Isaya 41:14 - KITABU KITAKATIFU

¹⁴ U ta tia mba, ive ing'ende Yakobo, na mwinye avandu va Israeli; nda ku konya, Yahova a vola, na Muhonnyi wowo ni uyu Mutakatifu wa Israeli.

Isaya 41:14 ပူးပေါင်းရင်းမြစ်များ

Ayubu 19:25

Navutswa inze mmanya Mutungiri wange a veye mwoyo, Noku kiheri a la singira ku lirova.

Ayubu 25:6

Nasindi mundu, u veye ing'ende Nomwana womundu, u veye ing'ende.

Zaburi 19:14

Makuva gomunwa gwange na tsiganagani tsyomwoyo gwange Tsi bugirirwe imbiri wowo, O Yahova, ulwanda lwange, na muhonnyi wange. Ku Munene

Zaburi 22:6

Navutswa inze mbeye ing'ende, si mbeye mundu; Mbeye linyegwa lya avandu, na avandu va ndega.

Zaburi 46:5

Nyasaye a veye hagati halyo; si li la dengeya mba: Nyasaye a la li konya, a la li konya ligali mabwebwe.

Zaburi 78:35

Na vidzulitsa Nyasaye a veye lwanda lwavo Na Nyasaye Weigulu Ligali mu honyi wavo.

Isaya 35:10

na avahonnywa va Yahova va lirana na va la duka Zioni, nokwimba; ubusangali bwemihiga ne mihiga bu la va ku mitwe gyavo: va la nyola ubusangali nobuyanzi, ubuvereri nelikenya vi la twulidzwa li'gali.

Isaya 37:4

Namusia Yahova Nyasaye wowo a la hulira makuva ga Rabi shake, womwami wa Asuria munene wewe ya tuma a duke kunyega Nyasaye u veye mwoyo, nokugondokira amakuva aga Yahova Nyasaye wowo u huliye: kunangwa, kigira yaga u gingire avatigaye lisaala lilyo.

Isaya 41:10

u ta tia mba, kigira mbeye halala na ive; u ta genya mba, kigira mbeye Nyasaye wowo; nda ku vika tsingulu; yee, nda ku konya; yee, nda ku gu mira nomukono mulungi gwobulungi bwange.

Isaya 43:14

Yahova, Mutungiri wenyu, Mutakatifu wa Israeli, a vola ndi: Kigira mwinye nda tuma mutumwa Babuloni, na ndikidza vosi kuli avakungi, kali Vakalidei, mu bwato bwelisangala lyavo.

Isaya 43:3

Kigira inze mbeye Yahova Nyasaye wowo, Mutakatifu wa Israeli, Muhonnyi wowo; mmali kuhaana Egepeti kuva umutungu gugwo, mbaani Ethiopia na Seba kigira ive.

Isaya 44:22

Nzeyi amahyolo gogo, kuli lilesi liliduhu, na ubwoni bubwo kuli lilesi: wirane ku inze; kigira nku tungiye.

Isaya 44:24

Yahova Mutungiri wowo, wa ku lomba kutwula munda, a vola ndi: Inze mbeye Yahova, u lombanga vindu vyosi; u vagalanga ligulu, inze tsyeng'ine u vambulanga lirova (ni bwaha u veye halala na inze?);

Isaya 44:6

Yahova a vola yaga, Mwami wa Israeli, Mutungiri wewe, Yahova wa mahe: inze mbeye wokutanga, nowekiheri; si ha veye na Nyasaye wundi ku inze.

Isaya 47:4

Umu tungiri wetu, Yahova wa mahe ni lieta lilye, Mutakatifu wa Israeli.

Isaya 48:17

Yahova, Mutungiri wowo, Mutakatifu wa Israeli, a vola ndi: Inze mbeye Yahova Nyasaye wowo, u kwegidzanga kunyola vyambeti, ukwimiriranga mu inzira i ku dukiranga kugenda kuyo.

Isaya 49:26

Na ava dambidzanga ive nda va lihidza inyama yavo avene; na va la hambika kulinwa lyamasahi gavo avene, kuli iwaini inulu: na avemibiri vosi va la manya inze, Yahova, mbeye Mukonyi wowo, Mutungiri wowo, Wanyala Vyosi wa Yakobo.

Isaya 49:7

Yahova, Mutungiri wa Israeli, na Mutakatifu wa Israeli, u volera uyu wavandu va lega, uyu wa vetsihiri va dunyira, uyu mutumekiri wa yavo avamehanga; Avami va la lola nokuvuka; avanene va la sigamira; kigira Yahova u veye musuuvirifu, Mutakatifu wa Israeli, u tovoye ive.

