Isaya 42:1 - KITABU KITAKATIFU

¹ Henza, mutumwa wange, wa ndiranga; mutovole wange, womwoyo gwange gu sangalira muye: nda vika kuye Roho wange; naye a la letera Avetsihiri likalaga.

Isaya 42:1 ပူးပေါင်းရင်းမြစ်များ

Litanga 49:10

Impimbo yobwami si i la twula ku Yuda, Kandi impimbo yokwameha si i la twula hagati hevirenge vivye, Kuduka inyinga Shilo yadza; Na lihulira lyavandu li la va kuye.

Zaburi 72:4

A la kalagira avadambi va avandu A la honnya avana va avadaka Na a la shonolannya mudambidzi.

Zaburi 89:4

Kisukululwi kikyo nda singiridza mihiga nemihiga Na ndombaka intebe yobwami bubwo ku makula gosi. [Selaha

Isaya 2:4

Naye a la kalaga hagati hetsihiri, nokuha tsihiri tsinyingi tsyavandu amageli; navo va la tuula vivavi vyavo kuvikola tsimbago, na matimu gavo va la ga lomba tsinkonono; ihiri yiyi i la vula kuginga kivavi ku ihiri yindi, kandi va la vula kwega ubulwani.

Isaya 32:16

Inyinga yeyo likalaga li la menya migendanyama; nobulungi bu la menya mu mulimi gwamanga.

Isaya 41:8

Navutswa ive, Israeli, mutumekiri wange, Yakobo wa ntovoye kisukululwi kya Abrahamu mulina wange,

Isaya 41:9

ive wa ng'umiye kutwulaku tsindulu tsyelirova, nokukulanga kutwula ku tsikona tsyalyo nokukuvolera, Ive u veye mutumekiri wange inze nku tovoye na si nku syuvi mba,

Isaya 42:2

Si a la lira, kandi si a li hanzuka, mwoyo gwigwe si gu la hulirwa ku inzira.

Isaya 43:10

Mwinye mu yeye avaloli vange, Yahova a vola, mutumekiri wange wa nda tovola; mu duke kumanya nokusuuvira inze, nokumanya inze niye: imbiri ku inze Nyasaye si a lombwa yo mba, kandi inyima ku inze si a la va yo wundi mba.

Isaya 50:10

Ni bwaha hagati henyu u tidzanga Yahova, na u huliranga mwoyo gwomutumekiri wewe? Uyu a gendanga mkisundi, na si a veye nobulavu, a suuvire ku lieta lya Yahova nokwidira ku Nyasaye wewe.

Isaya 52:13

Henza, mutumekiri wange a la kola nobugeeri, a la kuminywa nokugingwa igulu, a la va igulu ligali.

Isaya 53:11

A la lola ubululu bwelilumwa lyomwoyo gwigwe, na a la yanzidzwa: kigira lyemanya mwene mutumekiri mulungi wange, a la ha vanyingi ubulungi; naye a la ginga ubudamano bwavo.

Isaya 59:21

Mu makuva gange, lilagana lyange halala navo ni yili, Yahova a vola: Roho wange u veye ku ive, na makuva gange ga mbiki mu munwa gugwo, si ga la twula mu munwa gugwo mba, kinga mu munwa gwekisukululwi kikyo, kinga mu munwa gwevisoni vivyo, Yahova a vola, kutwula kalunu kuduka mihiga nemihiga.

Isaya 61:1

Roho wo Mwami Nyasaye a veye ku inze; kigira Yahova u mbaki maguta nduke kwilwadzira avahokya makuva malahi; ya nduma kwahira avavunika mmyoyo, kulandidzira avahambe libohololwa lyavo, nokwigulirwa mu buhambe yavo avabofwa;

Isaya 63:1

Ni bwaha uyu u twulanga Edom, wetsingubo tsyeligondo lyakanyu u twulanga Bozra? Uyu u veye netsingubo tsyobukumi, a tsi tsanga imbiri mu bunyingi bwetsi ngulu tsitsye? Ninze u volanga mu bulungi, wetsingulu kuhonnya.

Haggai 2:23

Mu lidiku yilyo Yahova wa mahe a vola, nda vuguia ive, O Zerubabeli, mutumekiri wange, mwana wa Shealitieli, Yahova a vola, nda kola ive kuli imingiri yomuhuri; kigira ntovoye ive, Yahova wa mahe a vola.

Zekaria 3:8

Hulira kalunu, O Joshua musalisi mu nene, ive na avakyo avikala imbiri wowo; kigira va li avandu ava li kyokumanyira: kigira, henza, nda leta mutumekiri wange u langwa Kisibu.

