Isaya 41:16 - KITABU KITAKATIFU

¹⁶ Na u la vi sesa, nembuudza i la vi lulukidza, na kihudzudzi ki la vi salannya; na u la sangala mu Yahova, na u lidzomi nya mu uyu Mutakatifu wa Israeli.

Isaya 41:16 ပူးပေါင်းရင်းမြစ်များ

Zaburi 1:4

Avoni si va li ndiyo mba Navutswa va fwanana nomukuudzi gwembuudzi i hila.

Isaya 12:6

U hanzuke ligali, kupe lwanga, ive u menyanga mu Zioni; kigira Mutakatifu wa Israeli a veye munene ligali hagati hoho.

Isaya 17:13

Tsihiri tsi la salama kuli lisalama lyamadzi manene: navutswa uyu a la va gondokera, navo va liruka kutsia ihale, na va la kungwa kuli mukuudzi gwirukidzangwa mu vigulu imbiri wembuudza, na kuli lugukyi lu duminywa mu kihudzudzi.

Isaya 25:9

Mu lidiku yilyo ga la volwa Henza, Uyu ni Nyasaye wetu; ku mu lindiriye, naye a la ku honnya: uyu ni Yahova; ku mu lindiriye, ku la lola bulahi nokusangalira ubuhonnyi bwibwe.

Isaya 28:5

Mu lidiku yilyo Yahova u a mahe a la va itaji yobukumi, negudwa yobulahi, ku vatigala aveve;

Isaya 29:19

Avahokya va la meda ubusangali bwavo mu Yahova, navadaka mu avandu va la sangala mu Uyu Mutakatifu wa Israeli.

Isaya 29:5

Navutswa kiduma kyavasigu vovo ki la va kuli lugukyi, na kiduma kya yava avokutihidza ki la va kuli mukudzi gu bulukanga: yee, ga la va nonoho, bwangu.

Isaya 35:10

na avahonnywa va Yahova va lirana na va la duka Zioni, nokwimba; ubusangali bwemihiga ne mihiga bu la va ku mitwe gyavo: va la nyola ubusangali nobuyanzi, ubuvereri nelikenya vi la twulidzwa li'gali.

Isaya 40:24

Yee, va vula kusimikwa; yee, va vula kumidzwa; yee, kitinya kyavo si ki hili imiri hasi: halala na yaga a va herera mwika, navo va nialanga, nekihudzudzi ki va twulidzanga kuli luvuva.

Isaya 51:3

Kigira Yahova u leminyi Zioni mwoyo; u leminyi mwoyo ha lekwa vutswa hehe hosi, na u koli ligendanyama lilye kuva kuli mulimi gwa Edeni, na kyangalangwi kyikye kuva kuli mulimi gwa Yahova, ubuyanzi nelisangala bu la loleka mu lisantidza, nomwoyo gwelyembirana.

Isaya 60:19

Liuva li la vula kuva ubulavu bubwo kandi inyinga yombasu; kandi ku bung'e reng'anu yibwo mweli si gu la ku ha ubwaaku kandi: navutswa Yahova a la va ubulavu bwemihiga nemihiga ku ive, Nyasaye wowo a la va bukumi bubwo.

Isaya 65:18

Navutswa mu ve nobuyanzi mu sangale madiku gosi mu vya nombanga; kigira, henza, nombanga Yerusalemi li ve lisangala, navandu veve kuva ubuyanzi.

Jeremia 15:7

Mba sesi nekisesero mu viribwa vyekivala; mba nyagi avana vavo, nzononnyi avandu vange; navo va vuli kwirana nokuleka tsinzira tsyavo.

Jeremia 51:2

Kandi nda hila ku Babuloni avageni, avoku msesa; na va la kola kivala kyalyo ki ve vutswa; kigira va la va kuye tsimbega tsyosi ku lidiku lyekivi yikyo.

Jeremia 51:20

Ive u veye imbadzi yokulwana yange nevyuma vyange vyobulwani: nda vugula ive kudonyannyira tsihiri yitsyo, nokudividzira ubwami;

Jeremia 51:33

Kigira Yahova wa mahe, Nyasaye wa Israeli, a vola ndi: Mukana wa Babuloni a veye kuli ulodze lu huulanga ubuswage ku inyinga yeliduvagwa yalwo, ha tigaye hakekeke inyinga yeligesa i la duka kuye.

Danyeli 2:35

Hene yaho kivya, nobudohi, nomugasa, nefetha, na ithahabu, vya donyannywa halala, nokugwa kuli mukudzi gwo uloze gwekimei; na imbuudza ya vi hila, kuduka vi ta li na hokuva: na ligina lya duya kifwananyi lya gwa kigulu kinene, nokwizula lirova lyosi.

Hosea 11:9

Si nda tumekira ubululu bwobutima bwange, si ndirana kudividza Efiraim: kigira mbeye Nyasaye, si mbeye mundu mba; Mutakatifu hagati hoho; na si ndingira mu butima.

Joeli 2:23

Kunangwa mu yanze, mwinye avana va Zioni, na mu sangale mu Yaho va Nyasaye wenyu; kigira a mu hedza imbula yokutanga i duka, naye a mu kupidzira imbula, imbula yokutanga na imbula yenyima, mu mweli gwokutanga

Mika 5:8

Va tigala va Yakobo va la va hagati hetsihiri, hagati ha avandu vanyingi, kuli king'ang'a mu tsinyama tsyombulimu, kuli king'ang'a kisoleli mu kyayo kyamagondi; lwa ki vitanga hagati, ki duvaganga nokutandula, na si ha veye na u nyala kuhonnya.

Habakuk 3:18

Navutswa nda sangala mu Yahova Nda va nobuyanzi mu Nyasaye wobuhonnyi bwange.

Matayo 3:12

Kiseseru kikye ki veye mmkono gwigwe, kandi a la lavidza ulodze lwilwe ligali; nengano yeye a la tera mkideera navutswa mkuudzi a la samba nomuiiru gu ta simika.

Varumi 5:11

Kandi si ga li yaga geng'ine, navutswa kandi ku sangalira mu Nyasaye kigira Mwami wetu Yesu Kristo, wa ku mali kunyola kuye lihambanywa kalunu.

Vafilipi 3:3

kigira ku veye avakevwa, ava sigama na Roho wa Nyasaye, kandi kwidzominya mu Kristo Yesu, kandi si ku suuvira mubiri.