Isaya 54:5

Kigira Mulombi wowo a veye musatsa wowo; Yahova wa mahe ni lieta lilye: Mutakatifu wa Israeli a veye Mutu ngiri wowo; a la langwa Nyasaye welirova lyosi.

Isaya 54:8

Ku livihirirwa lya vita kigero nda ku visa mmoni mwange ku idakika indala; navutswa ku bulahi bu hongeranga mihiga nemihiga nda ku vererera, Yahova Mutungiri wowo a vola.

Isaya 59:20

Na Mutungi a Iadza ku Zioni, nokuduka ku yavo ava girunkana nokuleka mahyolo mu Yakobo, Yahova a vola.

Isaya 60:16

U la nuna amaveere gavetsihiri, na u la nuna tsimbeere tsyavami; na u la manya inze, Yahova, mbeye Muhonnyi wowo, Mutungiri wowo, Wanyala Vyosi wa Yakobo.

Isaya 63:16

Kigira ive u veye Dada wetu, kali Abrahamu na a vula kukumanya, na Israeli na a vula kukubugirira: ive, O Yahova, u veye Dada wetu; Mutungiri wetu kutwula mihiga nemi higa li veye lieta lilyo.

Jeremia 46:27

Navutswa u ta tia mba, O Yakobo mutumekiri wange, kandi u ta timuka inkolo, O Israeli: kigira, henza, nda ku honnya kutwula ihale ligali, nekisukululwi kikyo ki twule mu kivala kyobutugwa bwakyo; na Yakobo a lirana, naye a lehodzeridza nokusosa, kandi si ha veye nowoku mutihidza.

Jeremia 50:34

Mutungi wavo nowetsingulu; Ya hova wa mahe ni lieta lilye: uyu a la vera makuva gavo ligali, a duke kusosidza lirova, nokunyangidza yavo ava menyanga mu Babuloni.

Lisyoma lya Jeremia 3:57

Wesunda ku inze ku lidiku lya nda kwanira; na wa mbolera, U ta tia mba.

Danyeli 10:12

Ma ya mbolera, Danyeli, u ta tia mba; kigira kutwula ku lidiku lya wa tanga kusaavira limanya, nokwegehidza imbiri wa Nyasaye wowo, amakuva gogo ga hulirwa: na inze nduki kigira makuva gogo.

Hosea 11:9

Si nda tumekira ubululu bwobutima bwange, si ndirana kudividza Efiraim: kigira mbeye Nyasaye, si mbeye mundu mba; Mutakatifu hagati hoho; na si ndingira mu butima.

Matayo 7:14

Kiliango ki veye king'erere ki tsitsa mu liva mwoyo, nenzira yakyo i veye ing'erere, navo ava ki lola ni vakekeke.

Luka 12:32

Mu ta tia, mwinye kyayo kikekeke; kigira Dada wenyu a yanza kumuha ubwami.

Varumi 9:27

Kandi Isaya a kupa lwanga ku Vaisraeli ndi, Hesabu ya vana va Israeli ni i va ni i veye kuli muyeke gwomu inyanza, li veye litigala lyavo li li honnywa:

Vagalatia 3:13

Kristo ya ku honnya mu vilaamu vyelilaga inyinga ya laamwa kigira kwinye; kigira ga ng'odwa, Ku vosi u sungangwa ku musala u laameywi:

Kwidzulitsa 7:7

Yahova si ya vika ubuyanzi bwibwe ku mwinye, kinga si ya mu tovola, kigira mwa vita ihiri yindi ku tsyosi nobunyingi; kigira mwa li vakekeke kuvita avandu vosi:

Tito 2:14

wehaana kigira kwinye, a duke kutungira kwinye ku twule mu bwebaali bwosi, mwene ya siiya avandu va ve avandu veve mwene avagulu ku miyinzi milahi.

Joshua 17:18

navutswa kivala kyevigulu ki la va kikyo; kali ni gu veye mulitu, u la gu tema, ne kiheri kyakyo ki la va kikyo: kigira u la kunga Vakanani, ra twule mu, kali ni va veye namagari gevivya, kali ni va veye avobunyali.

Likunula 5:9

Kandi vimba lwimbo luhya, ni va vola, U dukani kuvugula kitabu nokuboholola mihuri gyakyo: kigira wiitwa, nokugulira Nyasaye namasahi gogo avandu ku luhya lwosi, noku tsinimi tsyosi, noku vandu vosi, noku tsihiri tsyosi,