Isaya 40:31 - KITABU KITAKATIFU

³¹ Navutswa yava ava lindiranga Yahova va lirannya ubuhya bwetsingulu tsyavo; va lanegira igulu netsimbaha kuli kihungu; va la nyagula bugira kuluha; va la genda na si va la kudza myoyo mba.

Isaya 40:31 ပူးပေါင်းရင်းမြစ်များ

Ayubu 17:9

Mulungi a la tsitsagil'la ku inzira yeye, Na uyu u veye namakono manifu a la meda kunyola tsingulu.

Zaburi 103:5

Wigutidzanga lyenya lilyo nevindu vilahi, Ubusoleri bubwo bu galukidzangwa uhuhya kuli bwendidzu.

Zaburi 123:2

Henza, kuli tsimoni tsyavatugwa tsi yekanya ku mukono gwava nene wavo Na kuli tsimoni tsyomukana mutugwa tsi yekanga ku mukono gwa munene wewe wekikali; Ni ndiyo tsimoni tsyetu tsi yekanga ku Yahova Nyasaye wetu, A luhe a ku vere tsimbabasi

Zaburi 138:3

Ku lidiku lya nda kwanira, ive wa ntivulira, Wa nduviridza netsingulu mu mwoyo gwange.

Zaburi 20:9

Yahova, u honnye: Mwami a ku tivulire lwa ku langa. Ku Munene.

Zaburi 25:21

Ubudukiru na ubulungi bu ndende, Kigira nindirira ive.

Zaburi 25:3

Yee, ava lindiriranga ive si va la va netsisoni, kali mulala: Yavo ava kolanga ubugadi bugira kivune va la va netsisoni.

Zaburi 25:5

U nzimirire mu ageligali gogo, na u nzegidze; Kigira u veye Nyasaye wobukonyi bwange; Nindirira ive mbasu pei.

Zaburi 37:34

U lindirire Yahova, u gumire inzira yeye, Naye a la ku nenehidza kuduka u nyole miyandu gyekivala: Lwa avadamano va temwa, ive u la lola.

Zaburi 40:1

Nda lindirira Yahova nobwikudziri; Naye ya huliridza, na hulira lyanira lyange.

Zaburi 84:7

Va twulanga ku ubunyali noku duka ku ubunyali; Va vugananga sa mulala imbiri wa Nyasaye mu Zioni.

Zaburi 84:8

O Yahova Nvasaye wa mahe, u hulire lisaala lyvange; U tegidze ugutu, O Nyasaye wa Yakobo. [Selaha

Zaburi 92:1

Bu veye bulahi kusantidza Yahova, Nokwimba tsinyimbu tsyohlvidzominya lieta lilyo, O Weigulu Ligali;

Zaburi 92:13

Va simikwa mu inyumba ya Yahova; Va la landa ha mugidzi gwa Nyasaye wetu.

Kutwula 19:4

Mu loli aga nda kolera Avaegepeti, na kuli nda mu ginga ku tsimbaha tsyendidzu, na nda mu leta ku inze mwene.

Tsing'ano 30:19

Inzira yendidzu mbwerefu; Inzira yenzoka ku lwanda; Inzira yobwato mu inyanza; Na inzira yomundu halala nomu kana.

Lwimbu lwa Solomoni 8:5

Ni bwaha uyu mukali wanegiranga kutwula mu kyangalangwi, Ni yesedemi ku muyanze wewe? Isi womuchungwa nda ku vukidza: Ha zana niho ha mama wowo ya lumirwa liluma lilyo Ni ho ha uyu wivula ive ya lumirwa.

Isaya 25:9

Mu lidiku yilyo ga la volwa Henza, Uyu ni Nyasaye wetu; ku mu lindiriye, naye a la ku honnya: uyu ni Yahova; ku mu lindiriye, ku la lola bulahi nokusangalira ubuhonnyi bwibwe.

Isaya 30:15

Kigira Yahova Nyasaye, Uyu Mutakatifu wa Israeli a vola ndi, Mu lirana nomu lyelemeridza mu la honywa; tsingulu tsyenyu tsi la va mu lisosa nomu lisuuvira. Na mwinye si mwa bugirira:

Isaya 30:18

Kigira yaga Yahova a la lindirira, a duke kumuvera tsimbabasi; kandi kigira yaga a la kuminywa, a duke kuvererera mwinye: kigira Yahova a veye Nyasaye welikalaga; va veye nobugasu vosi ava mu lindiriranga.

