Isaya 43:10 - KITABU KITAKATIFU

¹⁰ Mwinye mu yeye avaloli vange, Yahova a vola, mutumekiri wange wa nda tovola; mu duke kumanya nokusuuvira inze, nokumanya inze niye: imbiri ku inze Nyasaye si a lombwa yo mba, kandi inyima ku inze si a la va yo wundi mba.

Isaya 43:10 ပူးပေါင်းရင်းမြစ်များ

Zaburi 102:27

Navutswa ive u veye mulala mwere Na mihiga gyigyo si gyi veye nekiheri mba.

Kutwula 8:6

Na Haruni ya nyira mukono gwigwe ku amadzi ga Egepeti; na makere ga senuka, na ga kunika kivava kya Egepeti.

Isaya 41:20

va duke kulola, noku manya, nokuganagana nokwidzulitsa halala, mukono gwa Yahova gwa lomba inkuva yiyi, na Mutakatifu wa Israeli ya gi lomba.

Isaya 41:4

Ni bwaha wa kola nokulomba inkuva yiyi, u langanga visukululwi kutwula mu litanga? Inze, Yahova, welitanga, nowekiheri, inze niye.

Isaya 41:8

Navutswa ive, Israeli, mutumekiri wange, Yakobo wa ntovoye kisukululwi kya Abrahamu mulina wange,

Isaya 42:1

Henza, mutumwa wange, wa ndiranga; mutovole wange, womwoyo gwange gu sangalira muye: nda vika kuye Roho wange; naye a la letera Avetsihiri likalaga.

Isaya 43:12

Inze mmali kulandidza makuva, mmali kuhonnya, mmali kuvuula; si ha li nomunyasave mugeni hagati henyu: kigira yaga mwinye mu veye avelolekidzi vange, Yahova a vola, na inze mbeye Nyasaye.

Isaya 45:5

Inze mbeye Yahova, si ha veye nowundi; si ha veye na Nyasaye wundi bugira inze. Nda boha kikenge kikyo, kali na u vuli kumanya inze;

Isaya 45:6

va duke kumanya kutwula ku litwula lyeliuva, nokutwula madioli, si ha veye nowundi na a ta li inze; inze mbeye Yahova, si ha veye nowundi.

Isaya 48:12

Hulira inze, O Yakobo, na Israeli mulangwa wange: inze niye; inze mbeye wokutanga, kandi mbeye wekiheri.

Isaya 49:23

Avami va la va avadada vovo avaleri, na avakaye vovo va la va avamama vovo avaleri: na va linamira imbiri wowo nokuhenzidza tsimoni tsyavo hasi, nokumena lugukyi lwevirenge vivyo; na ive u la manya inze mbeye Yahova, na yavo ava lindiriranga inze va la vula kuva isoni.

Isaya 55:4

Henza, mali kumuhaana a ve muloli imbiri wavandu, mwimiriri nomunene wavandu.

Haggai 2:23

Mu lidiku yilyo Yahova wa mahe a vola, nda vuguia ive, O Zerubabeli, mutumekiri wange, mwana wa Shealitieli, Yahova a vola, nda kola ive kuli imingiri yomuhuri; kigira ntovoye ive, Yahova wa mahe a vola.

Yohana 15:27

kandi mwinye mu la lolekidza, kigira mwinye mwa li halala ninze kutwula mu litanga.

Yohana 20:31

navutswa yivi vi ng'odwa mu duke kusuuvira Yesu a veye Kristo, Mwana wa Nyasaye; kandi ku lisuuvira lyenyu mu ve nelivamwoyo mu lieta lilye.

Vikolwa 1:8

Navutswa mwinye mu la nyola tsingulu lwa Roho Mutakatifu a lidza ku mwinye: mu la va avalolekidzi vange mu Yerusalemi, kandi mu Buyuda bwosi kandi mu Samaria, kandi kuduka ku kiheri kyelirova.

1 Vakorintho 15:15

Kandi kwinye ku loleywi kuva avaloli vobubehi va Nyasaye; kigira kwa lolekidza ku Nyasaye ya simugukidza Kristo wa ya vula kusimugukidza, avakudzu ni va va ni va vula kusimugukidzwa.

Kwidzulitsa 32:39

Henzi kalunu, Inze, ligali mbeye lye, Si ha veye nomunyasaye halala ninze: Nziitanga nokusimugukidza; Nzatanga lugoma, nokuhonnya; Na si ha veye nowundi u nyala kuhonnya mmukono gwange.

Kwidzulitsa 4:35

Ga lang'aminywa ku ive, u duke kumanya Yahova niye Nyasaye; si ha veye nowundi na a ta li uyu.

Kwidzulitsa 4:39

Kunangwa u manye lero, na u vike mmwoyo gugwo Yahova a veye Nyasaye migulu nomu lirova hasi; si ha veye nowundi.

Vafilipi 2:7

navutswa mwene yenavula, na a vugula lugano lwomu tugwa, na a gwa kuli lifwanana lyomundu;

Vakolosai 1:7

kuli wa mwega ku Epafara wakye wetu muyanze, u veye mutumwa wa Kristo musuuvirifu mu bugono bwetu,

Likunula 1:2

wa lolekidza likuva lya Nyasaye, nelilolekidza lya Yesu Kristo, vindu vyosi vya ya lola.

Likunula 1:5

kandi gyi twulanga ku Yesu Kristo, u veye muloli musuuvirifu, nowa tanga kwivulwa wavakudzu, nomunene wavami velirova. Kuye u ku yanzanga, kandi ya ku boholola namasahi gege kutwula mu bwoni bwetu,

Likunula 3:14

Kandi u ng'odere ingelosi welivugana li veye mu Laodikia. Yivi nivyo vya u veye Amini, mulolekidzi musuuvirifu noweligali, mutangi welilomba lya Nyasaye, a volanga