Navutswa avandu yava va veye ava nuulwa nokulanywa; vosi va gumirwa nemitego mu bogo, nokuviswa mu tsi nyumba tsyavahambe: va gwiye vilanye, si ha veye nomuhonnyi; va gwiye kilanye, si ha veye no u volanga Wirannye.
Ni bwaha wa haana Yakobo a ve kilanye, ni bwaha wa vika Israeli ku vanuuli? Si a li Yahova u a kola? Wa kwinye ku mu koleye ubwoni, na va vula kubugirira ku genda mu tsinzira tsitsye, kandi si va hulira amalago gege.
Wiyame ubudamano bubwo, bwa webaalira ku Yahova Nyasaye wowo, nokusalannya tsinzira tsitsyo tsi ve tsyavageni isi womusala sa mulala gwa matu mavisi, na si mwa hulira mwoyo gwange mba, Yahova a vola.
Ni bwaha wobugeeri, a duke kumanya yaga? Kandi ni bwaha womunwa gwa Yahova gwa mvoleye makuva, a duke kugalandidza? Kigira ki kivala yiki kyoneka nokuhya nomuliru kuli kyangalangwi, ki luhi ki duki kuvula kuva nomundu u vita hagati hakyo?