kola mi yinzi, va li ni viruki sa mulala kutsia ku mulimi gwigwe.

Kutwula 30:34

Kandi Yahova ya volera Musa, U vugule vifunyanga mwayu vilahi, isitakite, na lyonoka, na igalibane; vifunya mwayu vilahi halala na kimuli: ku yivi vyosi sa kilala u la vugula klgero kilala;

Tsing'ano 15:8

Kihaanwa kyomudamano ki veye ubuvihiriridzi ku Yahova; Navutswa lisaala lyavalungi li veye ubuyanzi bwibwe.

Tsing'ano 21:27

Kihaanwa kyomudamano ki veye livihiriridza: Nasindi, lwa a ki letanga nomwoyo mudamano

Tsing'ano 3:9

U he Yahova lidzominywa nevi ndu vivyo, Nobuhya bwelimedeka lilyo lyosi:

Isaya 66:3

Uyu wiita ing'ombe a veye kuli wiiti mundu; uyu u haana kihaanwa kyeligondi a veye kuli uvunannya ligoti lyembwa; na uyu u haananga kihaanwa kyokunwa, a veye kuli u haananga masahi gempidzi na u vuyidzanga kimuli, a veye kuli u gasidzanga kifwananyi. Yee, va tovoye tsinzira tsyavo avene, na mwoyo gwavo gu sangalira livihiridza lyavo:

Jeremia 7:21

Yahova wa mahe, Nyasaye wa Israeli, a vola ndi; Mu tsugannye vihaanwa venyu vyokusambwa, halala nevisyuviriru vyenyu, mu lie inyama.

Jeremia 7:22

Kigira si nda volera vaguga venyu ku lidiku lya nda va leta kutwula mu kivala kya Egepeti, kinga kuvalaga ku makuva gevihaanwa vyokusa mbwa nevisyuviriru:

Kyavalevi 2:1

Mundu ku mwinye vosi lwa a letera Yahova kihaanwa kyobusie, kihaanwa kikye ki la va kyobusie bunyuki, naye a la tsuka kubwo maguta, nokuvika kubwo kimuli:

Kyavalevi 24:7

Na u la vika ku kimuli kyere ku luvaso sa lulala, ki ve ku ubukima kyokwidzulitsa, kihaanwa ki haanirwa nomuliru ku Yahova.

Amosi 5:25

Mwa ndetera vihaanwa nevisyuviriru mwigendanyama mihiga makumi gane, mwinye avenyumba ya Israeli?

Mika 6:3

O avandu vange, mmu koleye ki? Mmu luhidzi mu kindu ki? Mu lolekidze ku inze.

Malaki 3:8

Mundu a liba vya Nyasaye? Navutswa mwinye mwibanga vindu vyange. Navutswa mu vola, Kwibanga ndi vindu vivyo? Ga veye ku zaka na tsisadaka.

Matayo 11:30

Kigira inira yange ni indahi, nomusigo gwange nu mwangu.