10 Mwimbire Yahova lwimbu luhya, mwimbe lidzominywa lilye ku twula ku kiheri kyelirova; mwinye ava sulungutanga mu inyanza, na vyosi vi veye muyo, visulu, na vosi avamenyi muvyo.
Nevindu vyokutihidza u li ku tivulira mbulungi, O Nyasaye wobuhonywi bwetu, Ive u veye kisuuviri kyeviheri vyosi vyelirova, Kandi kya yavo ava veye ihale ku inyanza:
Kunangwa Musa na avana va Israeli vimbira Yahova lwimbu yilu, va moloma, ni va vola, Ndimbira Yahova, kigira U guuti nobukumi: Iparasi na uyu wa nina ku, ya va ta mu inyanza.
kigira mu madiku gatano na lilala, Yahova ya lomba ligulu na lirova, na inyanza, na vyosi vi veye muvyo, na a sosa ku lidiku lya gatano na gaviri: kigira yaga Yahova ya gasidza lisabato, na a li takasa.
Ga la va ku lidiku yilyo, Yahova a la hila mukono gwigwe hali kaviri a duke kandi kunyola avandu veve va tigala, kutwula Asuria, nokutwula Egepeti, nokutwula Pathrosi, nokutwula Kushi, nokutwula Elam, nokutwula Shinaru, nokutwula Hamathu, nokutwula mu visulu vyomu inyanza.
Mwimbe, mwinye ligulu, kigira Yahova u lombi inkuva yiyi; mu kupe lwanga, mwinye isi welirova; mu lete tsinyimbu, mu imbe mwinye vigulu, O mulitu, na misala gyosi gyi veye mugwo: kigira Yahova u tungiye Yakobo, na a lekuminya mwene mu Israeli.
Mu twule Babuloni, mwiruke mu twule ku Vakalidei; mwilwadze nomwoyo gwokwimba, mu landidze makuva yaga, mu ga vole kuduka kiheri kyelirova; mu vole, Yahova u tungiye mutumekiri wewe Yakobo
Mwimbe, mwinye ligulu; u sangale, ive lirova; mu leterere tsinyimbu, mwinye vigulu: kigira Yahova u mali kuleminya avandu veve mwoyo, na a la vererera avandu veve ava dambidzwa.
yee, a vola, I veye inkuva inyangu ku ive u duke kuva mutumekiri wange kuvukidza tsihiri tsya Yakobo, nokwirannya avalindwa va Israeli: nda haana ive u ve ubulavu bwetsihiri, u duke kuva ubuhonnyi bwange kuduka ku tsindulu tsyelirova.
Ubuhonnyi bwange bu veye ahimbi, ubuhonnyi bwange bu twuli, na makono gange ga la kalagira avandu; na visulu vi la lindi rira inze, vi lidira ku mukono gwange.
Ubunyingi bwetsing'amia bu la ku kunika, netsing'amia tsisoleli tsya Midiani na Efa; vosi va twula Sheba va ladza; va la leta ithahabu nekimuli, na va lilwadza lidzominya lya Yahova.
Ligali visulu vi la ni ndirira, na amato ga Tarshishi ga limirira, ga duke kuleta avana vange avayai kutwula ihale, ifetha yavo nethahabu yavo va la va navyo, vi ve vyelieta lya Yahova Nyasaye wowo, na vya Mutakatifu wa Israeli, kigira a kuminyi ive.
Henza, Yahova u landidzi kuduka ku kiheri kyelirova, U volere mukana wa Zioni, Henza, lihonywa yilyo lidza nga; henza, a veye na madanyi gege, nelitunga lilye li veye imbiri wewe.
henza avatumekiri vange va limba kigira ubuyanzi bwemyoyo, navutswa mwinye mu l la lira kigira liverera lyomwoyo muinye mu la kupa tsikwili kigira ubululu bwemyoyo gyenyu.
Yahova a la va litihidza kuvo; kigira a la ng'ahidza avanyasaye vosi velirova navandu va la sigamira uyu, sa mulala hango hehe, kali visulu vyosi vyetsihiri.
kandi vimba kuli lwa li lwimbo luhya imbiri wentebe, kandi imbiri wevilombe vine vi veye mwoyo kandi imbiri wavakulundu: kandi si ha li nomundu wa nyala kwega lwimbo zana na a ta li ku yava tsielfu mia na makumi gane na tsine, yavo ava gulwa mu lirova.