Isaya 41:10 - KITABU KITAKATIFU

¹⁰ u ta tia mba, kigira mbeye halala na ive; u ta genya mba, kigira mbeye Nyasaye wowo; nda ku vika tsingulu; yee, nda ku konya; yee, nda ku gu mira nomukono mulungi gwobulungi bwange.

Isaya 41:10 ပူးပေါင်းရင်းမြစ်များ

Litanga 15:1

Inyima wevindu yivi likuva lya Yahova lya duka ku Abram mu malola, kuvola, U ta tia, Abram: Inze mbeye inkingiru yoyo, na madanyi gogo manene ligali.

Litanga 26:24

Na Yahova ya loleka kuye ubudiku zana, na a mu volera, Inze mbeye Nyasaye wa dada wowo Abrahamu: u ta tia mba, kigira inze mbeye halala nive, na nda ku gasidza, na a nda meda kisukululwi kikyo kigira mutumekiri wange Abrahamu.

Litanga 31:5

na a va volera, Ndoli mumon; mwa dada wenyu si mu yeki ku inze kuli matsyambiri; navutswa Nyasaye wa dada wange a veye halala ninze.

Litanga 49:24

Navutswa buta bwibwe bwa menya netsingulu, Na tsimbamba tsyamakono gege tsya vikwa tsingulu, Namakono ga Wetsingulu wa Yakobo, (Mwayi ya twula yo, u veye a Lwanda lwa Israeli,)

2 Samweli 22:19

Va ntwulira bwangu ku lidiku lyekivi kyange; Navutswa Yahova ya li itiru yange.

1 Kyetsinyinga 12:18

Ma Roho ya duka ku Amasai, wa li munene wa yavo makumi gavaka, na a vola, Ku veye avovo, ive Daudi, ku veye ku luvega lulwo, ive mwana wa Jesse: mirembe, mirembe, ku ive, nemirembe gyi ve ku va konyanga ive; kigira Nyasaye wowo a konyanga ive. Hene yaho Daudi ya va bugirira, na a va kola avanyampara vekiduma.

2 Kyetsinyinga 20:17

Mu bulwani yibu si mu la va nelyenya kulwana: mu dinye, mu singire, mu lola ubuhonyi bwa Yahova bu veye halala nemwinye, mwinye O Yuda na Yerusalemi; mu ta tia mba, kandi mu ta kudza mwoyo: mugamba mu va twulire; kigira Yahova a veye halala nemwinye.

2 Kyetsinyinga 32:8

kuye ha veye nomukono gwekinyama; na vutswa ku kwinye ha veye na Yahova Nyasaye wetu, wokukonya kwinye, nokukulwanira ubulwani bwetu. Na vandu vesedema ku makuva ga Hezekia mwami wa Yuda.

Zaburi 144:11

U mbonnye, na u ntwulidze ku mukono gwavageni, Aveminwa gyavo gyi vola ubugadi, Na mukono mulungi gwavo gu veye mukono mulungi gwobu behi.

Zaburi 144:8

Aveminwa gyavo gyi vola ubugadi, Na mukono mulungi gwavo gu veye mukono mulungi gwobubehi.

Zaburi 145:14

Yahova a singeridzanga yavo vosi ava gwa Na a digulula yavo vosi avina minywa.

Zaburi 147:12

Widzominye Yahova, O Yerusalemi; Widzominye Nyasaye wowo, O Zioni.

Zaburi 18:36

U lombeye virenge vyange ubwiyangu isi wange, Na tsinduvatiru tsyange si tsi tereye mba.

Zaburi 27:1

Yahova a veye ubulavu bwange na ubuhonnyi bwange; Nda tia bwaha? Yahova a veye lugaga lwelivamwoyo lyange; Nda va nobutii ku bwaha?

Zaburi 29:11

Yahova a la ha avandu veve tsingulu; Yahova a la gasidza avandu veve nemirembe.

Zaburi 33:12

I veye nobugasu ihiri ya Yahova a veye Nyasaye wayo, Avandu ava ya tovola kuva miyandu gyigye mwene.