Isaya 41:1

Mu kiring'ane imbiri wange, O visulu; mu leke avandu virannye ubuhya bwetsingulu tsyavo: vesunde himbi; ma va vole; ku lindirire himbi kwosi halala ku likalaga.

Isaya 64:4

Kigira kutwula kale ava ndu va vula kuhulira, kandi si va manya na amatu, kandi imoni si ya lola Nyasaye wundi, lugano ku ive, u kolera uyu u mu lindiranga miyinzi.

Isaya 8:17

Na nda lindirira Yahova, uyu u visanga mmoni mwi mwe ku inyumba ya Yakobo, na nda mhenzererera.

Jeremia 48:15

Moabu u lekeywi vutswa, navo vanegiye nokwingira mu madala gege, na avasoleli veve avatovolwa va sulunguta ku liitwa, Mwami a vola, welieta lilye li veye Yahova wa mahe.

Zekaria 10:12

Nda va vika tingulu mus Yahova; na va la genda yiyi na yiyi mu lieta lilye, Yahova a vola.

Luka 18:1

Ya va kupa lugano va duke kulola nu bulahi va saala tsinyinga tsyosi, va ta luha mba;

Varumi 8:25

Navutswa ni ku henzerera kya ku ta lolanga, ku ki lindirira nobwikudziri.

2 Vakorintho 4:1

Kunangu a kigira ku veye nobutumwa yibu, kuli kwa verwa tsimbabasi, si ku kudza mwoyo:

2 Vakorintho 4:16

Kigira yaga si ku twulidza ku mwoyo, navutswa kali mundu wetu wokwigodo ni yoneka, mundu wetu womugati a kolangwa muhya kazozo.

Vagalatia 6:9

Kwinye ku ta kudza mwoyo ku likola bulahi: kigira ku la gesa ku tsinyinga tsyalyo, ni ku vula kukudza mwoyo.

Kwidzulitsa 32:11

Kuli indidzu i sambulanga inyumba yayo, Ne yedungerera igulu ku avanavayo, Ni inyira tsimbaha tsyayo, nokuvavugula, Ya va ginga ku tsimbaha tsyayo.

Kwidzulitsa 33:25

Vilatu vivyo vi veye kivya nomugasa; Na kuli madiku gogo tsingulu tsitsyo tsi la va ndiyo.

1 Vatesalonike 1:10

no kulindirira Mwana wewe kutwula migulu wa ya simugukidza kutwula mu vakudzu naye ni Yesu, u honnya kwinye mu butima buudzanga.

Vahebraina 12:1

Kunangwa kigira yaga, kwinye kandi kigira ku lola ku kumbiridzeywi nelilesi linene lyavalolekidzi, ku vike ha luvega imisigo gyosi miliduhu, nobwoni bu ku kumbiridza ligali, ku nyagule nobwikudziri ku ligerana li vikeywi imbiri wetu,

Vahebraina 12:3

Kigira yaga mu ganagane uyu wekudzira ku lihing'ana naye kuli yili lyavobwoni, mu vule kuluha, mu ta kudza myoyo gyenyu.

Joshua 14:11

Navutswa kalunu mbeye netsingulu tsyange kuli nda li ku lidiku lya Musa ya ntuma: kuli tsingulu tsyange tsya li inyinga zana, netsingulu tsyange tsi veye ndiyo kalunu, mbulwani, nokusamula nokwingira.

Likunula 12:14

Kandi mukali ya hebwa amabaha gaviri gendidzu inene, a bulukire kutsia mwigendanyama ha bugono bwibwe, ha a lagiridzwa inyinga, netsinyinga, nenusu yenyinga, a twule imbiri wenzoka.

Likunula 2:3

kandi wa li nobwikudziri nokwikudzira ku lieta lyange, kandi si wa luha.

Likunula 4:7

Kandi kilombe kyokutanga kya fwanana neking'ang'a, nekilombe kya kaviri kya fwanana nekimoli, nekilombe kya kavaka kya li nelifwana lyommoni kuli mundu, nekilombe kya kane kya fwanana nendidzu i buluka.

Vakalagi 16:28

Na Samsoni yanira Yahova, na a vola, O Yahova Nyasaye, u nzidzulitse, nku saala, u mbe tsingulu mwadza, inyinga indala yiyi vutswa O Nyasaye, nduke kwevanzira kisalya ku Vafilisiti kigira tsimoni tsyange tsyombi.