17 Va liranywa inyima, va la va isoni ligali, ava suuviranga vifwananyi vyavadzwa, ava voleranga vifwananyi vya longwa vyene, Mwinye mu veye vanyasaye vetu.
Naye ya tsi vugula mu makono gavo, na a tsi vadza noluvadziru, tsi fwanane nekimoli kyobunyinda na va vola, Yivi vi veye vanyasaye vovo, O Israeli, ava ku twulidza mu kivala kya Egepeti.
va girunkani bwangu kuleka inzira ya nda va laga: velombeye kifwananyi kyekimoli kyobunyinda, nokukisigamira, nokukiitira tsisadaka, na va voye, Yivi navanyasaye vovo, O Israeli, ava kwanegiridza kutwula mu kivala kya Egepeti.
Na kidonye ki tigaye a ki lomba kuva mu nyasaye; ki veye kifwananyi kikye kya vadzwa; a gwidzanga imbiri wakyo nokusigamira, a ki saalanga, nokuvola, Konya inze; kigira ive u veye munyasaye wange.
Yavo va lomba kifwananyi kyokuvadzwa va veye vutswa vosi; na vindu vya va yanzidzanga si vi la va konya kindu; na valoli vavo avene si va lolanga mba, kandi si va manya: va duke kuva isoni.
Kunangwa Mwami Nyasaye ya vola yaga, Henza, avatumekiri vange va la lia, navutswa mwinye mu la va nenzala; henza, avatumekiri vange va la nwa, navutswa mwinye mu la va nobuluhu; henza, avatumekiri vange va la sangala, navutswa mwinye mu la va isoni,
Kigira ki ndoli inkuva yiyi? Va timuka enkolo na virana inyima; avaluviriri vavo va duywa, navo viruka, nokuvula kwekevuka; li veye litihidza tsimbega tsyosi, Yahova a vola.