Isaya 41:8 - KITABU KITAKATIFU

⁸ Navutswa ive, Israeli, mutumekiri wange, Yakobo wa ntovoye kisukululwi kya Abrahamu mulina wange,

Isaya 41:8 ပူးပေါင်းရင်းမြစ်များ

1 Kyetsinyinga 16:13

O mwinye avolwivulo lwa Israeli mutumekiri wewe Mwinye avana va Yakobo, ava tovole veve.

2 Kyetsinyinga 20:7

Ive, Nyasaye wetu, si wa kunga ava menyanga mu kivala yiki imbiri wa vandu vovo Israeli, kandi si wa ki haana ku visukululwi vyomulina wowo Abrahamu mihiga nemihiga?

Zaburi 105:6

O mwinye, visukululwi vya Abrahamu mutumekiri wewe, Na mwinye avana va Yakobo, vatovole veve.

Zaburi 135:4

Kigira Yahova u tovoye Yakobo kuva wewe mwene Na Israeli kuva miyandu gyigye mwene.

Zaburi 136:21

Na ya haana kivala kyavo kuva miyandu; Kigira tsimbabasi tsitsye tsi veve ho mihiga nemihiga;

Zaburi 136:22

Kuva miyandu gya Israeli mutu mekiri wewe; Kigira tsimbabasi tsitsye tsi veye ho mihiga nemihiga:

Zaburi 33:12

I veye nobugasu ihiri ya Yahova a veye Nyasaye wayo, Avandu ava ya tovola kuva miyandu gyigye mwene.

Isaya 14:1

Kigira Yahova a la vererera Yakobo, na a la tovola Israeli, na a la va vika mu kivala kyavo: na mumenya a la hambana navo, va la hambana nenyumba ya Yakobo.

Isaya 29:22

Kunangwa kigira yaga Yahova, uyu wa honnya Abrahamu, ya vola ku inyumba ya Yakobo: Yakobo si a la va isoni kalunu kandi mmoni mwimwe si mu la gaiula kalunu.

Isaya 42:1

Henza, mutumwa wange, wa ndiranga; mutovole wange, womwoyo gwange gu sangalira muye: nda vika kuye Roho wange; naye a la letera Avetsihiri likalaga.

Isaya 42:19

Ni bwaha u veye mboku, na a ta li uyu mutumwa wange? Kandi ni bwaha wa hana amatu, kuli mutumwa wange wa ntumanga? Ni bwaha u veye mboku kuli uyu u veye nemirembe ku inze, a veye mboku kuli mutume kiri wa Yahova?

Isaya 43:1

Navutswa kalunu Yahova wa ku lomba, ive Yakobo, naye wa ku longa, ive Israeli, a vola ndi: U ta tia mba, kigira mmali kukutungira; nku langi nelieta lilyo, u veye wange.

Isaya 43:10

Mwinye mu yeye avaloli vange, Yahova a vola, mutumekiri wange wa nda tovola; mu duke kumanya nokusuuvira inze, nokumanya inze niye: imbiri ku inze Nyasaye si a lombwa yo mba, kandi inyima ku inze si a la va yo wundi mba.

Isaya 43:5

U ta tia mba; kigira inze mbeye halala nive: nda leta kisukululwi kikyo ki twule ivugwe, na nda ku vungidza kutwula madioli;

Isaya 44:21

Widzulitse vindu yivi, O Yakobo, na Israeli; kigira u veye mutumekiri wange: inze nda ku lomba; ive u veye mutumekiri wange: O Israeli, si ndivirira ive mba.

Isaya 45:4

Kigira Yakobo mutumekiri wange, kandi kigira Israeli mutovole wange, nku langi ku lieta lilyo: nku guliki lieta lilyo, kali ive u kikiri kumanya inze.

Isaya 48:12

Hulira inze, O Yakobo, na Israeli mulangwa wange: inze niye; inze mbeye wokutanga, kandi mbeye wekiheri.

Isaya 49:3

na ya mbolera, Ive u veye mutumekiri wange; Israeli, nda kuminyirwa ku ive.

Isaya 51:2

Mu henze Abrahamu guga wenyu, na Sara wivula mwinye: kigira lwa ya li mulala nda mu langa nokumugasidza, nokumukola a ve avanyingi.

Isaya 63:16

Kigira ive u veye Dada wetu, kali Abrahamu na a vula kukumanya, na Israeli na a vula kukubugirira: ive, O Yahova, u veye Dada wetu; Mutungiri wetu kutwula mihiga nemi higa li veye lieta lilyo.

Jeremia 33:24

Ive si u ganagana likuva lyavandu yava va vola, ni va vola, Ubwiko buviri yibu bwa Yahova ya tovola, u bu teye? Ni ndiyo va leganga avandu vange, va vule kuva ihiri kandi imbiri wavo.

Kyavalevi 25:42

Kigira va veye avatumekiri vange, ava nda twulidza mu kivala kya Egepeti: va la vula kugulidzwa kuva avatugwa.

Malaki 1:2

Inze nyanza mwinye, Yahova a vola. Navutswa mu vola, U ku yanzira kuliha? Esau si ya li amwavo Yakobo? Yahova a vola: navutswa nda yanza Yakobo;

Matayo 3:9

mu ta ganagana mkiritu, mu vole, Ku veye na guga wetu Abrahamu: kigira mmu volera, Nyasaye a nyala kutwulidzira Abrahamu avana ku magina yaga.

Vagalatia 3:19

Kunangwa lilaga li veye kindu ki? Lya medwa kigira lihyolo, kuduka lwe kisukululwi yiki kya hebwa lisuuviridzwa ki li duka; kandi ga singeridzirwa ku tsingelosi mu makono gomuhambannyi.

Kwidzulitsa 10:15

Navutswa Yahova ya li nobuyanzi ku vaguga vovo kuvayanza, na a tovola kisukululwi kyavo inyima wavo, nakyo ki veye mwinye, ku tsihiri tsyosi, kuli ga veye lero.

Kwidzulitsa 14:2

Kigira u veye ihiri intakatifu ku Yahova Nyasaye wowo, na Yahova ya ku tovola kuva ihiri yahulwa kuva yeye, kuvita tsihiri tsyosi tsi veye ku lirova.

Yakobo 2:23

kandi mang'oda ga kolwa madukiru aga vola, Abrahamu ya suuvira Nyasaye, kandi ga volwa kuye kuva ubuhlngi; kandi ya langwa mulina wa Nyasaye.