Malaki 1:11

Kigira kutwula ku litonga lyeliuva kuduka ku liyera lyalyo, lieta lyange li veye linene mu tsihiri: kandi hosi kimuli ki la sambangwa ku lieta lyange, na kihaanwa kilahi: kigira lieta lyange li veye linene mu vandu vetsihiri: Yahova wa mahe a vola.

Matayo 17:5

Lwa ya vola ndi, henza, lilesi lilavu lya va kinga, na mwoyo gu twula mu lilesi, ni gu vola, Uyu nu Mwana myanzi wange, wa nyanza; mu mu hulire.

Luka 3:22

na Roho Mutakatifu yika kuye neligondo kuli mubiri gwelikuula, kandi mwoyo gwa twula migulu, gu vola, Ive u veye Mwana wange wa nyanza; nyanzeywi ligali ku ive.

Luka 4:18

Roho wo Mwami a veye ku inze, Kigira ya mbaka maguta nzilwadzire avadaka amakuva malahi: Ya ntuma kuvolera avahambe lilakulwa lyavo Kandi likunulwa lyetsimoni tsyavaboku, Kandi kuboholola ava kindukidzwa,

Luka 4:19

Nokwilwadza muhiga mulahi gwo Mwami.

Luka 9:35

Mwoyo gwa twula mu malesi ni gu vola, Uyu nu Mwana wange, mutovole wange: mu mu hulire.

Yohana 16:32

Henza, isaa yidza, yee, i mali kuduka, ya mwinye mu lavukanira avandu sa mulala ku vindu vivye, mu leke inze tsyeng'ine: navutswa inze si mbeye tsyeng'ine, kigira Dada a veye halala ninze.

Yohana 3:34

Kigira uyo wa Nyasaye ya tuma a vola amakuva ga Nyasaye: kigira Nyasaye si a mu ha Roho nekigero.

Yohana 6:27

Mu ta yinzira ku vugula vyokulia vyoneka, navutswa mu yinzire kuvugula vyokulia vi menya kuduka ku livamwoyo li ta hera mba, vyo Mwana wa Adamu a la mu ha: kigira Dada, Nyasaye, u mali kukupa kuye kyokulolera.

Vikolwa 10:38

Yesu wa Nazareti kuli Nyasaye ya mu vaka Roho Mutakatifu netsingulu: wa vodonkana na a kola bulahi, na a honnya vosi ava Setani a legerera, kigira Nyasaye ya li halala naye.

Vikolwa 11:18

Kandi lwa va hulira yaga va kiring'ana, ni vidzominya Nyasaye, ni va vola, Kali ku Tsihiri, Nyasaye u mali kuvaha Iveganira li leta livamwoyo.

Vikolwa 28:28

Kunangwa ga manyekane ku mwinye, ubuhonnyi, yibu bwa Nyasaye bu hilwa ku vandu ve Tsihiri: navo va la bu hulira.

Vikolwa 9:15

Navutswa Mwami ya mu volera, Tsia: kigira uyu a veye kiju kya tovolwa ku inze, kuhila lieta lyange imbiri we Tsihiri navami, navana va Israeli:

Vafeso 1:4

kuli wa ya ku tovola muye inyinga lirova li kikiri kulombwa muse, kwinye ku ve avatakatifu ava ta li nekindu kuvo imbiri wewe mu buyanzi.

Vafeso 1:6

kuduka ku lidzominya lyobukumi bwetsimbabasi tsitsye, tsya ya ku kululira mu Muyanze

Vafeso 3:8

Inze, u veye mukekeke ku mutakatifu u veye mukekeke ku vosi, nda hebwa tsimbabasi yitsi nzilwadzire Avetsihiri ubunyingi bwobutugi bwa Kristo obu ta manyekana bwosi;

Vafilipi 2:7

navutswa mwene yenavula, na a vugula lugano lwomu tugwa, na a gwa kuli lifwanana lyomundu;

Vakolosai 1:13

Wa ku honnya nokukutwulidza mu tsingulu tsyekisundi nokukwidikiridza mu bwami bwo Mwana wobuyanzi bwibwe;

1 Petro 2:4

Mwa tsia kuye, ligina li veye mwoyo, lya vandu vambakana ligali, navutswa lya Nyasaye a tovoye, lyobukumi,

1 Petro 2:6

Kigira livoia yili li veye mu mang'oda, Henza, mbika mu Zioni ligina linene lyolwiga, litovole, lyobukumi: Kandi u mu suuvira si a la legannywa.