Isaya 42:25 - KITABU KITAKATIFU

²⁵ Kigira yaga ya tsuka kuye ubululu bwobu tima bwibwe, netsingulu tsyobulwani; navyo vya mu vikirira muliru tsi mbega tsyosi, navutswa si ya manya; na gwa mu samba, naye si ya vika ku mwoyo.

Isaya 42:25 ပူးပေါင်းရင်းမြစ်များ

2 Avami 25:9

Na ya samba inyumba ya Yahova, nenyumba yomwami, netsinyumba tsyosi tsye Yerusalemi, sa indala ya li inene, ya gi samba nomuliru.

Ayubu 40:11

U tsuke lizulira lyobutima bubwo; U henze sa mulala woluyai u mu legannye.

Isaya 29:13

Na Yahova ya vola, Kigira avandu yava visundi ku inze, na va nzidzominya nomunwa gwavo neminya gyavo, navutswa myoyo gyavo va gyi sundi ihale kutwula ku inze, nelitia lyavo lya va tidzanga inze li veye lilaga lyavandu lya vegidzwa:

Isaya 47:7

Na wa vola, Inze nda va mukali wobwami mibiga nemihiga; na wa luha na wa vula kuvika vindu yivi mmwoyo gugwo, na si widzulitsa kiheri kyevindu kuli ki li va.

Isaya 48:8

Yee, si wa hulira; yee, si wa manya; yee, ugutu gugwo si gwigulika kutwula kale: kigira inze nda manya u veye wokukola ubugadi bunene, na walangwa muhyoli kutwula mu livulwa lilyo.

Isaya 5:25

Kigira yaga ubutima bwa Yahova bwaaki ku avandu veve, naye unyiye mukono gwigwe kuvo, nokuvakuya; nevigulu vi degera, nemibiri gyavo mikudzu gyi gwiye kuli amavivi hagati ha mahasi. Ku yaga gosi ubutima bwibwe bu kikiri ku girunkanywa, navutswa mukono gwigwe gu nyireywi kuduka kalunu.

Isaya 57:1

Mulungi a diva, na si ha veye nomundu u ga vika mmwoyo; avetsimbabasi va twulidzangwa, na si ha veye na u ganagana avalungi va twulidzwa ku budamano budzanga.

Isaya 57:11

Kandi u tiye ibwaha nokuva mu butii, na u luhe u veha, na u vula kwidzulitsa inze, kandi si wa vika mwoyo mu likuva yili? Inze si nkiring'ani tsinyinga tsinyingi, na ive wa vula kuntia?

Isaya 9:13

Navutswa avandu va vula kugi runkana ku uyu wa va kuya, kandi va vula kwenya Yahova wa mahe.

Isaya 9:19

Kivala yiki ki hidzanga ligali kigira ubutima bwa Yahova wa mahe: navandu va veye kuli tsinku tsyoku vikwa mrnuliru; si ha veye nomundu u verererera amwavo wewe.

Jeremia 12:11

Va ki koli kuva hatswa; ki liranga ku inze kigira ki veye hatswa; kivala kyosi ki kolwa hatswa, kigira si ha veye nomundu u ganagana likuva yili mu mwoyo gwigwe.

Jeremia 5:3

O Yahova, tsimoni tsitsyo si tsi henzanga ageligali? U va kuyi, navutswa si va vereranga mba; u va heridzi, navutswa va suye lihebwa mageli va kolanga mmoni mwavo kuva mudinyu kuvita lwanda; va suye kwirana kandi.

Jeremia 7:20

Kigira yaga Mwami Nyasaye a vola: Henza, ubutima bwange nelivihiririrwa lyange vi la tsukwa hango hano, ku vandu, noku mitugu, noku misala gyemilimi noku makuyu gekivala; ga la hya, kandi si gu la siminywa mba.

Lisyoma lya Jeremia 2:3

Lwiga lwosi lwa Israeli u lu kalagi mu butima bwibwe bululu; Wirannyi mukono gwigwe mulungi inyima gu vuli kuva imbiri wa avasigu: U sambi Yakobo kuli muliru gu dedimanga, u gu sambanga tsimbega tsyosi.

Lisyoma lya Jeremia 2:4

U nyiye ubuta bwibwe kuli musigu, u singiye nomukono gwigwe mulungi kuli mudambidzi, Na wiiti vosi ava loleka kuva avokuyanzidza imoni: Mu lihema lyomukana wa Zioni u tsuki ubutima bwibwe kuli muliru.

Ezekieli 20:34

Nda mu twulidza mu avandu, nokumuvungidza mu twule mu vivala vya mwa salannywa mu, nomukono gwobunyali, nomu kono gwa nyirwa nobutima bwa tsukwa;

Hosea 7:9

Avageni va miri tsingulu tsitsye, naye si a manya: yee, tsimbudze tsi loleki kuye yiyi na yiyi, naye si a manya.

Nahum 1:6

Bwaha u nyala kusingira imbiri wobutima bwibwe? Ni bwaha u nyala kumenya mu bululu bwobutima bwibwe? Butima bwibwe bu tsukeywi kuli muliru, tsinyanda tsya tannyeywi na uyu.

Malaki 2:2

Ni mu va ni mu vula kuhulira, ni mu va ni mu vula kulivika mu myoyo gyenyu, kukuminya lieta lyange, Yahova wa mahe a vola, hene yaho nda leta lilaamwa ku mwinye, na nda laama ubugasu bwenyu; yee, mmali kubulaama, kigira si mwa li vika mu myoyo gyenyu.

Kwidzulitsa 32:22

Kigira muliru gu fwaneywi mbutima bwange, Gwakanga kuduka mu Kihadisi kyoluliva, Nagwo gu liye lirova halala nelimedeka lyalyo, Nokwadukidza muliru ku mise gyevigulu.