Isaya 43:13 - KITABU KITAKATIFU

¹³ Yee kutwula ku lidiku lya li ho, inze niye, na si ha veye na u nyala kuhonnya ku mukono gwange: inze nda kola miyinzi, ni bwaha u nyala kugyigalira?

Isaya 43:13 ပူးပေါင်းရင်းမြစ်များ

Ayubu 10:7

Kali nu u manyi inze si mbeye mudamano, Kandi si ha veye u nyala kuhona ku mukono gugwo?

Ayubu 34:29

Lwa a leta mirembe, ni bwaha a nyala kulola kuye ubudamano? Na lwa a visanga mmoni mwimwe ni bwaha u nyala kumulola? Na a va na ga lomberwa ihiri, kinga umundu, ga leng'ana:

Ayubu 9:12

Henza, u gumiye vilanye, ni bwaha u nyala kumugayidza? Ni bwaha u nyala kumuteva, U kolanga ki, ive?

Zaburi 102:28

Avana va avatumekiri vovo va la hindira, Na visukululwi vyavo vi la dinyiridzwa imbiri wowo.

Zaburi 50:22

Kalunu mu ganagane yiki, mwinye aviviriranga Nyasaye Gase nda mu donyannya, na a vule wokuhonnya:

Zaburi 90:2

Lwa vigulu vi kikiri kulombwa, Kinga lwa u kikiri kulomba lirova na vyomulirova Kutwula mihiga nemihiga, kuduka mihiga nemihiga, ive u veye Nyasaye.

Zaburi 93:2

Intebe yoyo yobwami i singeridzeywi kutwula kale: Ive u veye ho mihiga nemihiga.

Tsing'ano 21:30

Si ha veye nobugeeri, kinga limanya, Kinga makuva ga nyala kusingira ku Yahova.

Tsing'ano 8:23

Inze nda singeridzwa kale, mu litanga, Lwa lirova li kikiri kuva ho.

Isaya 14:27

Kigira Yahova wa mahe wa saavira, nibwaha u la kola ga vule kuva? Nomukono gwigwe gwa nyirwa, nibwaha u girunkannya gwirane?

Isaya 41:4

Ni bwaha wa kola nokulomba inkuva yiyi, u langanga visukululwi kutwula mu litanga? Inze, Yahova, welitanga, nowekiheri, inze niye.

Isaya 46:10

u lolekidzanga kiheri kutwula ku litanga, kandi kutwula ku matsyambiri nda vuula vindu vi kikiri kukolwa; ni mbola, Makuva gange ga la singira, na nda kola vyosi vya nyanzanga;

Isaya 46:4

kali kuduka busakulu bwenyu inze niye, kali kuduka inyinga ye tsimbudzi nda mu ginga: inze nda lomba, na nda ginga; yee, nda vugula mwinye, nokumuhonnya.

Isaya 47:15

Ni ndiyo vindu yivi vya wa nya nkana ku vi la va ku ive: na ava gulana nive kutwula busoleli bubwo va la gotera sa mulala ku luvega lwi lwe, si ha la va nomundu kukuhonnya.

Isaya 48:16

Mwisunde himbi ku inze, mu hulire likuva yili; kutwula mu litanga si nda vola mu liviswa; kutwula inyinga ya li ho, inze nda li ho: na kalunu Yahova Nyasaye u ntumi, na Roho wewe.

Isaya 57:15

Kigira Mulala u veye igulu ligali wa nenehidzwa u menya nga mu mihiga nemihiga, welieta lilye li veye Litakatifu, a vola: Inze menya hadiguluku na hatakatifu, halala na uyu u veye na roho gwokweganira nokwegehidza, nduke kusimugukidza roho gwa vegehidzi, nokusimugukidza myoyo gya yavo aveganiranga.

Danyeli 4:35

na avandu vosi velirova va voleywi si va veye kindu; kandi a kolanga kuli ubulaliri bwibwe ku amahe gomigulu, kandi mu avamenya mu lirova; na si ha li noyu u nyala kugaya mukono gwigwe, kinga kumuteva, U kola ki?

Hosea 2:10

Na kalunu nda lang'aminya vyetsisoni tsitsye imbiri we tsimoni tsyavayanze veve, na si ha la va na u nyala kumuhonnya ku mukono gwange.

Hosea 5:14

Kigira nda va kuli king'ang'a ku Efiraim, na kuli king'ang'a kisoleli ku inyumba ya Yuda: inze, yee, inze mwene nda tandula na nda tsia; nda hila ihale, na si ha veye no nyaia kuhonnya.

Mika 5:2

Navutswa ive, Beth-lehemu Efaratha, u veye mukekeke mu tsielfu tsya Yuda, mulala a la twula ku ive a ladza ku inze u li duka kuva welyameha mu Israeli; litwula lilye ni lya kale, kutwula mihiga nemihiga.

Habakuk 1:12

Ive si u veye wemihiga nemihiga, O Yahova Nyasaye wange, Mutakatifu wange? Kwinye si ku la kudza mba. O Yahova, wa vika uyu kuva welikalagwa; na ive, O Lwanda, wa mu singeridza a duke kulungekidza.

Livalidza 23:20

Henza, mbebeywi lilaga ngasidze: Na uyu u gasidzi, na inze si nyala kwiranya.

Yohana 8:58

Yesu ya va volera, Ligali, ligali, mmu volera, Abrahamu na a tivulwa, inze mbeye.

Vafeso 1:11

Wa kwinye kandi kwa kolwa ku K miyandu gyigye, kigira kwa tanga kutovolwa kuli ubulaliri bwibwe wa kola vindu vyosi kuli ubulaliri bwibwe;

Kwidzulitsa 28:31

Ing'ombe yoyo i liitirwa imbiri wetsimoni tsitsyo, u la vula kulia inyama yayo: u la nyagwa isukiri yoyo netsingulu imbiri wommoni mumwo, u la vula kwiranyirwa: amagondi gogo, musigu wowo a la hebwa, u la vula kunyola mundu wokukuhonnya.

Kwidzulitsa 32:39

Henzi kalunu, Inze, ligali mbeye lye, Si ha veye nomunyasaye halala ninze: Nziitanga nokusimugukidza; Nzatanga lugoma, nokuhonnya; Na si ha veye nowundi u nyala kuhonnya mmukono gwange.

1 Timoteo 1:17

Kalunu ku Mwami u ta hera mba, kandi u toneka, kandi u ta lolekanga, u veye Nyasaye mulala yeng'ine, lidzominywa nobukumi bu ve kuve mihiga nemihiga Amini.

Vahebraina 13:8

Yesu Kristo a veye lero nolwave, yee, kuduka mihiga nemihiga, mulala mwere.

Joshua 2:2

Nomwami wa Yeriko y a volerwa, kuvola, Henza, avasatsa vavana va Israeli vingiye hano budiku bwa lero kuluta kivala.

Likunula 1:8

Inze mbeye Alfa na Omega Mwami Nyasaye a vola, u veye ho, nowa li ho, nu udzanga, Wanyala Vyosi.