Isaya 42:21 - KITABU KITAKATIFU

²¹ Ga yanzidza Yahova, kigira ubulungi bwibwe, kukuminya Lilaga, noku likola lidzominywe.

Isaya 42:21 ပူးပေါင်းရင်းမြစ်များ

Zaburi 138:2

Nda sigama kuyeka ku litempeli lilyo litakatifu, Na nda santidza lieta lilyo kigira tsimbabasi tsitsyo, na ageligali gogo: Kigira u nenehidzi likuva lilyo igulu we lieta lilyo lyosi.

Zaburi 40:8

Inze nyanza kukola ubulaliri bubwo, O Nyasaye wange; Yee, amalago gogo ga veye mu mwoyo gwange.

Zaburi 71:16

Ndadza nevikolwa vyetsingulvya Mwami Yahova: Ndidzulitsa avandu ubulungi bubwo, na bubwo bweng'ine.

Zaburi 71:19

Kandi, O Nyasaye, ubulungi bubwo bu veye igulu ligali; U koli vindu vinene O Nyasaye, ibwaha u leng'ana na ive?

Isaya 42:4

Si a la tamwa kandi si a la kudza mwoyo a luhe a duke kusingeridza likalaga lyobulungi mu lirova; nevisulu vi la lindirira lilaga lilye.

Isaya 51:4

Mu hulire inze, mwinye avandu vange; mu tegidze amatu ku inze, mwinye avehiri yange: kigira lilaga li la twula ku inze, na nda kola likalaga lyange li hindiranga li gwe ubulavu bwavandu.

Matayo 17:5

Lwa ya vola ndi, henza, lilesi lilavu lya va kinga, na mwoyo gu twula mu lilesi, ni gu vola, Uyu nu Mwana myanzi wange, wa nyanza; mu mu hulire.

Matayo 3:15

Navutswa Yesu ya tivula na a mbolera, Leka kalunu: kigira nobulahi kudukidza ndi ubulungi bwosi. Hene yaho ya mleka.

Matayo 3:17

kandi henza, munwa gwa twula mwigulu ni gu vola, Uyu no Mwana wange, muyanzi wange wa nyanza.

Yohana 15:10

Ni mu va ni mu gumira malago gange, mu la menya mu buyanzi bwange; kuli inze ngumira malago ga Dada wange, kandi menya mu buyanzi bwibwe.

Yohana 8:29

Kandi wa ntuma a veye halala ninze; si ya ndeka tsyeng'ine; kigira inze kazozo nkolanga vindu vya a yanza.

Varumi 10:4

Kigira Kristo a veye limaliridza lyelilaga ku vosi ava suuvira.

Varumi 3:31

Kunangwa kwononnya lilaga ku lisuuvira yili? Auwa, ga ta va ndiyo, navutswa ku dinyeridza lilaga.

Varumi 7:12

Na ndiyo lilaga li veye litakatifu, kandi amalago ga veye matakatifu, kandi malungi, kandi ma lahi.

Vagalatia 3:13

Kristo ya ku honnya mu vilaamu vyelilaga inyinga ya laamwa kigira kwinye; kigira ga ng'odwa, Ku vosi u sungangwa ku musala u laameywi:

Vagalatia 3:21

Kunangwa lilaga li hing'ana nelisuuviridzwa lya Nyasaye? Auwa, ligali: kigira lilaga ni li va ni lya haanwa li nyala kuleta livamwoyo nkano ubulungi bu veye ku lilaga.

Kwidzulitsa 4:6

Kunangwa mu ga gumire nokugakola; kigira yaga ga la va ubugeeri bwenyu nelimanya lyenyu mu tsimoni tsyavandu, va hulira malago yago gosi, va la vola, Ligali ihiri inene yiyi va veye avandu vobugeeri nelimanya.

Kwidzulitsa 4:8

Kandi ha veye nehiri inene ki, i veye namalago nelikalaga lyobulungi kuli lilaga yili lyosi, lya mbikanga imbiri wenyu lero?

Vafilipi 3:9

kandi ndoleke muye, nta va nobulungi bwange, obu twulanga mu lilaga, navutswa bu ve obu twulanga ku lisuuvira mu Kristo, ubulungi obu twulanga ku Nyasaye kigira lisuuvira:

Vahebraina 8:10

Kigira yili nilyo lilagana lya ndi kolera inyumba ya Israeli Inyima wa madiku yago, Mwami a vola; Nda vika lilaga lyange mu myoyo gyavo, Kandi nda li ng'oda mu myoyo gyavo: Na inze nda va kuvo Nyasaye, Navo va la va ku inze avandu