Isaya 42:5 - KITABU KITAKATIFU

⁵ Nyasaye Yahova a vola, uyu wa lomba ligulu, nokulivagala; uyu wa vambula lirova na vyosi vi twulanga mulyo; uyu u haananga mwika ku avandu vosi va veye kulyo, nokuhaana roho kuvo ava gendanga kulyo:

Isaya 42:5 ပူးပေါင်းရင်းမြစ်များ

Litanga 1:1

Mu litanga Nyasaye ya lomba migulu nelirova.

Litanga 2:7

Na Yahova Nyasaye ya lomba mundu nolugukyi lwamarova, na a huudza mmolu gege mwika gwelivamwoyo: na mundu ya gwa mwoyo gwelivamwoyo.

Ayubu 12:10

Welivamwoyo lya vyosi vi veye mwoyo li veye mmukono gwigwe, Na myika gyavandu vosi?

Ayubu 27:3

(Kigira livamwoyo lyange li kikiri ligima mu inze, Na mwika gwa Nyasaye gu veye mu amolo gange);

Ayubu 33:4

Roho wa Nyasaye u nombi, Na mwika gwa Wanyala Vyosi gu mbedzanga livamwoyo.

Ayubu 34:14

Na a va ni ya vika mwoyo gwigwe ku vandu, Na a va ni yevungidzira mwene roho wewe nomwika gwigwe;

Zaburi 136:6

Ku uyu wa vika lirova igulu wa amadzi; Kigira tsimbabasi tsitsye tsi veye ho mihiga nemihiga:

Zaburi 33:6

Ligulu lya lombwa nelikuva lya Yahova, Na lihe lyalyo lyosi lya lombwa nomwika gwomunwa gwigwe.

Zaburi 96:5

Kigira avanyasaye vosi va vetsihiri va veye vifwananyi vutswa; Navutswa Yahova ya lomba ligulu.

Isaya 37:16

O Yahova wa mahe, Nyasaye wa Israeli, wikaye hagati ha vakerubi, ive u veye Nyasaye, ive weng'ine, mu bwami bwosi bwelirova; ive wa lomba ligulu nelirova.

Isaya 40:12

Ni bwaha u geri amadzi ku luhe lwomukono gwigwe, nokugera ligulu neligera lyokutwula ku kidete kinene kuduka kyanyasi, nokumanya liduka lyolugukyi lwelirova mu kigero, nokugera vigulu ku tsiratili, notugulu ku tsiratili tsyokusung'anana?

Isaya 40:22

Niye wikalanga ku ingida yelirova, na avamenyanga mulyo va veye kuli visilili; uyu u vagalanga ligulu kuli ingubo yokukinga, nokulivambula kuli lihema lyokumenya mu;

Isaya 40:26

Mu ginge tsimoni tsyenyu mu henze igulu, mu lole ni bwaha wa vi lomba, uyu u letanga lihe lyavo nelivalidza; a langanga lyosi ameta gavo; nobunene bwobunyali bwibwe, kandi kigira a veye wanyala mu tsingulu, si ha veye nekilala ki vula kuva ho.

Isaya 40:28

U kikiri kumanya? U kikiri kuhulira? Nyasaye wemihiga nemihiga, Yahova, Mulombi wetsintulu tsyelirova, si a kudzanga mwoyo, kandi si a luhanga; limanya lilye si liderangwa.

Isaya 44:24

Yahova Mutungiri wowo, wa ku lomba kutwula munda, a vola ndi: Inze mbeye Yahova, u lombanga vindu vyosi; u vagalanga ligulu, inze tsyeng'ine u vambulanga lirova (ni bwaha u veye halala na inze?);

Isaya 45:12

Nda lomba lirova, nokulomba mundu kulyo: inze, yee, makono gange gaali ligulu; namahe galyo gosi ndagi.

Isaya 45:18

Kigira Yahova wa lomba ligulu Nyasaye, wa longa lirova nokulikola wa li dinyeridza, ya li lomba li vule kuva lyere, ya li longa avandu va menye ku: uyu a vola ndi, Inze mbeye Yahova; si ha veye nowundi.

Isaya 48:13

Yee, mukono gwange gu temi umuse gwelirova, kandi mukono gwange mulungi gu vagaye mwigulu: lwa mbi langa, vi singira halala.

Isaya 57:16

Kigira si nda hangala madiku gosi, kinga kuva nobutima madiku gosi; kigira nkano roho gwa ka kudza imbiri wange, na myoyo gya nombi.

Jeremia 10:12

Uyu ya lomba kivala nobunyali bwibwe, ya dinyeridza lirova nobugeeri bwibwe, na ya vambula ligulu nelimanya lilye.

Jeremia 27:5

Inze nda lomba lirova, navandu netsinyama tsi veye mmoni mwelirova, netsingulu tsyange tsinene nomukono gwange gwa nyirwa; na nda ha yavo ava nda lola bulahi kuvaha.

Jeremia 32:17

O Mwami Yahova henza, ive u lombi ligulu nelirova nobunyali bubwo bunene nomukono gugwo gwa nyirwa; si ha veye nekindu kidinyu kuguuta ive,

Jeremia 38:16

Ma mwami Zedekia yisuhira Jere mia makiriri, na a vola, Kuli Yahova a veye mwoyo, wa ku lombera mwoyo gwange yigu, Inze si nda kwiita, kandi si nda ku vika mmakono gavandu venyanga mwoyo gugwo mba.

Ezekieli 18:4

Henza myoyo gya vosi ni gyange; kuli mwoyo gwa ise gu veye gwange ni ndiyo mwoyo gwomwana wewe gu veye gwange: mwoyo gwomundu gu kolanga ubwoni gu la kudza.

Danyeli 5:23

navutswa wegingiye ku Mwami womigulu; na va leti viju vyenyumba yeye imbiri wowo, na ive, navanene vovo, na avakali vovo na vasuria vovo, mu nwereye muvyo iwaini; na ive widzominyi avanyasaye vefetha navethahabu, na vomugasa, na vekivya, na vomusala, na veligina, ava vula kulola, nava ta hulira, nava ta manya; na u vuli kwidzominya Nyasaye womwika gugwo gu veye mu mukono gwigwe, na wetsinzira tsitsyo tsi veye tsitsye.

Amosi 9:6

uyu niye wombakanga inyumba yeye mwigulu, nokuyava imise gyevigutu ku lirova; uyu u langanga amadzi genyanza, nokugatsuka mmoni mwelirova; Yahova ni lieta lilye.

Zekaria 12:1

Yibu nobuliduhu bwelikuva lya Yahova ku Israeli. Yahova a vola, uyu u vambula lugulu, uyu u temanga mise gyelirova, nokulomba umwoyo gwomundu muye:

Vikolwa 17:24

Nyasaye uyu wa lomba lirova nevindu vyosi vi veye mu, uyu, kigira a veye Mwami weligulu nelirova, si a menya mu matempeli gombakwa namakono;

Vikolwa 17:25

kandi si a tumekirwa namakono gavandu, kuli mudaka wekindu kali kilala, kigira niye mwene a hedzanga vosi livamwoyo nomwika, nevindu vyosi.

Vahebraina 1:2

kalunu mu madiku yaga, u voleye kwinye mu Mwana wewe, wa ya vika kuva wemiyandu gyevindu vyosi, kandi wa ya lomba naye tsinyinga tsyosi.