Isaya 43:20 - KITABU KITAKATIFU

²⁰ Tsinyama tsyombulimu tsi la kuminya inze, vibwe na maudo; kigira mbaana amadzi mmigendanyama, na migera mu kyangalangwi, kuha avandu vange linwa, avatovole vange,

Isaya 43:20 ပူးပေါင်းရင်းမြစ်များ

1 Kyetsinyinga 16:13

O mwinye avolwivulo lwa Israeli mutumekiri wewe Mwinye avana va Yakobo, ava tovole veve.

Zaburi 104:21

Avana ve ving'ang'a va fuumanga ku likayirwa vyokuhimwa vyavo, Navyo vyenyera vyokulia vyavo ku Nyasaye.

Zaburi 148:10

Tsinyama ne imitugu gyosi; Vimolanga na manyonyi ga bulukanga;

Zaburi 33:12

I veye nobugasu ihiri ya Yahova a veye Nyasaye wayo, Avandu ava ya tovola kuva miyandu gyigye mwene.

Isaya 13:22

Visalong'ongo vi la lokera mu tsimpinga tsyavo, nevibwe mu tsinyumba tsyavo tsyobukumi tsyokuyanzidza: netsinyinga tsyalyo tsi veye himbi kuduka, na madiku galyo si ga la medwa livalidzwa.

Isaya 30:25

Na mu viguhl vitambi sa kilala, na mu tugulu twiginga, migera notugera twamadzi twi la va ho, mu lidiku yilyo lyeliitwa linene, lwa minara gyi la gwa.

Isaya 32:2

Na mundu a la va kuli hokwivisa ku mbuudza, na hoku kunika ku kihi; kuli migera gya madzi mu ahumu, kuli kiriri kyolwanda mu kivala kyeliluha.

Isaya 33:21

Navutswa Yahova a la va halala nekwinye mu ubukumi bwibwe, ha zana ha veye nemigera migalamu notugera, si gyi la va mu nobwato bwevivango, kali kilala, kandi si ha la va nobwato bunene.

Isaya 35:7

Na muyeke gweluhya gu la gwa lidavalia, namarova gobuluhu ga la gwa visenukiru vyamadzi; mu bumenyo bwevibwe, ha vi gonanga, ha la va nobunyasi halala nommberani, nelihunzu.

Isaya 41:17

Avadaka navadambi venyanga madzi, na fii ga veye ho, na tsinimi tsyavo tsyumanga kigira buluhu; Inze, Yahova, nda va tivulira, inze Nyasaye wa Israeli, si nda va leka mba.

Isaya 41:18

Inze nda kunula migera gyamadzi hosi hadiguluku ha veye halavu, na visenukiru hagati ha mavona; kyangalangwi nda ki kola lidavalia lyamadzi, nekivala kyumu nda ki kola visenukiru vyamadzi.

Isaya 43:19

Henza, nda kola kindu kihya; ki la sebuka kalunu ndi; mwinye si mu la ki manya? Nda lomba inzira mu kyanga langwi, na migera migendanyama.

Isaya 48:21

Si va lola buluhu lwa ya vimirira mu kyangalangwi; ya va twulidzira amadzi mu lwanda; yatannya lwanda, na amadzi ga bivuka.

Isaya 49:10

Si va la lola inzala kandi si va la va nobuluhu; kandi uluya kinga liuva si i la va samba: kigira uyu wa va vemrera a la vimirira, na a la va hila himbi visenukiru vyamadzi.

Isaya 65:15

Mu la leka lieta lyenyu kuva kilaamo ku vatovole vange; Mwami Nyasaye a liita ive; na a la gulika avatumekiri veve lieta lindi:

Jeremia 31:9

Va ladza nelilira; na nda vimirira nelisaala: nda va gendidza himbi nemigera gyamadzi, ku inzira inungi ya va la vula kwikigitala ku; kigira inze mbeye dada wa Israeli, na Efiraim a veye wokutanga kwivulwa wange.

Joeli 3:18

Kunangwa mu madiku yago vigulu vi la tonyatonya iwaini inulu na tugulu tu la ganguluka amaveere, na migera gyosi gye Buyuda gyi lizula amadzi; na kisenukiru kya amadzi ki la senuka mu inyumba ya Yahova, na ki la sama mwivona lya Shitim.

Marko 13:20

Kandi Mwami a vula kwimbihidzi madiku yago, nkano si ha li nomundu u nyala kuhonnywa; navutswa wimbihidza madiku yago kigira avatovole va ya tovola.

Yohana 4:10

Yesu ya tivula na a mu volera, Ive nu u manya kihaanwa kya Nya saye, kandi ni bwaha u ku volera Mpe, kunwa; nkano wa ka mu teva naye nkano ya ka ku ha amadzi agelivamwoyo.

Yohana 4:14

navutswa ku vosi u nwa ku madzi ga ndi mu ha si a li lola ubu luhu kandi; navutswa amadzi ga ndi mu ha ga la va muye kidaho kya madzi ga senuka livamwoyo li ta hera mba.

1 Petro 2:9

Navutswa mwinye mu veye likula li tovoleywi ubusalisi bwobwami, ihiri intakatifu, avandu va veye ava Nyasaye mwene mu duke kulang'aminya ubulahi bwibwe, uyu wa mu langa mu twule mu kisundi mu duke mu bulavu bwibwe obweligenya:

Likunula 17:14

Yava va la kolera Mwana Weligondi ubulwani, kandi Mwana Weligondi a la va guuta, kigira a veye Munene wavanene kandi Mwami wavami; kandi ava veye halala naye, ava langwa, navatovole, navasuuvirilu.

Likunula 21:6

Kandi ya mbolera, Ga koleywi. Inze mbeye Alfa na Omega, litanga nekiheri. Inze nda ha wobuluhu kisenukiru kyamadzi gelivamwoyo, a nwe ku vutswa.

Likunula 22:17

Kandi Roho nomwiha va vola, Hamba. Kandi uyu u huliranga a vole, Hamba. Kandi uyu u veye nobuluhu yadze: kandi uyu wenyanga a vugule vutswa amadzi gelivamwoyo.