Isaya 41:20 - KITABU KITAKATIFU

²⁰ va duke kulola, noku manya, nokuganagana nokwidzulitsa halala, mukono gwa Yahova gwa lomba inkuva yiyi, na Mutakatifu wa Israeli ya gi lomba.

Isaya 41:20 ပူးပေါင်းရင်းမြစ်များ

Ayubu 12:9

Ni bwaha u ta manya mu vindu yivi vyosi, Gu veye mukono gwa Yahova gu lombi yaga,

Zaburi 109:27

Va duke kumanya yigu gu veye mukono gugwo; Ni ive, Yahova u ga koli.

Kutwula 6:7

kandi nda vugula mwinye mu ve avandu vange, na inze nda va Nyasaye ku mwinye; na mwinye mu la manya mbeye Yahova Nyasaye wenyu, u twulidzanga mwinye ku misigo gya Avaegepeti.

Kutwula 9:16

navutswa na geligali nda singeridza ive kigira yaga, nduke kulang'aminya ku ive tsingulu tsyange, na kandi lieta lyange li landidzwe mu lirova lyosi.

Isaya 28:29

Yaga kandi ga twula ku Yahova wa mahe, a veye wa makuva wobugenyi, nowobulahi mu ubugeeri.

Isaya 29:24

Na yavo ava hyolanga mu myoyo gyavo va la nyola li manya, na yavo va monyanga va legidzwa megidzo.

Isaya 40:5

nobukumi bwa Yahova bu la lang'aminywa, na vomubiri vosi halala va la bu lola: kigira munwa gwa Yahova gwa vola yaga.

Isaya 41:4

Ni bwaha wa kola nokulomba inkuva yiyi, u langanga visukululwi kutwula mu litanga? Inze, Yahova, welitanga, nowekiheri, inze niye.

Isaya 43:15

Inze mheye Yahova, Mutakatifu wenyu, Mu lombi wa Israeli, Mwami wenyu.

Isaya 43:21

avandu va ndelombera inze mwe ne, va duke kulandidza lidzominywa lyange.

Isaya 44:23

Mwimbe, mwinye ligulu, kigira Yahova u lombi inkuva yiyi; mu kupe lwanga, mwinye isi welirova; mu lete tsinyimbu, mu imbe mwinye vigulu, O mulitu, na misala gyosi gyi veye mugwo: kigira Yahova u tungiye Yakobo, na a lekuminya mwene mu Israeli.

Isaya 49:23

Avami va la va avadada vovo avaleri, na avakaye vovo va la va avamama vovo avaleri: na va linamira imbiri wowo nokuhenzidza tsimoni tsyavo hasi, nokumena lugukyi lwevirenge vivyo; na ive u la manya inze mbeye Yahova, na yavo ava lindiriranga inze va la vula kuva isoni.

Isaya 66:14

Mu la lola yaga, na mwoyo gwenyu gu la sangala, nevigumba vyenyu vi la dedema kuli bunyasi budoto: na mukono gwa Yahova gu la manyekana ku vatumekiri veve; naye a la va nobutima ku avasigu veve.

Isaya 66:18

Kigira manya miyinzi gyavo, netsiganagani tsyavo: inyinga yidzanga, ya nda vungidza halala tsihiri tsyosi, netsinimi tsyosi; navo va ladza, va la lola ubukumi bwange.

Isaya 66:2

Kigira makono gange ga lombi vindu yivi vyosi, ni ndiyo vya li ho vindu yivi vyosi. Yahova a vola: navutswa nda henza ku mundu uyu, yee, uyu u veye mudaka na womwoyo gwelyeganira, welidegera kigira likuva lyange.

Livalidza 23:23

Ligali si ha li nekikyeno ku Yakobo; Kinga ubusegetiri ku Israeli: Kalunu ga la volwa ku Yakobo noku Israeli, Ni kindu ki kya Nyasaye a koli

2 Vatesalonike 1:10

inyinga a lidza kwidzominywa mu vatakatifu veve, nokugenyerwa mu yavo ava suuvira, mu lidiku yilyo (kigira lilolekidza lyetu ku mwinye lya bugirirwa).