Zaburi 37:17

Kigira amakono gavadamano ga la vunanywa; Navutswa Yahova a veye mukonyi wavalungi.

Zaburi 37:24

Na a va na a gwa, si a la guutwa ligali mba; Kigira Yahova a mu gumira mu kono nokumusingeridza.

Zaburi 41:12

Yee, mu budukiru bwange u nduviridzanga, Na u mbeye kusingira imbiri wowo mihiga nemihiga.

Zaburi 46:11

Yahova wa amahe a veye halala nekwinye; Nyasaye wa Yakobo a veye kyo kwivisa mu kyetu. [Selaha

Zaburi 46:7

Yahova wa amahe a veye halala nekwinye; Nyasaye wa Yakobo a veye kyo kwivisa mu kyetu. [Selaha

Zaburi 63:8

Mwoyo gwange gu londanga ive ligali: Mukono gugwo mulungi gu singeridza inze.

Zaburi 65:5

Nevindu vyokutihidza u li ku tivulira mbulungi, O Nyasaye wobuhonywi bwetu, Ive u veye kisuuviri kyeviheri vyosi vyelirova, Kandi kya yavo ava veye ihale ku inyanza:

Zaburi 99:4

Ubunyali bwomwami bu yanza likalaga lilahi; Ive u singeridzanga ubulungi; U kolanga likalaga lilahi kandi ubulungi mu Yakobo.

Kutwula 14:13

Na Musa ya volera avandu, Mu ta tia mba, mu singire, na mu lole ubuhonyi bwa Yahova, bwa a li kolera mwinye lero: kigira Avaegepeti va mu lolanga lero, si mu la va lola kandi mihiga nemihiga.

Kutwula 20:20

Na Musa ya volera avandu, Mu ta tia mba: kigira Nyasaye a duki ku minye kumugeridza, kandi litibwa lilye li ve imbiri wenyu mu vule kukola ubwoni.

Isaya 12:2

Henza, Nyasaye a veye lihonywa lyange; nda suuvira, si nda tia mba: kigira Mwami, Yahova a veye tsingulu tsyange nolwimbu lwange; naye u gwiye lihonywa lyange.

Isaya 35:4

Mu volere ava veye nomwoyo gwobutii, Mu ve avagulu, mu ta tia mba: henza, Nyasaye wenyu a ladza nekisalya, halala ne litunga lya Nyasaye; a ladza kumuhonya.

Isaya 37:6

Na Isaya ya va volera, Mu volere munene wenyu makuva yaga, Yahova a vola, U ta tia makuva ga wa hulira, aga vatugwa vomwami wa Asuria va nnyegi nago.

Isaya 43:5

U ta tia mba; kigira inze mbeye halala nive: nda leta kisukululwi kikyo ki twule ivugwe, na nda ku vungidza kutwula madioli;

Isaya 44:2

Yahova wa ku kola, nokukulomba kutwula munda, u li ku konya, a vola ndi: U ta tia, O Yakobo mutumekiri wange; na ive, Jeshurun, wa ntovoye.

Isaya 49:8

Yahova a vola ndi, Inze mmali kukutivulira inyinga yobugirirwa, nomu lidiku lyobuhonnyi nku honnyikandi nda ku linda, nda twulidza ive u ve lilagana lyavandu, u duke kudinyeridza kivala yiki, nokuvaha miyandu gya lekwa vutswa;

Isaya 50:9

Henza, Yahova Nyasaye a la nkonya; ni bwaha u nkalagira mbeye muhyoli? Henza, yava vosi va la kunguha kuli ingubo; na tsisere tsi la va lia.

Isaya 52:7

Vya li vilahi ki mu vigulu, virenge vya uyu u letanga makuva malahi, u landidzanga makuva gemirembe, u letanga makuva malahi gevindu vilahi, u landidzanga makuva gobuhonywi; u voleranga Zioni, Nyasaye wowo wamehanga

Isaya 60:19

Liuva li la vula kuva ubulavu bubwo kandi inyinga yombasu; kandi ku bung'e reng'anu yibwo mweli si gu la ku ha ubwaaku kandi: navutswa Yahova a la va ubulavu bwemihiga nemihiga ku ive, Nyasaye wowo a la va bukumi bubwo.

Lisyoma lya Jeremia 3:57

Wesunda ku inze ku lidiku lya nda kwanira; na wa mbolera, U ta tia mba.

Danyeli 10:12

Ma ya mbolera, Danyeli, u ta tia mba; kigira kutwula ku lidiku lya wa tanga kusaavira limanya, nokwegehidza imbiri wa Nyasaye wowo, amakuva gogo ga hulirwa: na inze nduki kigira makuva gogo.

Danyeli 6:16

Ma mwami ya haana munwa, ni va leta Danyeli, ni va mu ta mu luhangaywa lweving'ang'a, Ma rnwami ya moloma na volera Danyeli, Nyasaye wowo wa u tumekiranga kazozo, a la ku honnya.

Hosea 1:9

Yahova ya vola, U mu gulike lieta lilye Loammi; kigira mwinye si mu veye avandu vange mba, na inze si nda va Nyasaye wenyu mba.

Haggai 1:13

Hene yaho Haggai, wa li mutu mwa wa Yahova, ya volera avandu, mu makuva ga Yahova, na a vola Inze mbeye halala nemwinye, Yahova a vola.

Haggai 2:5

kuli likuva lya nda lagana nemwinye lwa mwa twula mu kivala kya Egepeti, na Roho wange ya menya hagati henyu: mu ta tia mba.

Zekaria 10:12

Nda va vika tingulu mus Yahova; na va la genda yiyi na yiyi mu lieta lilye, Yahova a vola.

Zekaria 10:6

Na nda vika tsingulu ku inyumba ya Yuda, na nda honnya inyumba ya Yosefa, na nda galukidza yavo kandi; kigira mba vereye tsimbabasi; navo va la va kuli ava nda vula kuta: kigira mbeye Yahova Nyasaye wavo nda va hulira.

Zekaria 13:9

Na nda leta kidieli kya kavaka ki viti hagati homuliru, na nda va siiya kuli ifetha, nokuvageridza kuli ithahabu i geridzangwa. Va lanira lieta lyange, na nda va hulira; nda vola, Yavo na avandu vange; navo va la vola, Uyu Yahova niye Nyasaye wange.

Luka 1:13

Navutswa ingelosi ya mu volera, U ta tia, Zekaria: kigira lisaala lilyo li huleywi, kandi mukali wowo Elisabeti a la kwivulira mwana muyai, lieta lilye, u la mu gulika Yohana.

Luka 1:30

Kandi ingelosi ya mu volera, U ta tia, Maria kigira Nyasaye u ku vereye tsimba basi.

Varumi 8:31

Kunangwa ku vola ndi ku vindu yivi? Nyasaye na a reve ku luvega lwetu, ibwaha a veye musigu wetu?

2 Vakorintho 12:9

Naye ya mbolera, Tsimba basi tsyange tsi ku duki: kigira tsingulu tsyange tsi dukidzeywi mu budedekere. Kunangwa ndiidzominya mu budedekere bwange nobuyanzi ligali, tsingulu tsya Kristo tsi menye ku inze.

Vafeso 3:16

a mu he kudaswa tsingulu mu mundu wenyu womugati kigira Roho wewe, kuli ubutugi bwobukumi bwibwe;

Kwidzulitsa 20:1

Lwa u twula kutsia mbulwani navasigu vovo, nokulola tsiparasi, namagari, navandu vanyingi kuvita ive, u ta va tia mba; kigira Yahova Nyasaye wowo a veye halala nive, wa kwanegeridza kutwula mkivala kya Egepeti.

Vafilipi 4:13

Nnyalanga kukola vindu vyosi mu uyu u nyalidzanga.

Joshua 1:9

Si nda ku laga? U ve mugulu nomuluviriri; u ta tia, kandi u ta kudza mwoyo: kigira Yahova Nyasaye wowo a veye halala nive hosi ha u tsitsanga.

Vakalagi 6:16

Yahova ya mu volera, Ligali inze nda va halala nive, na u la kuya Vamidiani kuli umundu mulala.